Meeqqat meeraaqqallu

Soorunami meeqqat aamma Air Greenlandimi tikilluaqqusaapput, angajoqqaatik angalaqatigigunikkit kisimiillutilluunniit angalagunik. Uani angalanerni piumasaqaatit, paasissutissat pingaarutillit siunnersuutillu, illit meeqqavillu anglalluarnissaannik qulakkeerisut, atuarsinnaavatit.

Meeqqat meeraaqqallu angalaqatigineri

Soorunami meeqqat aamma Air Greenlandimi tikilluaqqusaapput, angajoqqaatik angalaqatigigunikkit kisimiillutilluunniit angalagunik. Uani angalanerni piumasaqaatit, paasissutissat pingaarutillit siunnersuutillu, illit meeqqavillu anglalluarnissaannik qulakkeerisut, atuarsinnaavatit.

Meeraaqqat:

Meeraaraq inoorlaaq peqqissorlu timmisartumut ilaassaguni minnerpaamik ullunik arfineq marlunnik pisoqaassuseqassasoq innersuutigineqarpoq. Nalorniguit najukkanni napparsimavik imaluunniit nakorsat isumasioruk. 

Meeqqat marluk inorlugit ukiullit:

Meeqqamut marluk inorlugit ukiulimmut akiliutigineqassaaq inersimasunut bilitsip akiata 10%-a, akileraarutit akitsuutillu ilanngunnagit, immikkulli issiaveqassanngilaq. Meeraq inersimasumit minnerpaamik 15-leereersimasumit sarliarneqassaaq, qitequtaasamillu annanniummillu tunineqassalluni.
Nittartakkakkut bilitsimik inniminniinermi inersimasumut ataatsimut angalaqatissatut taamaallaat meeraq ataaseq marluk inorlugit ukiulik ataaseq ilanngunneqarsinnaavoq. Meeqqat marluk inorlugit ukiullit marluk angalaqatigissagukkit allaffitsinni, angalatitsivimmi imaluunniit Air Greenland Travel-imi oqar. 34 85 85-mi inniminniisinnaavutit.
Inersimasoq ataaseq meeraaqqanik marlunnik angalaqateqassappat uku piumasaqaatit eqqortinneqaqqaassapput: meeraaqqap aappaa meeqqatut 12-t inorlugit ukiulittut akiliissaaq. Taannalu timmisartumi issiavimmi, imaluunniit biilertilluni meeqqamut issiavissiami timmisartullu issiavianut ikkunneqarsinnaasumi, nammineq issiassaaq. Biilini issiavimmut ikkuttagaq nammineq nassarneqassaaq taannalu timmisartumi issiaviup uuttuutaanit anginerussanngilaq, tassa silissusaa takissusaalu 65 cm portussusaalu 45 cm.

Meeqqat issiaviat

Meeraq marluk inorlugit ukioqarpat tamakkiisumillu akilimmik bilitseqarpat, biilini issiavissiaq akuerisaq nassarsinnaavat, issiavippillu sanianut ikkullugu meeqqannut atorlugu. Biilini issiavik taanna siumut tunummulluunniit sammisinnaavoq. Timmisartulli issiavianit anginerussanngilaq.  

Meeqqat marlunniit 11-nik ukiullit

Meeqqat marluleereernikut aqqanilinnillu (suli 12-nik ukioqalersimanngitsut) ukiullit inersimasup bilitsiata, akileraarutit akitsuutillu ilanngunnagit, akiata 50%-anik akiliissapput, immikkullu issiaveqassallutik.

Meeqqat kisimiillutik angalasut:

Meeqqanut kisimiillutik angalasussanut nittartakkakkut bilitsisisoqarsinnaanngilaq, ukunanilu pisisoqarsinnavoq mittarfinni allaffitsinni, angalatitsivimmi imaluunniit Air Greenland Travel-imi oqar. 34 85 85.
Meeraq kisimiilluni angalaasoq tassaavoq tallimaniit aqqanilinnik ukiulik. Meeqqat tallimat inorlugit ukiullit kisimiillutik angalatinneqarsinnaanngillat. Angalanissamik pisininni meeqqamik aallariartortitsisup aqqa, najugaa oqarasuaataalu allanneqassapput taammatullu aamma tikippat aallertussap aqqa, najugaa oqarasuaataalu.  
Aqqutaanilu timmisartumut/helikoterimut aallamut nuulluni ingerlaqqissappat, illoqarfimmi taamatut pisoqarfissami attavigineqartussap aqqa, najugaa oqarasuaataatalu normua allanneqassapput. Taamannali Kangerlussuarmi pissappat taanna pisariaqanngilaq, tassani meeqqanut kisimiillutik angalasunut paaqqinnittartunik peqaratta.
Meeqqamik aallariartortitsisoq timmisartup aallareernissaata tungaanut mittarfimmiissaaq.
Meeqqanut kisimiillutik angalasunut immikkut tapiummik akiliuteqartoqartarpoq.   
Sillimanissaq peqqutigalugu aqqummi ataatsimi meeqqat kisimiillutik angalasut killilimmik amerlassusillit ilaasinnaapput.

