Nassatanik tigusisarneq
Kalaallit Nunaanni mittarfiit: Ornigarnut tikikkuit nassatatit minutsit quliniit 15-it ingerlanerini niuffiortut utaqqisarfiannut apuuneqassapput. Danmarkimiit tikikkuit ilanngaaserisumut aqqusaarnissat naatsorsuutigisinnaavat.

Kastrup-ip mittarfia: Timmisartup uniffianiit nassatanik tunniussisarfimmut ungasissorujussuusinnaavoq. Nassatanik tunniussisarfimmut allagartat malikkit (“Bagage Claim”-imik allassimasut qinikkit), tassanilu skærmersuakkut takusinnaavat nassatatit tunniussisarfiit arlaatigut tunniunneqassanersut takullugu. Timmisartup tikinneraniit minutsit 20-t 40-llu akornanni qaangiunnerini nassatavit tunniunneqarnissaat naatsorsuutigisinnaavat. Nassatatit tigoreerukkit anisarfiup tungaanukassaatit tassanilu ilanngaaserisoq aqqusaarlugu. .

Nassatat tammartut
Kalaallit Nunaanni mittarfiit: Nassatatit tikissimanngippata erngerlutit mittarfimmi sulisunut saaffiginneqquneqarputit. Tassani nassatannut uppernarsaatit, bilitsivit tunuanut nipitissimasoq takutissavat, nassatavillu tigunngitsuukkavit qalipaataa, angissusia, suussusia assigisaannullu tunngasut nassuiaatigalugit.

Kastrup-ip mittarfia: Kastrup-imi suleqaterput Novia attaveqarfigissavat, taannalu nassatanik tunniussisarfimmi allaffeqarpoq. Tassani nassatannut uppernarsaatit, angalanissannut pilersaarutip tunuanut nipitissimasoq takutissavat, nassatavillu tigunngitsuukkavit qalipaataa, angissusia, suussusia assigisaannullu tunngasut nassuiaatigalugit. Suleqativut nalinginnaasumik quppersakkamik assitalimmik peqartarput, tassanilu assi nassatannut assingunnerpaaq tikkuassavat.

Aamma nassatatit angallanneqarnerminni ajoqusersimappata sulisugut imaluunniit suleqatigut attaveqarfigissavatit.

Sillimmasiisarfinnit taarsiisoqassappat imaluunniit ajunngitsorsiassaqartinneqassaguit nalunaaruteqarninni allakkatigut uppernarsaammik pinissat pingaaruteqarpoq. Nassatatit tammartut nassaarineqarunik erngerlutik sumiiffimmut, illit aalajangikkannut tunniunneqassapput.

Nassatatit assiligukkit taava suussusai takujuminarnerussapput tammassagaluarpata.

Nassaat

Pigisat puigukkat timmisartortsuarmi nassaarineqartut Novia-mut tunniunneqartarput,
tassani nassatat qimatat puussiamut ikillugit parnaarlugit toqqaannaq mittarfup politeeqarfianut ingerlanneqartarput. Politiit nassaanut allaffeqarfianit ullut tamaasa puussiat parnaaqqasut aaneqartarput, Vanløse-mullu ingerlanneqartarput Københavnimi nassaanut inissiisarfik tassaniimmat.

Taamaattumik ilaasut qinnuigaagut Nassaanut allaffeqarfik (Hittegodskontoret) toqqaannaq attavigeqqullugu, mittarfimmi qimatat aaneqarsiilluugit uninngatinneq ajoratsigit.

Hittegodskontori uaniippoq:
Hittegods København
Københavns Politi
Hittegodskontoret
Slotsherrensvej 113
2720 Vanløse
tlf. 3874 8822, fax. 35210094
email: kbh-hittegods@politi.dk

S-tog-nut ilaassagaanni ornitassaq qaninneq aana: Islev Station
HT-bussit: 12 og 22

Ammasarfii
Ataasinngornikkut – marlunngornikkut – pingasunngornikkut tallimanngornikkut nal. 09.00 – 14.00
Sisamanngornikkut 09.00 – 17.30
Arfininngornikkut, sapaatikkut nalliuttunilu matoqqasarpoq
Tunniussinissamut pisussaaneq

Nassaat sapinngisamik politeeqarfimmut qaninnerpaamut tunniunneqassapput. Nassaartulli piginnittoq kinaasoq nalunngikkuniuk tassunga tunniussinnaavaa.
Aningaasat

Nassaat politiinut tunniunneqartut aningaasanik ilaqarpata, nassaartoq aningaasat amerlassusaannut uppernarsaammik pissaaq.
Piginnittussarsiorneq – akitsorterussinikut tuniniaaneq

Nassaat Politiinit Nassaanut allaffeqarfimmut tunniunneqartarput, tassanngaanniillu piginnittoq nassaariniarneqartarpoq nalunaarfigineqarlunilu. Nassaanut allaffeqarfimmi nassaat qaammatini pingasuni uninngatinneqartarput, tamatumalu kingorna tamanut ammasumik akitsorterussinermi tuniniarneqartarput, piffissarititaq nallertinnalugu piginnittoq saaffiginnissimanngippat.
Sikkililli nassaat qaammat ataasiinnaq uninngatinneqartarput, pequtillu anisitaanermut tunngatillugu tiguneqartut qaammatit marluk.
Sikkilinik, nassaanik, pequtinillu akuttunngitsumik akitsorterussisoqartarpoq. Topauktioner akitsorterussinernik isumaginnittuusarpoq. 
Aningaasivik assigisaaluunniit nassaaq inuup piginnittup kinaaneranik allanilluunniit paasissutissanik imaqarpat taanna piginnittumut nassiunneqassaaq.
Nassaanut allaffeqarfimmut nalinginnaasumik inuk nammineerluni, allakkatigut imaluunniit telefax-ikkut saaffiginnissinnaavoq. Tammaasat, soorlu pinnersaatit, nalunaaquttat allallu elektronik-nut tunngasut, serie-normut atorlugit suussusai uppernarsineqarsinnaasut oqarasuaatikkut saaffiginnissutigineqarsinnaapput. Aamma mobiltelefonit taakku IMEI normoqarmata (kisitsisit 15-it).
Pigisat puigukkat, nunatta iluani timmisartuni nassaarineqartut illoqarfimmi trafikkontorini qaammat ataaseq uninngatinneqartarput, tamatumalu kingorna politiit nassaanut allaffeqarfiannut tunniunneqartarlutik.