København

Air Greenland-ip Københavnimut tikilluaqquaatit (CPH)

Timmisartuussineq Airbus 330-mik ingerlanneqartarpoq

Tikiffiit & Aallarfiit >>

Københavnimut tikissimatilluni:
Timmisartumiik aniguit, nassatanik aallertarfimmukarsinnaanissannut nalunaarsuutit (”Bagage Claim”) malissavatit aammalu uppernarsaatit ilinnut tunngasut atorneqarsinnaasut takutissinnaanissaanut piareeqqatissavatit. Nassatanik aallertarfimmut apuukkuit isiginnaagassiakkut takusinnaavat kaavittartoq sorleq illit aallerfigissanerit.
Nassatatit tigoreerukkit ”Exit” aammalu misissuisarfik aqqusaassavatit. Anisarfik qorsuk toqqaruk Kalaallit Nunaat EU-p nunaataannik immikkoortinneqaqqagami, kisiat nassataqarsimaguit sinnerlugu imaluunniit nalorniguit, anisarfik aappaluttoq toqqaruk. Misissuisarfik aqqusaareerukku siumuinnaq ingerlaannassaatit qimutsuitsussaguit/metrossaguit, imaluunniit taxassaguit, ilisarnaat tikikkukku, talerpimmut sanguinnassaatit.
 
Københavnimiik aallalerluni
Air Greenlandip timmisartuutaannut, nassatanik uuttortaasarfik, terminal 2-mi ingerlanneqartarpoq. Eqqaamajuk taxarsimatillutit terminal 2 taassagakku. Terminal 2-mi ilaasunut sullissisarfipput danmarkimilu allaffeqarfipput nassaassaapput, soorunamilu ikiugassaaguit ikiornissannut piareersimassalluta. Unnersuussutigissavarput aallarnissannut akunnerit marluk sioqqullugu apuutereersimassasutit, akunnerlu ataaseq sioqqullugu nassatanik tunniussereersimassallutit. Eqqaamajuk uppernarsaatit ilinnut tunngasut atorneqarsinnaasut takutissinnaanissaanut piareeqqatissagakkit, aamma aaku siunnersuutit pitsassuit:

Boarding card aammalu uppernarsaatit nuisatikkit.
Saviminerngit taskip kavaajalluunniit iluanut ikikkit, karseeqqap iluani assiliivikkut ingerlateqqinneqartartumi: Anigaasivik, ikittartoq, cigaritsit, qitequt, nujarmiutit, kusassaatit, mobiltelefonit il.il.
Nammattakkamik qarasaasiaqaruit ingerlaannaq nuisatiguk, ikeriasaarsinnaanissaanullu piareersimagit.
Imeq sodavandillu puui nassarneqaqqusaanngillat

Taavalu pisiniarnissannut piffissanngorpoq, kisiat eqqaamallugu aallariartorfissannut piffissaq eqqorlugu apuutissasutit. Københavnip mittarfiani aallariartorfissannik oqarasuartaatikkut nalunaarsuineq ajorput, taamaammat isiginnaagassiakkut malinnaalluassaatit, arlalinnik nivingasoqarpoq.

Københavnip mittarfianiik/nut ingerlassineq
Københavnip mittarfianiik/nut inerlassineq akikinneq sukkanerlu tassaavoq qimutsuitsut imaluunnit metro. Illoqarfiup qeqqaniik 15 minutsinik sivisussuseqarpoq akeqarlunilu DKK 28 (soorlu EUR4 taavalu USD 5). Københavnip mittarfiannut tikiunnermi siumuinnaq ingerlaannarit, EXIT aqqusaareerukku taava DSB-mik allaqqausumi qimutsuitsunut billetsissannik pisiniarsinnaavutit. Illoqarfiup qeqqaniik Københavnip mittarfianut taxanik ingerlaniaraanni akeqartarpoq DKK 220 (soorlu EUR 30 taavalu USD 40).
Københavnimi unnuineq
Maani vandrehjemmit 4 stjernit luksusit aammalu allarpassuarnik toqqagassaqarpoq. Ilinnut ajornannginnerussaaq inniminniisarfiit atussallugit.
http://www.visitcopenhagen.dk/turist

Telefoninut normut pingaaruteqarsinnaasut:

Air Greenland
Kastup Lufthavn
Terminal 2
Quleriit aappaanni, ini 209
DK-2770 Kastrup
Tlf. +45 32462240
Fax +45 32314087

Kalaallit Nunaata angalatitsivia
Wilders Plads 13 A 1
1023 København K
Tlf: +33 13 10 11
Fax: +33 13 73 47