Apuugit ajunngitsumik

Angalanerpit nalaani sukkulluunniit iluaakujulissaguvit tunuarsimaassanngilatit sulisutsinnut attaveqarnissannik. Kisianni naatsumik siunnersuuteqarsinnaavugut angalaninnut iluaqutaasinaasumik: Naammattumik imerit (imeq imaluunniit juice), atisaqarit sukanganngitsunik naannut qungatsinnullu, kiisalu angalanerpit nalaani talitit nissutillu peqillugillu siaaqattaartakkit qasuersikkusullugit – ajunngilaq nalunaaquttap ataatsip iluani minutsip tallimat atorlugit. Periarfissaqaruvit issiavinniik nikuvigit pisoqattaarlutillu  siumut kingumullu issiaviit saneqqullugit. Kisiannili angalaqatitit sulisullu ajoqusernaversaarlugit.

Jetlag – Sivisuumik angalareernermi piffissamik kiputtooqqaneq
Jetlageqarneq pilersarpoq nunarsuarmi nalunaaquttap nikiffii aqqusaarlugit angalasimagaanni.Nalunaaquttavit takutippaa tikitavit nalunaaqutaa, kisiannili timit qisuariassaaq aallarfippit nalunaaqutaanut. Malunnaatit ilagisarpaat sininnaveertarneq, niaqorlunneq,  naarlukujunneq kiisalu piffissaanngitsukkut qasukujunnerit. Amerlanerpaatigut jetlagimik misiginerlutat pisarput kitaaniik kangimukarluni angalanerni, assersuutigalugu Kalaallit Nunaanniit Qallunaat Nunaannut angalanerni. Kangimut angalatilluni nalunaaquttap akunneri annaaneqartarput, innarnissarlu sungiusimasamut naleqqiullugu siusinnerusarluni, akuttunngitsutigut sininneq ajulernermik kinguneqartarluni.

Uvagutsinniik siunnersuuteqarsinnaavugut imatut:
Angalanerpit nalaani sapinngisat tamaat sinigit. Tikiffippit ulluata  unnuaatalu  ingerlanera tikinninniik maliguk.Sapinngisat tamaat atorlugu malinnaaniarit. Naammattumik imernissat isumagiuk.

Tilbage til siden