Air Greenlandip tikilluaqquvaatit Kangerlussuaq-mut

Mittarfik sorsunnersuup aappaani amerikarmiunik sananeqarpoq sorsunnerup nalaani atugassatut, kisianni ullumikkut mittarfiuvoq inuinnarnut atorneqarluni , isertarfiullunilu Kalaallit Nunaannut attaveqartunik   Timmisartumiit majuartarfikkut ammukarninni malugissavat silaannaq ipiitsoq, panertoq issittup silaannaa kiisalu qaqqat nuui 20 kilometerimiittut takusinnaallugit.

Umimmaat tuttullu siuninniipput
Silaannaq pitsaasoq aallaaviulluni kiisalu naasoqarluarnera peqqutaalluni Kangerlussuup eqqaa assigiingitsunik uumasorpassuaqarpoq. Biilerlutit imaluunniit buserlutit eqqaani angalagit taava tassanngaannaq umimmak imaluunniit umimmaat tallimat ungasinngitsumi takussavatit. Nunarsuarmi umimmaqarfiit annersaasa ilaat Kangerlussuup eqqaaniippoq. Uumasut taakku nassullit aammalu ameqarluni kusanartumik , takisuunik meqqulimmik, eqqissisimasutut malunnarsinnaapput, kisianni ungasissuseqartariaqarputit 30- 40- meeterinik. Misigisimagunik ulorianartoqartumik pangalilersinnaapput timitillu 3-400 kilonik oqimaatsigisut sukkasoorujussuarmik nuussinnaallugit. Eqqaani aamma tuttorpaasuaqarpoq, terianniaqarluni kiisalu aamma ukallit naapissinnaavatit sivikitsunnguamut pisukkaluarlutit..

Nunap timaani sermersuaqarpoq taamaallaat 30 km – mik ungasitsigisoq – annertoqalunilu.
Kalaallit Nunaanni Kangerlussuaq nunap timaani sermersuarmut qaninnerit ilagaat aammalu illit tummarsinnaallugu taanna sermersuaq nunap timaaniittoq. Pisulluni orninneqarsinnaavoq kisianni taava aqqutaani tupermi unnuinissat naatsorsuutigissavat. Aammali sikkilersinnaavat sioqqanik aqqusiliakkut imaluunniit aqquteeqqat atuarlugit aamma biilerlutit kiisalu angallassutit immikkut sanaat atorlugit apeqqutaalluni ukiup kaajallanera. Qanorluunniit ilillutit apuukkaluaruit, misigisassaqarputit tupinnartumik. Sermerup iigaa, ammut narluinnartoq,katagarnikoq, sermerup iminngorluni aannera tungutsarissumik qalipaatilik  kiisalu nipit qanngornerit sakkortuut sermeq napigaangat. Qanillivallaarniaqinak, nunap timaani sermersuaq misigisassaavoq naammattumik ungasittumiit. Sermersuaq qaqissagukku aqqutissat nalunaaqutsikkat atuakkit. Tassani isikkivik qaqorlunilu isorartoqaaq isigisaq kaajallallugu

Ataatsimiinnerit, oqalugiarnerit aammalu immikkut ittumik aaqqissuussat. Kangerlussuaq aana tassa.
Kangerlussuaq inissisimavoq taamaallaat nalunaaquttap akunneri sisamat – tallimalluunniit timmilluni Qallunaat Nunaanniit imaluunniit USA-miit. Unnuiffissat atatsimiiffissallu pitsaasut tassaniittut , Kangerlussuaq allatut pissanganartutullu najugassatut aaqqissukkat ingerlaffissaatut inissippaat. Tassani ataatsimiinerit ilungersunartut ingerlassinnaavatit issittumi unammillerlutik ukioq kaajallallugu – taama ittut silarsuarmi allat nassaarisinnaanngilatit. Saniatigut angumerisinnaavat Nuuk, Kalaallit Nunaata illoqarfiisa pingaarnersaat, kiisalu Ilulissat angisoorsuarneq sikorsualik timmilutit nalunaaquttap ataatsip iluani Kangerlussuarmiit. 

Kangerlussuaq (SFJ)

Airbus 330-mik, Boeing 757-mik, Dash 7-mik aammalu qulimiguulimmik timmiunneqarpoq
Aallarfissat & tikiffissat >>

Air Greenland
Tlf. +299 841142
Fax +299 841363

Hotel Kangerlussuaq
Tlf. +299 841180
Fax +299 841284
E-mail-imik nassitsigit

Kangerlussuaq Tourism
Mittarfimmi pisiniarfik/angalaarnissanut allatsinneq:
+299 841098
Vandrehjem-i/Allaffik: +299 84 1648
Fax +299 841619
E-mail-imik nassitsigit

www.albatros.gl