Ittoqqortoormiit

Uvani qimagupputit ungasissumut. Pavunga avannamut Tunup sineriaanut ungasissumut, Kalaallit Nunaanni nunamik allanngutsaaliukkap killinganut aammalu tikippat inuit amerlasuut saneqquanngitsut. Illoqarfik napparneqarpoq 1920-ikkunni taamaattumik Kalaallit Nunaanni illoqarfiit inuusunnerit ilagalugu. Innuttai katillutik 550-issit missaaniipput, pingaarnertut inuuniutigineqarluni qangatut piniarneq puisinik, arfernik, umimmannik aammalu ilaanneeriarluni nannunik. Tikeraartutut qanillivat qangatut kalaallit inooriaasiat.
 
Illoqarfik inissisimavoq nunarsuarmi kangerluit takinersaata silataani nunarsuup nunataani misigisassat tikillugit. Illoqarfiup tikeraanut allaffiata aasakkut aaqqissorpaa pisulluni angalanerit, qajartorluni kiisalu umiatsiamik angalanerit, tikeraat illoqarfimmut ikeqimmata , periarfissaqarputit siulliit ilagalugit misigisaqassallutit. Ukiumi upernaamilu maj/juni tikillugu angallannerit tamarmik qimussimik aammalu snescooterinik ingerlanneqarput. Angalaneq piniartoq ilagalugu sikup sinaanut misigisaavoq Kalaallit Nunaani allami pisinnaanngisat. Suffissaqarnissamut periarfissat aasakkut ukiukkullu sivissussuseqarsinnaapput nalunaaquttap akunneri marlunniik ullut taamannat angalalluni unnuinertalinnik tupermi imaluunniit piniariat illuaraani.

Ittoqqortoormiit (OBY)

Qulimiguulinnik tikinneqartarpoq
Aallarfissat & tikiffissat >>

Air Greenland
Tlf: +299 99 10 44
Fax: +299 99 10 41

Klaus and Augo's Guesthouse
Tlf.: +299 99 10 18
Fax: +299 99 11 18
Send e-mail

Destination East Greenland
Tlf.: +299 99 16 03
Send e-mail