Nassatassannik tunniussininni inniminniinerpit normua timmisartullu ilaaffissavit GL-normua nalunaarutigissavatit, aammalu kinaasutsimut uppernarsaat atuuttoq.

Kalaallit Nunaanni najugaqaruit kinaassutsimut uppernarsaatit akuerisat pisortanit tunniussat uku pineqarput:

• Pas-i
• Biilernermut allagartaq  
• Inuup normuanut uppernarsaat
• Kuisinnermut allagartaq
• Najugariuakkamut uppernarsaat  
• Umiartortuunermut uppernarsaat

Suliffeqarfimmit kinaassutsimut allagartat kinaassutsimut uppernarsaatitut atorneqarsinnaanngillat, taamatullu aningaaserivimmut tigusissutissatut allagartat, ilinniartuunermut uppernarsaatit il.il.

Tunniussinermi meeqqat meeraaqqallu aamma kinaassutsimut uppernarsaammik takutitsissapput. Tassani akuerisaapput meeqqap pas-ia, kuisinnermut allagartaq, najugariukakkamut uppernarsaat aammalu angajoqqaat pas-iini allassimaneq.

Københavnimiit nunanut avannarlernut ingerlaqqissaguit pas-imik nassarnissaq pisariaqanngilaq, nunanullu allanut angalassaguit pas-eqassaatit, eqqaamallugu meeqqat marluk sinnerlugit ukiullit immikkut pas-eqassammata.

Angalatitsivimmut qaninnermut paasiniaagit, Air Greenland-iluunniit attavigiuk. Qallunaat nunaanni innuttaassusillit Kalaallit Nunaannut angalaniartut kinaassutsimut uppernarsatit atuuttut uku arlaat atussavaat, biilernermut aalagartaq, napparsimalernermi passunneqarnissamut uppernarsaat imaluunnit pas-i.