Taava bilitsi Økonomi restriktiv (akikinneq killiliissutitalik) illit pisariaqartitannut tulluuppoq. Bilitsi taanna bilitsinit allanit 40 procentimik akikinneruvoq. Meeqqanut marlunniit 11-it ilanngullugit ukiulinnut bilitsi inersimasumut bilitsip akiata 50 procent-anik akeqarpoq, meeraaqqanullu marluk inorlugit ukiulinnut 10 procentimik akeqarluni. Bilitsi taanna akileeqqilluni akisunermut nuunneqarsinnaavoq. Bilitsilili taanna killiliissuteqarpoq. Angalanissaq allanngortinneqarsinnaanngilaq bilitsillu akia utertinneqarsinnaanani. Aammattaaq qulimiguulinnik aqqutinut bilitsi taanna pisiarineqarsinnaanngilaq taamatullu timmisartuussivinni ukunani Upernavimmut/– miillu amma Qaarsunut/-niillu. Kalaallit Nunaata iluani aammalu nunatsinniit Danmarkimut utimullu bilitsi taanna atorneqarsinnaavoq. Bilitsi Økonomi Restriktiv atorlugu angalanermi annerpaamik 20 kg-nik nassataqartoqarsinnaavoq.

 
Taava bilitsi Økonomi, fleksibel atussallugu naleqquppoq. Bilitsi aallalivinneq tikillugu pisiarineqarsinnaavoq, aallarnissamullu nal.ak. marluinnanngornissaat tikillugu allanngortinneqarlunilu akia utertinneqarsinnaavoq. Meeqqanut marlunniit 11-it ilanngullugit ukiulinnut bilitsi inersimasumut bilitsip akiata 50 procent-anik akeqarpoq, meeraaqqanullu marluk inorlugit ukiulinnut 10 procentimik akeqarlutini. Bilitsi taanna akileeqqilluni akisunermut nuunneqarsinnaavoq. Kalaallit Nunaata iluani timmisartornernut aammalu nunatsinniit Danmarkimut uterlugu bilitsi taanna atorneqarsinnaavoq,  Økonomi, fleksibel-ilu atorlugu angalanermi annerpaamik 20 kg-nik nassataqartoqarsinnaavoq.

 
Ilinnut neqeroorutigaarput Business, fleksibel aamma ”Nanoq-Class”-imik taaneqartartoq. Taanna taamaallaat Kalaallit Nunaata Danmarkillu akornanni aqqutini pisiarineqarsinnaavoq. Aallarnissamullu nal.ak. marluinnanngornissaat tikillugu allanngortinneqarsinnaavoq akialuunniit utertinneqarluni, allanilli aamma iluaqutissartaqarpoq, soorlu nassatat 30 kg – aamma Kalaallit Nunaata Danmarkillu iluani timmisartuussinerni. Nassatatillu nioqqaarneqassapput, siulliullutillu tiguneqarsinnaallutik. Business, fleksibel atorlugu angalanermi immikkut kiffartuussinermut tunngasut uani atuarsinnaavatit.
Aamma Nanoq Class, restriktiv (killiliissutitalik) neqeroorutigaarput. Tassani Business, fleksibel-imisulli angalassaatit, kisiannili angalanissaq allanngortinneqarsinnaanngilaq akialu utertinneqarsinnaanani.

 
Nunaqarfinnut qulimiguulimmik angalanissat aallarfissaq sivikinnerpaamik nal.ak. 24-t sioqqullugu inniminneerneqarsinnaapput. Tassani allanngortitsinissamut akianillu utertitsinissamut malittarisassat Økonomi, fleksibel-itut ipput. Meeqqanut utoqqarnullu akikilliliissuteqanngilaq, Qaanaamiilli Pituffimmut paarlattuanillu meeqqanut marlunniit 11-it ilanngullugit ukiulinnut aammalu utoqqarnut (65-it sinn. uk.) bilitsi inersimasumut bilitsip akiata 50 procent-anik akeqarpoq. Meeraaqqat marluk inorlugit ukiullit nunaqarfinnut qulimiguulinnut aqaqutini tamani akeqanngitsumik ilaasinnaapput.

 
Air Greenland siusinaartumik soraarnerussutisialinnut aamma 65-leereersimasunut immikkut bilitsimik tuniniagaqarput. Bilitsi killiliissutitaqarpoq, unammilleqatigiillunilu timmisartuussivinni aallarfissani aalajangersimasuni taamaallaat pisiarineqarsinnaalluni. Utoqqarnut naatsorsuussamik akimikujaasininni saqqaatungaani una toqqassavat Senior (+65). Tamanna immikkut bilitsiuneranik peqquteqarpoq, tassa akikillisagaanani. Angalanissanik misissuininni bilitsi taanna allanut, soorlu inersimasunut meeqqanulluunniit  ilanngullugu nassaarisinnaanngilat. Taakku immikkut ujaasinikkut inniminniissapput. Siusinaartumik soraarnerussutisialittut angalaguit taamaatut uppernarsaatit eqqaamassavat.