10 kilometerimi portutigisukkut timmilluni sukkassusilimmit nalunaaquttap akunneranut 900 km –mik nalinginnaasumik ajoqusiineq ajorpoq. Kisiannili ilaasut ilaannut, naartusunut, iluarsineqarsinnaanngitsumik nappaatilinnut allanullu, ajornartorsiortitsilersinnaavoq.

Naartuneq: Sapaatip akunneri sisamat inorlugit erninissat pissappat, taava uvagutsitigit timmisinnaanngilatit angalanernut Danmarkimut, tassa timminissaq sivisussuseqarmat nalunaaquttap akunneri sisamat sinnerlugit. Sapaatip akunneri marluk sivikinnerusorluunniit erninissat sioqqullugu, taava nalinginnaasumik ilaasutut angalasinnaanngilatit nunatta iluani angalanerni. Kisiannili soorunami tikilluaqqusaavutit napparsimasutut angallanneqarnissattut akiartaatiniikkuit imaluunniit issiaannassaguit ernisussiortumik nakorsamilluunniit ilaqarlutit. Tamakku aalajangersugaapput illit meeqqallu sillimatikkusullusi.

Aalakoornartutorsimagaanni: Timmisartup iluata naqitsineqarnerata timerput allaanerusumik qisuariartittarpaa aalakoornartumik pisimagaangatta nunami pisimanitsinnut naleqqiullugu. Isumannaallisaaneq pissutigalugu kiisalu ilaasut allat pissutigalugit, ilaasut aalakoornartutorsimasut itigartissinnaavagut ikilerneranni, taamattaarlu itigartitsisinnaavuut aalakoornartunik sallaassinissamik timminitta nalaani. Kisiannili sukkulluunniit imermik juice-milluunniit  qinusinnaavutit.

Iluarsineqarsinnaanngitsumik nappaatillit: Timmisartup iluani naqitsinnerup timminitta nalaani allanngornerata ilaasut uumatiluttut imaluunniit anersaartornikkut ajornartorsiutillit, immaqa misigisimasinnaapput iluaalliornermik. Nalunngilarput ajoquteqanngitsumik qummut ammullu majuartarfikkut pisussinnaaguit l. salimut, taava aamma timmisartornissat sapissanngilat. Nalorniguit taava nakorsat aperiuk.

Ungasinngitsukkut pilatsissimasut: Nakorsat attavigiuk erseqqinnerusumik paasisaqarniarlutit.

Tunillaassuussinnaasumik nappaatilinnut ilaasunut: Nappaateqaruit makkuninnga nappaatinik tunillaasinnaanerpit nalaani timmisartorsinnaanngilatt. Mæslingi, qimmeralak kiisalu anillannerit koppiusat. Ilummooruit imaluunniit savaruit napparsimanerpit nalaani timmisinnaanngilatit. Nakorsat attavigiuk erseqqinnerusumik paasisaqarusullutit.