Air Greenlandip Nanortalimmut tikilluaqquaatit

Nanortalik kalaallit nunnaata illoqarfiini kujasinnerpaajuvoq, atianullu naleqqiullugu  nannumik naammattoorsinissap periarfissaa annikitsuararsuulluni. Puisinik piniarneq tamaani annertunerusumik inuussutissarsiutigineqarpoq aammalu tunumut piniarniarluni angalaneq nalinginnaasuuvoq. Nanortaliup eqqaani guultisiorfik Nalunaq inissisimavoq, tassanngaanniillu guultissat tonsikkaat  qaammatikkaarlugit umiarsuarmik Canadamut suliareqqitassatut ingerlanneqartarlutik.

Qaqqat innaarsuunerit taavalu qaavi nuugissut
Nanortalimmut tikeraarnermi umiatsiamik Tasermiut kangerluatigut angalanerit pinngitsoorneqarsinnaanngillat. Akunnerup siulliup angalanera qaqqat kangerluup aallartilaarnerani manillutillu pukkipput, kisiat pulajartuaaarninni nuna tassuuguinnaq allanngoriartornera malunnartarpoq. Qaqqat portuligaluttuinnartarput, qaavilu nuugillutik quppartiterlutik, ilaannikkullu pujormik asserneqartitertarlutik, qaqqallu sinaavi innaannaasarlutik. Tamatuma eqqaa kujataatungaalu ukiut tamaasa qaqqasiortartunik nunarsuaq tamakkerlugu soqutigineqarpoq, nunataalu nunanut allanut sanilliullugu nalilerneqarnikuuvoq sapernarnerit piumasaqarnerillu ilaattut. Umiatsiamiiginnarsinnaavutit aamma, sermersuaq kangerluup qinnguaniittoq qimerloorlugu najorlugulu. Angisooq, takisooq, qaqortorsuaq quppartitersimallunilusooq tununniittut qaqqat assigialugit.

Nanortalik (JNN)

Qulimiguulinnik tikinneqartarpoq
Aallarfissat & tikiffissat >>

Air Greenland
Tlf. +299 613288
Fax +299 613488

Hotel Kap Farvel
Tlf. +299 613295
Fax +299 613131
E-mail-imik nassitsigit

Hotel Tupilak
Tlf. +299 613294
Fax +299 613131
E-mail-imik nassitsigit

Nanortalik Tourism Service
Tlf. +299 613633
Fax +299 613653
E-mail-imik nassitsigit

Taxa
Tlf +299 490312