Air Greenlandip Maniitsumut tikilluaqquvaatit 
Maniitsoq inissisimavoq qeqertami Kalaallit Nunaata kitaani, minutsit 45-it Kangerlussuarmiit timmillugu kiisalu minutsit 35-it Nuuk-miit timmillugu ornitassaalluni. Aasakkut ulluinnarni ullut tamaasa illoqarfinnut taakkununnga marlunnut attaveqartoqarpoq, ukiukkut Qallunaat nunaannut/niit timmisartoqartillugu. Illoqarfiup kalaallisut taaguutaa nutserneqarsinnaavoq ”maniitsutut”, illoqarfimmi aamma maneeqaaq avatangisimaneqarluni Kalaallit Nunaata kitaata qaqqaanit portunerpaat ilaannik. Qaqqat amerlasuut 1000 meterimik portutigisut qaavi sermeqartiterput. 

Silamiinnermik nuannarisaqaruit kiisalu silami sammisaqartarlutit arlaannik, nunataata neqeroorutigai periarfissat immikkut ittut kiisalu unammillernerit. Illoqarfik qeqertamiimmat, pisariaqarpoq umiatsiarluni eqqaanut angalanissaq, tassani takornariat allaffiata allallu angalaartitsisut ikiorsinnaavaatit neqeroorutunik amerlasuunik.

Pisaqarit eqalummik, pisaritikkusunngitsumik
Kangerluini kuuinilu Maniitsup eqqaani eqaluppassuaqarpoq oqimaassulinnik l-3 kiilo tikillugu, aalisarmut sungiusimanngikkaluarlutit, piffissami juni-septemberimi pisaqarnissat qularnanngilaq. Nammineq pisarisaq, eqaluk qillertoq kissataq akullugu kalaallit naasuinik nerinermut akussanik pujoorivimmut paarnaqutinik ikummatitalimmik soorlumi tusaamasamut  Michel-imut assersuuneqarsinnaasoq. Tassunga ilassutigiuk isikkivia.

Qajartorluni ikkannertigut kangerlutigut tungujortutigut
Immakkut nunakkullu angalanissami pitsaasunik koorteqarpoq qajartorfissat titartoreersimasut, sivikitsumik angalanerit kiisalu ullut arlerlugit angalanerit aqqutaani unnuisarluni. Takornariat allaffianni toqqaasinnaavutit kajanik assigiinngitsunik taakkununngalu ilaasut atisat, kiisalu aamma soorunami qajartornermik sungiusimasumik akilerlugu ilaqarsinnaavutit  - taavalu tassa avammut.. Aamma toqqarsinnaavat angalanissaq sukkasuuliamik qallunaatut taaguutilimmut Evighedsfjorden (kangerlussuaq), tassani sikut iigartartut qaqqat portusuut saneraatigut nakkakaaginnartut isiginnaarlugit. Imaluunniit umiatsiarsinnaavutit kummuunip iluani nunaqarfeeqqat ilaannut.

Helii-skiing silarsuarmi unammillersinnaasoq
Atortutit tigukkit Air Greenlandip qulimiguuliinut mikinernut ikigit. Nunap assingani aalajangiujuk qaqqap nuua sorleq tikinniarlugu, taavalu qulimiguuliup aquttuata takornariartitsisullu ajorinngippagu, taava tassa qaqqap nuuata tungaanut aallarneq. Taava nuuaniit ammut sisuneq aput soorlu qajuusaq, isikkivillu kusanartoq kangerlunnut tungujurasaartunut. Takanani atinni ungasissumi qulimiguullip utaqqillutit tullissaanut qummukaanniarlutit. 

Arpanniaruit taaguutillimik cross-country (illoqarfimmut itivinneq) Apussuit sikutarsuata periarfissaqartippaatit. Maniitsumiit umiatsiakkut , pisulaaruit taassuma kingorna snescootererlutit  qaqqap nuuanut, tassaniippoq qangarnisaq illuaraq –hyttecamp – kisiannili hundrujut kvdratkilometeri aput pitsassuaq.

Maniitsoq (JSU)

DASH-7-nik tikinneqartarpoq
Aallarfissat & tikiffissat >>

Air Greenland
Tlf. +299 813759
Fax +299 813009

Hotel Maniitsoq
Tlf. +299 813035
Fax +299 813377
E-mail-imik nassitsigit

Hotel Heilmann-Lyberth
Tlf. +299 813535
Fax +299 813553
E-mail-imik nassitsigit

Maniitsoq Tourist Office
Tlf. +299 813859
Fax +299 813862
E-mail-imik nassitsigit

Taxa
Tlf. +299 576222