Pitsaasumik sullissivugut – piffissarlu soorlu timmiinnartartoq. Nerinissat, aliikkutassat, akileraaruteqanngitsunik tuniniaanerit aammalu qasuersaarneq – taakkua kingorna apuutissaatit ajunngitsumik.

Nerisassat imigassallu:
Kalaallit Nunaata iluani timminerni: Sivisuumik Dash-8-ini ilaaffigalugu timminerni sallaassisarpugut  kaffe/tiilu, juice kiisalu kaageeqqat aammalu ullumi tassani nutaarsiassat atugassiat, taakku pisinnaavatit timmisartumut ikiguvit. Sivikitsuni timminerni aammalu helikopterernerni isikkiviginneq qungujunnerlu tunniukkumavarput kisiannili timmisartumi saqisut attaviigisinnaavatit imerusuleruvit.

Kalaallit Nunaata Danmarkip/USA-llu akornanni: Tinginitta kinguninnguaniit imeruagassanik assigiinngitsunik neqereeruteqassaagut. Taava kinguninngua neqerooruteqassalluta nerisassanik kissartunik kingornagullu kaffe akussaalu. Angalanissat inniminneerukku nerisassat immikkut ittumik piareersakkat piumasinnaavatit. Neqeroorutigivagut naatitaannarnik nerisaqartunut, meeqqanut meeraaqqanullu nerisassiat kiisalu sukkortunut nerisassiat. Mitsigata imeruagassanik assigiinngtsumik neqereeruteqaqqissaagut.

Uliit akiillu:
Ilaasutta ilaasa malugisimasarpaat  timmisartup ilua nillertutut aammalu allat qasuersaarusuttarlutik.. Issiavippit qulaani nassatannut ilisivinniipput uliit akiillu, kisianni aamma timmisartumi sulisugut attavigisinnaavatit taakkulu uliit akiillu tunniussinnaavaat.

Aliikkutaqarneq:
Timminerni tamani Kalaallit Nunaata Danmarkip/USA-llu akornanni neqeroorutigaarput assigiinngitsunik aliikkutaqarnissaq. Tamatigut meeqqanut titartakkanik isiginnaagassaqartitsivugut aammalu filmi ataaseq. Filmit qallunaatut ataatigut oqaasertalersugaapput aammalu issiavipput siornani kaasarfeeqqami tusarnaaruteqarpoq siutinut ikkuttakkanik atorsinaasannik. Taamaasillutit filmip nipaa tusasinnaavat. Kiisalu aamma neqeroorutigivagut nipilersuutit assigiinngitsut tusarnaarsinnaasatit, nipilersuutiniik popperpalaartuniik nipilersugarsuit ilanngullugit, soorunami aamma nipilersuutit kalaallisoortut aammalu nipilersuutit eqqissisimaarluni tusarnaagassiat. Tamakku  aliikkutaqarnissat atuakkit Suluk–mi , taanna aamma siuninni kaasarfeeqqamiippoq.

Air Greenland-ip attartugaanut JetTime-imut ilaalluni imarpik ikaarlugu timmisartuunneqarnermi nipilersukkanik tusarnaartoqarsinnaananilu filminik isiginnaartoqarsinnaanngilaq.