Air Greenland Charter

Air Greenland Charterimi timmisartunik qulimiguulinnillu assigiinngisitaartunik sullisissaqqissunillu aammalu timmisartortartunik misilittagaqarluartunik sullinneqarninni suliassatit naammassisinnaavatit. Issittumi timmisartuussinernik ukiunik 50-inik sinneqartunik misilittagaqarpugut. Piffinni avinngarusimasuni attaveqaasersuutiluttuni silallu pissusiani naakkittaatsumi sulineq sungiusimavarput. Nunarput angisoorujussuaq tamaat kaasarfimmioraarput. Issittoq ilisimasaqarfigilluarparput.

Attaveqaasersuutivut suliarilluagaapput patajaatsuullutillu. Air Greenlandi nunatsinni illoqarfinni amerlanerpaani stationeqarpoq, hangareqarpoq, flymekanikereqarpoq allanillu sulisoqarluni, Nuummilu kingoraartissanut quersuaqarluta. Taamaattumik arlaatigut ingerlaniarnitsinni unittuussagaluarutta piffissami ulapaarfiusumi suliassannik kinguarsarpallaarnak aaqqissupallanneqariaannaavoq.

Uatsinnut immikkut ilisimasaqarneq immikkut ilisarisimasaqarnerlu imminnut ataqatigiilluinnarput, tamannalu ilinnut iluaqutissanngorluni tussaaq: ajornartoortoqassappat kikkut saaffigissanerlutigit nalunngilarput, nunarput tamakkerlugu!

Air Greenland suliassatit naammassiniarlugit sullissisussatut toqqarukku inuiaqatigiinni suleqatigiinneq uummaarissoq aamma toqqassavat. Timmisartuutivut qulimiguuliutivullu aappaluttut suliffissanut, ilinniarfissanut kaaviiaartitaqarnerlu ilisarnaataapput nunatsinnut illillu nunatsinni siunissannut iluaqutaasussatut.

Suliffeqarfinni ileqqorissaarnermik piujuartitserusunninnullu uatsinnik toqqaanerit aamma iluaqutaassaaq: Air Greenland FN-ip inuiaqatigiinni akisussaaqataanermik tunngaviinut (Corporate Social Responsibility) maleruaaniarluni imminut pisussaaffilersimavoq. Nunatsinni suliffeqarfinni siullersaalluta 2010-mi FN-ip Global Compactianut ilannguppugut, tamannalu inuit pisinnaatitaaffiinut, avatangiisinut, sulinermi atugassarititanut peqquserlunnissamullu akiuiniarnermut pisussaaffiliivoq. Tamanna iluanaarutissaavoq – illit aamma nunatsinni siunissannut.

BARS GOLDimut akuerisaanikuuvugut
Air Greenland qaffasissumik isumannaallisaanermut kultooreqarpoq. BARS GOLDimut akuerisaanikuuvugut. BARS-programmerput ISO9001:2015 pitsaassusermut aalajangiiniarnermut systemiuvoq akuerisaasoq. Taassuma programmi sullissisinnaanermut nunat tamalaat akornanni naleqqersuussinnaasutut akuerisaavoq.

Modeli navianartuusinnaasut aallaavigalugit sanaajuvoq, silaannakkut sullissinernut tulluussagaq, sualummik avinngarusimasuni unammillernartunik nalaataqassagaluaraanni tulluartuulluni.
Air Greenland BARS-programmit suliassanut avatangiisinut tulluussagaasutut isumaqarfigai taamaattumillu isumannaallisaanermut kultooritsinnut ilanngussimallutigu. Taassumalu programmip nunat tamalaat akornanni naleqqersuussinnaasutut akuersaarpaa.