Inerteqqutaavoq uumasut suli uumasut Kalaallit Nunaannut eqqunnissaat akuersissummik peqanngikkaanni Kalaallit Nunaanni oqartussaniik, taava uumasumik nassarlutit angalaniaruit sioqqutsillutit saaffigissavatsigut. Ilisimatitsissutigissavarpt sakkortuunik malittarisassaqarmat Kalaallit Nunaannut uumasunik eqqussiniaraanni – ingammik Avannaanut Tunumullu. Pappialat akuersissutillu uumasunik angallassinissamut akuersissutaasut tamatigut nassarneqassapput, takutinnissai piumasaqaatinut ilaammat angallassinissaq akuerineqartinnagu.

Uumasut imaluunniit karsit angallassinermut atugassat akiliinissamut atatillugu isigineqarput suppiinertut. Karsit angallassinermut atugassat uumasumik imallit ilanngunneqarsinnaanngillat akuerisaasunut nassatassanut 20-kiilumut imaluunniit 30-kiilomut.

Uumasunut timmisartumut eqqunneqarsinnaasut tigummiinnarlugit nassatatut malittarisassat makku atuuput:

• Uumasoq inissisimassaaq iluligaalimmi erngup pitarneq sapigaanik, annerussanani 55 x 40 x 23 centemeterimik.
• Uumasuut timmisartorneq tamaat inigisaminiitinneqassaaq.
• Uumasoq ilaasunut allanut malunnartumik tipeqassanngilaq.
• Uumasoq ilaasunut allanut ajoqutaassanngilaq
• Innersuutigineqassaaq uumasoq angalanissaa sioqqullugu nipaallisaatitortissagit.

Uumasunut usilersortafimmi nassatassanut makku malittarissat atuupput:

• Uumasoq nassiunneqassaaq akuerisaasumik nassiussinermi karsimiitillugu, annerussanani 102 x 69 x 76 centemeterimik.
• Karsi/iluligaalik mattusuujussaaq, erngup pitarneq sapigaanik, ipeqassanngilaq bakteriaammillu taninneqarsimassalluni kiisalu imermut nerisassanullu iluligaalinnik peqassalluni.
• Karsit naqqa matusimassaaq isugutammut assersuisinnaasumik atortussamik, soorlu sannakut imaluunniit pilattornillukut. Inerteqqutaapput ivikkat panertut imaluunniit ivikkat atornissaat tassani.
• Ilaasut namminneq nassiussinermi karsitik atorsinnaavaat, imatulli sanaasimassallutik uumasoq anillassinnaajunnaarlugu, uumasoq imminut akornusersinnaajunnaarlugu imaluunniit nassiussanut allanut akornusiisinnaajunnaarlugu. Karsi imatut angitigissaaq uumasoq nikuisimasinnaassalluni akornuteqarani, kajaallassinnaassaluni kiisalu aqupisimasinnaassalluni. Iluligaallit sanaat saviminermik inerteqqutaapput.
• Innersuutigineqassaaq uumasoq nipaallisaatitortissagik angalatinnagu.

'Uumasunik assartuinermi uppernarsaat' uani download-eruk.

'Nunatsinnut uumasunik eqqussineq' tunngasut uani atuarsinnaavatit

'Nunatsinniit avammut uumasunik annissineq' tunngasut uani atuarsinnaavatit