Meeraaqqap innanngavianik inniminniineq

Airbus-imi Kangerlussuup Københavnillu akornanni atuuttuusumi meeraaqqat innanngavianik inniminniisoqarsinnaavoq, aallarnermi meeraaraq qaammatit qulit sinnerlugit pisoqaassuseqassanngilaq 11 kiilut sinnernagit oqimaassuseqarluni 65 cm-illu sinnernagit takissuseqarluni.
Meeraaqqanut innanngavimmik nittartartakkakkut inniminniisoqarsinnaanngilaq, aallarfissarli nal.ak. 24-t sioqqullugu allaffitsinnut, angalatitsivimmut imaluunniit Air Greenland Travel-imut 34 85 85-mut saaffiginnilluni inniminneerneqarsinnaavoq. Taanna soorunami Air Greenlandimi akeqanngilaq, timmisartulli sananeqaataa pissutaalluni innanngaviit killilimmik amerlassusillit taamaallaat tapiutitaqanngitsumiipput.  

Meeraaqqanut aneerussivinnut puussat

Meeraaqqanut aneerussiviit isumannaatsumik poortorsimanissaat piumasaqaataavoq, poortuutissallu mittarfimmi aallarfissanni akeqanngitsumik pineqarsinnaapput. Københavnimi mittarfimmiit aallassaguit mittarfiup nassataanik inissiigallartarfiani  Terminal 2-miittumi qamutit poortuutissaannik pisisoqarsinnaavoq.
Meeraaqqanut qamuteeqqat patitivinneqarsinnaasut akeqanngitsumik nassarneqarsinnaapput, meeqqallu timmisartup tungaanut qamutersinnaavat. Nassatassanik tunniussinermi qamuteeqqat nassatatut aamma piginnittup aqqanik allagartalerneqassapput, timmisartumullu ikinngilaarnermi usinut ilanngussassanngorlugit tunniunneqassaput.

Meeraaqqanut meeqqanullu nerisassanik inniminniineq

Nunatta Danmarkillu akornanni timmisartuussinerni, aallarfissaq kingusinnerpaamik nal.ak. 24-t sioqqullugu, immikkut meeraaqqat meeqqallu nerisassaannik inniminniinisoqarsinnaavoq. Meeraaqqanut nerisassat aserortikkat igalaaminermiittut bananilu ataaseq. Meeqqanut ukuullutik: Italiensk bolle,  yoghurt mikisoq, Lillebror immussuaaraq, punneq, Nutella qallersuutissaq tarnuttagaq, kukkukuuaramineq, agurki, frikadelli, kaagi muffin vingummillu puussiaaraq ataaseq.    

Timmisartornermi aliikkusersuutit

Nunatta Danmarkillu akornanni timmisartuussivinni tamani titartakkanik filmeqartarpoq, aamma nipilersukkanik imaluunniit oqaluttuanik meerarpaluttunik tusarnaartoqarsinnaavoq. Aallaqqammernermi ilaasutsinnut minnernut aamma pingussanik agguaasarpugut, soorunalumi meeqqap nammineq pinnguannaani bamsiutiniluuniit nassarsinnaavai.  

Meeraaqqanut nangilersuivik

Nunatta Danmarkillu akornanni timmisartut tamarmik perusuersartarfiini minnerpaamik ataatsimi meeraaqqanut nangilersuiveqarpoq.

Nassatat

Meeqqat 12-it ataallugit ukiullit tapiutitalimmi angalasut 30 kg-nik nassarsinnaapput, meeqqallu tapiutitaqanngitsumi angalasut 20 kg-nik nassarsinnaapput.

Angalanerulli ingerlanerani unnuisoqassappat meeqqat tapiutitalimmiittut taamaallaat 20 kg-nik nassarsinnaapput.

Meeraaqqat marluk inorlugit ukiullit aneerussivik ilanngutereerlugu 10 kg-nik nasarsinnaatitaapput.  Taakkulu 10-kg sinnersimatigit kiilut sipporussat immikkut akilerneqassapput.  

Nassatat tigumiaannakkat

Meeqqat marlunniit aqqanillit ilanngullugit ukiullit nassatat tunniussat saniatigut tigumiaannakkamik ataatsimik nassarsinnaapput, taannalu annerpaamik 50 x 40 x 23 cm-nik angissuseqassaaq annerpaamillu 8 kg-nik oqimaassuseqarluni.
Meeraaqqanut marluk inorlugit ukiulinnut nassarneqarsinnaapput meeraaqqanut innanngavik angallattagaq aammalu nangillersuinermut atortuusivik.