Atorunnaarsitsineq allanngortitsinerlu

Eqqaamajuk toqqaannaq nammineq inniminniisarfioout atorlugu angalanissat atorunnaarsissinnaagakku, bilitsilu allanngortinneqarsinnaappat aamma allanngortitsineq nammineq isumagisinnaavat.

Kingusinnerpaamik aallarfissaq nal.ak. marluk sioqqullugu angalanissamik taamaatitsisoqarlunilu allanngortitsisoqarsinnaavoq. Angalanissaq aallarfissaq kingusinnerpaamik nal.al. marluk sioqqullugu atorunnaarsinneqarsimanngippat allanngortinneqarsimanngippalluunniit angalanissaq taanna  allanngortinneqarsinnaanngilaq akialuunniit utertinneqarsinnaanani.

Angalanissat killilersuutitallit allanngortinneqarsinnaanngillat, atorunnaarsitsinermili mittarfinnut akilitut utertinneqarsinnaavoq, utertitsinissamullu piumasaqaat namminnerluni toqqaannaq nammineerluni inniminniisartikkut pisinnaalluni.

Allanngortitsineq atorunnaarsitsinerlu uani pisinnaavoq

Kukkunerit ajornartorsiutillu

Apeqqutit amerlanersaat quppernerup uuma atuarneratigut akissutissarsineqarsinnaapput, apeqqutissaqassaguilli mail-ikkut attavigisinnaavatsigut. Mailit tamarmik ulluinnarni nal.ak. 24-it ingerlanerini akineqartarput, nassitsiffissarlu aana: websupport@airgreenland.gl

Ajornartorsiutit ingerlaannaq akisassaappat, mailikkullu akissutitsinni akineqarani, soorunami web-ikkut ikiorsiisarfiup oqarasuaataanut sianersinnaavutit uunga +299 34 34 34.

Oqarasuaatit ammasarfii aajuku: Ataasinngornermiit tallimanngornermut nal. 08.00 – 15.45 (Danmarkimi/Europami nal. 12.00 – 19.45, Amerikami nal. 5.00 am – 7.45 pm EST)

Bilitseqanngitsumik angalanermi pitsaaqutit

Angalanissamik pisiguit ingerlaannaq inniminniikkavit normua ilisarnaat pissavat. Normulu taanna pas-it kinaassutsimulluunniit uppernarsaat assitalik ilanngullugit tassavoq – illit ’bilitsit’.

Nittartakkakkut toqqaannaq bilitsisigaanni, taava allakkatigut bilitsinik nassitsinissaq imaluunniit angalatitsivimmi mittarfimmiluunniit bilitsimik aallerluni pisiniarluniluunniit siuleriiaarnissaq pisariaarutissaaq.

’Bilitsit’ tammarsinnaanngilat. Inniminniinerpit normuata allassimaffia mailikkut tigusat anillatsiteriikkat tammassagukku, nutaamik anillatseqqiinnarsinnaavat. Illit inniminniinerpit normua inuup allap kialluunniit atorsinnaanngilaa. Normu taanna aatsaat atuutissaaq pas-it imaluunniit kinaassutsimut uppernarsaat alla ilanngullugu mittarfimmi pisattanik tunniussinermi tunniunneeqaruni.

Tassa inniminniinermut normut illit ’bilitserivat’. Kajumissaarutigaarput mail-ip inniminniinerpit normuanik imalik tigugukku anillatseqqullugu. Anillatsinnissaanut printereqanngikkuit inniminniinerpit normua taassavat ajornanngippallu timmisartup ilaaffissavit GL-normua (assersuutigalugu GL266) aamma.

Bilitseqarani angalanissaq nittartagarput aqqutigalugu inniminneeraanni akikinneruvoq. Inniminniinermi tuniniaanermut tapiut siumuinnaq aqqutaa tamaat 75 kr.-uvoq. Siumut utimullu bilitsimik pisiguit tapiut 150 kr.-ulluni.

Bilitseqarani angalaneq angallassivitsinni tamani – tassa nutatta iluani aamma Danmarkiliarnermi – atuuppoq. 

Angalanissamik ima pisissaatit

Angalanissamik pisininni ilitsersuut maleqqissaaruk!

Bilitsit tuniniakkagut assigiinngitsuupput. Ilaat allanngortinneqarsinnaapput akiilu utertinneqarsinnaallutik, allalli killilersuutitaqarput allanngortinneqarsinnaanatillu akii utertinneqarsinnaanngitsut. Kajumissaarutigaarput angalanissannik pisinnginninni tuniniakkatta suuneri taakkununngalu piumasaqaataasut atuaqqaaqqullugit.

