Nassatassanik tunniussineq
Kalaallit Nunaanni mittarfinni nassatassanik tunniussineq ammartarpoq aallarfissaq minnerpaamik nalunaaquttap akunnera ataaseq affarlu sioqqullugu. Qallunaat nunaanni mittarfinni nalunaaquttap akunneri marluk aallarnissat sioqqullugu takkutissasutit.

Nassatassanik tunniussineq aallarfissaq nal.ak. ataaseq sioqqullugu matusarpoq, tassa taanna sioqqulluarlugu takkunnissaq pisariaqarpoq.

Nassatassatit aallarfissat nalunaaquttap akunneranik ataatsimik sioqqullugu tunniussimanngikkukkit aallarnissannik itigartitaasinnaavutit. Angalanerit annaassavat, tassami allanngortiineqarsinnaanngimmat akiatalu nalinga utertinneqarsinnaanani. Kisiannili angalanerpit akiata ilaa akileraarutinut assigiinngitsunut akiliutitit utertissinnaavatit.

Inussiarnersumik maluginiaruk , sulinngiffeqarnerup nalaani amerlasuunik utaqqisoqarsinnaammata nassatassanik tunniussiiviit, taamaammat piffissaqarluarlutit takkugit.
Aallarnissat sioqqullugu nalunaaquttap akunnera soorlu makkununnga atussavarput: Nassatassatit tunniukkukkit immikkoortitissapput sumukarfissaannut, nassatatit qinnguartarneqassapput qulakkeerniarlugu imaqannginnersoq timmisartornissamut ulorianarsinnaasunik imaqarnersoq, nassatat ataatsimoorlutik oqimaassusii naatsorsorneqassapput orsussap atugassap naatsorsornissaanut atugassatut kiisalu aamma timmisartup qajannaallisarnissaanut, nassatallu timmisartumut ingerlanneqassapput ikiorarlugillu.

Kalaallit Nunaanni najugaqaruit Danmarkimullu ingerlassallutit, kinaassutsimut uppernarsaatit uku atuupput, najugaqarnermut uppernarsaat, kørekort-i pas-ilu. Meqqat aamma meeraaqqat pisattanik tunniussinermi kinaassutsimut uppernarsaammik takutitsissapput. Tassani uku akuerineqartarput, pas-i meeqqap pigisaa, kuisinnermut allagartaq, najugaqarnermut uppernarsaat aammalu angajoqqaat pas-iini allaqqaneq.

Københavnimiit nunanut avannarlernut angalassaguit pas-eqarnissat pisariaqanngilaq, nunanulli allannut angalassaguit pas-eqarnissat pisariaqarpoq, eqqaamallugu meeqqat marluk sinnerlugit ukiullit aamma pas-eqassammata. Angalatitsiviit Air Greenland-iluunniit paasiniaaffigikkit.

Qallunaatut innuttaassusillit Kalaallit Nunaanni angalasut kinaassutsimut uppernarsaatit uku atorsinnaavaat, kørekorti, sygesikringsbevisi pas-iluunniit.
Silaannakkut angallannermi isumanaallisaanermut piumasaqaatit sukannerneruleriartorneranni atuisugut akulikitsumik angalasartut kajumissaarpavut pas-imik pissarseqqullugit.

Isumannaallisaanermi misissuinerit:
Nassatassannik tunniussereeruit taava illit akulloqqutissavat isumannaallisaanermi misissuiffik, ”Security Check”, illit nassatatillu tigumiaannakkatit misissorneqassallusi. Aaku siunnersuutigisinnaasagut, sukkanerusumik anillannissannut:

Bording card-it kinaaninnullu ilisarnaatit piareersimajuk.

Saffiugassallit suulluunniit taskinniittut jarkinniittulluunniit, ikineqassapput ilisiveeqqamut saqqarneqarlutillu: Aningaasiviit, ikittaatit, cigarettit, qitequtit, nutsannut kakkittaatit, pinnersaatit angisuut, mobil-telefoonit il.il
Computerimik nassartakkamik nassataqaruit, ersitsiguk piareersimagillu immaqa ikeqquneqassammat.

Puujaasaaqqat imermik sodavandimillu imallit nassaqqusaanngillat. Allat imerpalasut tarnutillu nassarneqarsinnaapput tamaallaat 100 ml ataallugit, kiisalu ikineqarsimassallutik akimut takuneqarsinnaasumut  puunut plastic-inut.
Nalorniguit suut tigummiinnarlugit nassarsinnaanerlugit taava takuuk immikkoortoq nassatassat.

Thule Air Base-p aqqusaarnera

SUNA NASSARNEQASSAVA
Thule Air Base aqqusaarlugu Qaanaamiit Qaanaamullu angalanermi ilaasut pinngitsooratik akunninnissamut akuersissummik nassataqassapput. Tamannalu atuuppoq akunninneq minutsialunnguanilluunniit sivisussuseqaraluarpat.

AKUNNINNISSAMUT AKUERSISSUT SUNAANA?
Nalunaarummi 2006-meersumi Kalaallit Nunaanni piffiit illersornissamut attuumassuteqartut aqqutigineqartarnerinik malittarisassaqarpoq, taannalu malillugu Thule Air Base-mi sivikinnerusumik sivisunerusumilluunniit akunnissagaanni, akunninnissamut akuersissummik pigisaqarnissaq piumasaqaataavoq.

AKUNNINNISSAMUT AKUERSISSUT QANOQ PISSARSIARINEQARTARPA?
Kalaallit Nunaanni nunaqartut (danskisut innuttaassuseqartut) qinnuteqaammik uunga nassitsissapput: Rigsombudsmanden i Grønland, Indaleeqqap Aqq. 3, Nuuk, oqar. +299 32 10 01, www.rigsombudsmannden.gl.

Danmarkimi imaluunniit nunani allani nunaqartut uunga qinnuteqassapput:
Udenrigsministeriet, Asiatisk Plads 2, København,
Oqar.: +45 33 92 01 70, www.um.dk

MAKKU ILANNGUNNEQANNGILLAT
Ataani taaneqartut akunninnissamut akuersissumik peqartariaqanngillat
• Qaanaap Kommuniusimasumi nunaqartutut inuit allattorsimaffianni nalunaarsorsimasut
• NATO-mi sakkutuut ilaqutaallu
• Inuinnaat USA-mit sulinermut atatillugu aallartitat ilaqutaallu
• Danskit kalaallit pisortaqarfiinut sinniisit
• Danskit naalakkersuisuinit immikkut akuersissummik peqartut
• Amerikami naalakkersuisunit immikkut akuersissummik peqartut

KIA AKISUSSAAFFIGAA?
Angalasussat akunninnissamut akuersissummik piniarnissaq akisussaaffigaat, taannalu nassatassanik tunniussinermi takutinneqassaaq
   
Ilaasussat akunninnissamut akuersissummik pigisaqanngitsut aallarnissamut akuerineqarsinnaanngillat, ilaatinneqassanatillu.