Angalanissanut*periarfissaatigut

Neqeroorutigivagut timmisartukkut angalanissat, naleqqussakkat assigiinngitsut angalasut atorfissaqartitaat aallaavigalugit. Billitsi atorunnaatipparput, kisianni innimiisinnaavutit toqqaannarlugu angalatittsinittinni angalariaatsinut sisamanut. Air Greenland Travel imaluunniit illit angalatitsiviit angalanernut allanut, sunngiffiup nalaani angalanerit, immikkut neqeroorutit il.il.

Angalanerit økonomi-klasse:

Økonomi, fleksibel: Angalanissaq pisiarineqarsinnaavoq aallaliivinnissaq tikillugu, aammalu taanna allanngortinneqarsinnaavoq akiliutillu utertitsinneqarsinnaallutik nalunaaquttap akunneri marluk aallanernissap pilersaarutaa sioqqullugu. Meeqqat marlunniik aqqanilinnik ukiullit inersimasup akiata affaanik akiliissapput, kiisalu meeraaqqat marlunnik ukioqalersimanngitsut inersimasup akiata quleraarterutaata akiatut akeqassalluni. Angalasutsinnut tressileereersimasunut neqereeruteqarpugut 50 procentimik utoqqalereersimasunut ilanngaammik.
Angalaneq allanngortinneqarsinnaavoq (akisunermut ) business-klassimut saniatigut immikkut akiliilluni. Innimiisoqarsinnaavoq timmisartukkut angalanernut Kalaallit Nunaata iluani kiisalu angalaffissanut Kalaallit Nunaanniit Danmarkimullu. Pisattat annerpaamik 20 kiilo nassarneqarsinnaapput.

Økonomi, ikke-fleksibel: Tamanna angalanissamut periarfissaq 40 procenti tikillugu akikinnerusinnaavoq økonomi, fleksibel-miit. Akerlianilli periarfissanik killeqartitsilluni:
Innimiisoqarsinnaangilaq økonomi,ikke-fleksible atorlugu helikopterikkut angalanernut aammalu timmisartornernut Upernavimmut/miit Qaanaamut/miit. Allanngortitsinissamut periarfissaqanngilaq imaluunniit angalanissap akiata akileriikkap utertinnissaanut.
Meeqqat marlunniik aqqanilinnut ukiullit akiliissapput inersimasup akiata affaanik, taavali meeraaqqat marlunnik ukioqalersimanngitsut inersimasup akiata quleraarterutaanik akiliissalutik. Angalasunut tressileereersimasunut neqeroorpugut utoqqalereersimasut 50 procentimik ilanngaavigalugit. Angalaneq allanngortinneqarsinnaavoq business-klassinngorlugu immikkut saniatigut akiliinikkut, kisianni taanna periarfissaq atuutinngilaq angalasutsinnut utoqqalereersimasunut ilanngaatilinnut. Innimiisoqarsinnaavoq timmisartukkut angalanissanut Kalaallit Nunaata iluani angalanissanullu Kalaallit Nunaanniit Danmarkimut. Pisattat nassatassat annerpaamik 20-kiilo tikillugu.

Angalanerit business-klasse (akisunerit):

Business,fleksibel: Manna angalanermi periarfissaq, aamma taaguutilik ”Nanoq-Class”-imik, taamaallaat atuuppoq angalanernut Kalaallit Nunaanniit Danmarkimut. Angalaneq allanngortinneqarsinnaavoq kiisalu akiata nalinga  utertinneqarsinnaalluni aallarfissaq nalunaaquttap akunnerinik marlunnik sioqqullugu assigiinngitsunillu periarfissillutit soorlu nassataqarsinnaallutit 30 kiilo tikillugu – aamma ingerlaqqiffissavit tungaanut Kalaallit Nunaata iluani Danmarkimilu. Kiisalu aamma nassatatit siulliunneqassapput pisattat kaavittarfiannut apuuppata. Annertunerusumik atuakkit periarfissatit sullissinerpullu pitsaalluartoq business, fleksibel- atorlugu angalaguvit.

Business, ikke-fleksibel: Angalanermi periarfissap matuma assigivaa, økonomi,ikke fleksibel, kisianni tapermik akiliillutit angalasinnaavutit  business-klasse-mi isumaginninnitta periarfissaasa assingi atorlugit. Kisianni angalanissat allanngortissinnaanngilat aammalu angalanerpit nalinga utertissinnaanngilat.

Nunaqarfinnut helikopterikkut angalanerit: Nunaqarfinnut helikopterikkut timminernut malittarisassat immikkut ittut atuupput. Angalanissaq inniminneerneqassaaq kingusinnerpaamik nalunaaquttap akunneri 24-it sioqqullugit aallarfissaq pilersaarutaasoq aallaavigalugu, malittarisassat allannguinissamut utertitsinissamullu atuupput Økonomi fleksibel- tulli. Neqerooruteqanngilagut meeqqanut imaluunniit utoqqalilersimasunut akinut ilanngaatinik, taamaakkaluartoq meeqqat marlunniik aqqanilinnik ukiullit kiisalu utoqqalilersimasut (60+ ukiullit) akip affaanik ilanngaaffigineqassapput angalanerni Qaanaap Pituffiullu akornanni. Meeraaqqat marluk inorlugit ukiullit angalasinnaapput akeqanngitsumik nunaqarfinni tamani helikopterikkut angalanerni.

Angalanerpit pilersaarusiornissaanut ikiorsinnaavatsigit, uvani nassaarisinnaavat angalanissatta pilersaarutaat.