Inniminniininni tulleriit pingasut uku pingaaruteqartut:

• Atit pas-inni allassimaneratorluinnaq allassavat
• E-mail-adressivit allannerani kukkunaveersaarit
• Inniminniikkavit kukkuneqannginnera qulakkeerluaqqaarlugu akilernera isumagiuk

Inuk alla angalanissamik pitsillugu inniminniissukkukku, eqqaamassavat aamma taassuma aqqata pas-iani allaqqanerpiaatut allanneqarnissaa.

Angalanissamut inniminniikkap normua inummut allamut atugassatut tunniunneqarsinnaanngilaq, tassa atuisussap kisimi atorsinnaavaa.

Danmarkimut angalanissamik iniminniinermi timmisartorsuarmi issiavissannik toqqaanissamut aamma periarfissaqarputut.

Nittartakkakkut inniminniineq angalaqatigiit (inuit qulingiluat amerlanerilluunniit) inniminniissunneqassappata, meeqqat 12-it inorlugit ukiullit kisimiillutik ikinnerpaamik 16-nik ukiulimmik ingiaqateqanngippata aammalu  immikkut pisarialimmik ikiortariallit (mittarfimmi ikiorneqarnissamik, issiavimmik kaassuartakkamik, meeraaqqat innanngaviat kivittagaq il.il. atorneqarsinnaanngilaq. Mittarfinni allaffitsinnut angalatitsivimmulluunniit saaffiginnigit.

Angalanissat aamma call centeri atorlugu inniminneersinnaavat. Tassani kiffartuussinermut tapi akianut ilanngunneqassaaq.

Paasissutissat ilinnut tunngasut

www.airgreenland.dk aqqutigalugu ilinnut paasissutissanik ikkusseqqaarnak angalanissamik ajornanngitsumik sukkasuumillu pisisinnaavutit.

Aammali ilinnut paasissutissat, soorlu atit, najukkat, oqar.normua, e-mailit il.il.  ikkunnissaannut periarfissaqarpoq. Nunattalu Danmarkillu akornanni timmisartornerni nerisassat suut piumaneruneritit ikkukkit inniminniinerit tamaasa taanna atuutissaaq..

Paasissutissanik ilinnut tunngasunik ikkussininni atuisutut ateq oqaaserlu isissutissaq nammineq toqqassavatit. Tullianilu www.airgreenland.dk atorlugu inniminniileruit atuisutut atit aamma isissutissatut toqqariikkat atussavatit. Sukkulluunniit iserlutit ilinnut paasissutissat allanngortissinnaavatit. Paasissutissat ilinnut tunngasut peertinnissaat kissaatigigukku, mailikkut websupport@airgreenland.gl –mut nalunaarutigissavat atuisutut atit nalunaarutigiitigalugu.

Paasissutissat ilinnut tunngasut immikkut isumannaatsumik inissisimapput Air Greenlandillu sunuluunniit allanut atorsinnaanngilai inummullunniit allamut tunniutissanagit.

Oqaatsit

Toqqaannaq inniminniinermi oqaatsit tuluttuut qallunaatuullu atorlugit assigiissumik innimiisoqarsinnaavoq. Kalaallit oqaasiinik tunngaveqarluni inniminniisinnaaneq ukioq manna tassa 2010-mi naammassissaaq.

Siusinaarlutit angalanissannik inniminniigit

Akisunermut nalinginnaasumullu bilitsinik allanngortinneqarsinnaasunik (bilitsit qorsuit) aallarfissaq nal.ak. marluk sioqqullugu pisisoqarsinnaavoq. Bilitsit aappalaartut aallarfissaq ullunik arfineq marlunnik sioqqullugu pisiarineqarsinnaapput. Bilitsillu allat tamarmik aallarfissaq kingusinnerpaamik ullunik 14-nik sioqqullugu toqqaannartumik inniminniinikkut pisiarineqarsinnaapput.

Malugiuk: Air Greenlandip timmisartuussiviisa ilaat Namminersorlutik Oqartussanut kiffartuussinissamut isumaqatigiissuteqarluni ingerlatsiviupput. Tassaappullu qulimiguulinnik ingerlatsiviit tamarmik timmisartukkullu Upernavimmut aamma Qaanaamut taakkunaniilu aqqutit tamarmik. Aqqutinullu taakkununnga inniminniisoqarsinnaavoq aallarfissaq nal.ak. 24-it sioqqullugu.

Inniminniineq ilutigalugu akiliinissaq pisarpoq, tannalu inniminniinernut tamanut atuuppoq.

Angalanissannik siusinaarlutit inniminniinissaq innersuussutigaarput. Taamaasillutimmi angalanissatut illit kissaatigisarpiat pissarsiarisinnaassavat. Aallarfissatummi siunniussavit ullua qanilligaluttuinnartillugu inissaaruteriataarsinnaavoq.

Timmisartuussinissanut utaqqisutut allattorsimaffiit atuukkunnaarput. Aallarfissamut siusinnerusukkut inissaqanngitsumut misilillugu inniminniineeqqinniarsinnaavutit. Ilaasussami allat angalanissaminnik allanngortitsillutilluunniit taamaatitsippata inissaqalertarmat.

Angalanerit unnuinertallit

Angalanerit ilaat soorlu Kujataaniit Avannaanut angalanerit, imaluunniit Danmarkimiit Avannaanut Kujataanulluunniit angalanerit unnuinertaqarlutik ingerlanneqarsinnaasarput. Aqqutaani unnuinartalimmik inniminniissaguit ”åben retur” toqqassavat. Angalanissallu unnuinertaqarnersoq nalorniguit Air Greenlandip timmisartuussinissanut pilersaarutaa quppernerup uuma qulaatungaaniittoq aasinnaavat.

Illoqarfinnut arlalinnut angalanissamik inniminniiniaruit angalanissat arlalinngorlugit agguataassavat. Immininniigaq ataaseq marlunnik inniminniinertaqarsinnaavoq, inniminniissummi aqqutissamik ujaasininni ”åben retur” toqqarukku. Soorlu angalaneq imaattoq toqqassagukku, København-Nuuk-Sisimiut-Ilulissat-København, angalanissat marlunngorlugu pisiarissavat. Siullermik ”åben retur” toqqassavat taavalu København-Nuuk-Sisimiut inniminneerlugu pisiarissavat. Aappassaanik ”åben retur” toqqassavat taavalu Sisimiut-Ilulissat-København inniminneerlugu pisiarissavat.

Angalanerit timmisartuutileqatigiiffik allanik aamma atuiffiit

Massakkumut www.airgreenland.dk-mi taamaallaat Air Greenlandip angallassivigisaani angalanissamik inniminniisinnaavutit. Neriuppugut qanittumi ingerlaqqinnissanik – assersuutigalugu qallunaat nunaata iluani mittarfinnut – periarfissiisinnaalissalluta.

Toqqaannaq inniminniinermi akiliineq

www.airgreenland.gl-mi inninimmiiguit aningaaserivimmut atasumik akiliutaasartumik akiliissaatit.




Uku atorsinnaavatit: Dankort, Visakort, Visa Electron, American Express, Master/Eurocard og Diners.

Kortit assigiinngitsunut atuinermut akeqartitsisarput. Kortit assigiinngitsut atorneri aamma assigiinngitsunik akeqarput, ukioq mannalu januarip aallaqqaataaniit atornerinut akiliutit ukuuppput:

Akilut inniminniinernut akiliutitut atorneqarsinnaanngilaq. Visa Electron kortimik pisaarniarlutit Grønlandsbanken attavigiuk.

Mittarfimmi nassatanik tunniussineq

Nassatanik tunniussineq aallarfissaq nal. ak. aappaata affaa sioqqullugu ammartarpoq, aallarfissarlu nal.ak. ataatsimik sioqqullugu matusarluni. Imaanngilaq allarfissaq nal.ak. ataaseq sioqqullugu aatsaat mittarfimmiissasutit, kisianni nal.ak. ataaseq sioqqullugu tunniussisarfimmiissaatit, utaqqisoqaraluarpalluunniit.

Ilaasussat tunniussisarfimmut nal.ak. ataaseq sioqqullugu takkussimanngitsut, timmisartumut ilaanissartik annaassavaat, kingusinnerusukkullu aallartussamut inissaqartinneqarnissaq piumasarisinnaanagu. Angalanissaq annaaneqassaaq, allanngortinneqarsinnaananilu utertinneqarsinnaannginnami. Akiusull akileraarutinut akiliutinullu tunngasortai utertissinnaavatit.

Nuummi aallarfissaq ullormik ataatsimik sioqqullugu ataasinngornermiit tallimanngornermut nal. 16-18 nassatassanik tunniussisoqarsinnaavoq, periarfissarlu taanna atorsimagukku aallarfissaq nal. ak. affaa sioqqullugu mittarfimmeeriissaatit.

Kinaassutsimut uppernarsaat atuuttoq

Nassatannik tunniussininni inniminniikkavit normuanik kinaassutsimullu uppernarsaammik atuuttumik takutitsissaatit. Tassa pas-i imaluunniit biilernermt allagartaq. Kalaallit Nunaannilu najugallit aamma najugaqarnermut uppernarsaat Kalaallit Nunaanni aamma Kalaallit Nunaata Danmarkillu akornanni angalanerminni atorsinnaavaat. Aammattaarlu ID-kortit, Europami Schengen Information System-imit akuerisat kinaassutsimut uppernarsaatitut atorneqarsinnaapput.

Aamma meeqqat meeraaqqalu nassatanik tunniussinermi kinaassutsimut uppernarsaammik takutitsissapput. Akuerisallu tassaapput pas-i meeqqap pigisaa, kuisinnermut allagartaq, sumi najugaqarnermut uppernarsaat aamma angoqqaap pas-iani allaqqaneq.