Air Greenlandip Narsamut tikilluaqquaatit

Illoqarfik tupinnaannartumik inissisimavoq: Illuatungaani qaqqaq portusooq  ”Qaqqarsuaq” qoororlu takisooq taava illuatungaanut Narsap kangerluaarsua, iluliaaqqanik qaqortunik tungujualaartunillu ulikkaartoq. Narsaq Kalaallit nunaanni naggorinnnerpaami  inissisimavoq, savaateqarneq naggorissaanerlu pingaarnertut inuussusissarsiutaapput. Aamma taamaappoq, qallunaatsiaat aquttoralugu Erik den Røde nunasimmata tamaanga ukiut 1000 –it qaangiummata. .

Qallunaatsiaqarfikut pisuinnarluni alakkarneqarsinnaasut
Aallarniutigiinnarlugu illoqarfiup katersugaasivia alakkarsinnaavat, illoqarfitoqqami ujaqqamik qammakkami inissisimasoq. Tassani qallunaatsianut najugaqarfigisimasaanullu takutitsineqarluni kiisalu takutitsineqarluni aamma qallunaatsiaat illuikuisa assannerini.Taassuma kingorna pisuttuarujoorsinnaavutit avatangiisini nuanningaaqisuni ”Dyrnæsbugten” sinerlugu illutoqaqarfiup ”Dyrnæsdalen” tungaanut. Tamaani qanga qallunaatsiaqarallarmat illoqarnikuvoq oqaluffeqarlunilu aamma uunartoqarpoq. Erngata  kissassusia taamaallaat tallimat-arfinilillu akornaniippoq, kisiannili  ukioq kaajallallugu taamatut kiassuseqartarluni. Utimut umiatsialiviup eqqaatigoorlutit ingerlaguit saneqqussinnaavatit  illutoqaqarfiit allat aamma qallunaatsiaqarallarmalli pinngortut.

Immaqa Kalaallit nunaata kujataatungaani angalaneq torraanerpaaq
Umiatsiamik angalaneq tamanna arfineq marluk arfineq pingasullu akunnerini sivisussuseqarpoq, kisiat piffissaq soorlu timmiinnartartoq. Alakkartigassaq tassaavoq sermersuaq illoqarfiup avannaatungaaniittoq umiatsiarlu iluliarpassuit kisinneqarsinnaanngitsut akorngisigut sangujoraaqqaarluni ingerlasinnaasarluni. Akunnerup ataatsip kingunerani sermersuit avatangiisinni takuneqalereersinnaasarput, soorlu qaqqat akornarsigut kuiinnartut, aammalumi piffissaq ingerlanerani isikkivik tupinnarsiartuinnavittarluni: Sermiup qaavi qaqortut tungujualaartunik putorsuarnik taarserneqartut tulattarfillu qaqqaq sermimik manissagaq sermersuit marluk akornanni. Tamaani assiliivik unitsinneq sapilissavat. Unikkallarneq qaangiuppat umiatsiamik angalaneq sermersuup allap tungaanut ingerlalerpoq, aqqutaanilu aquttoq timmissat qaqqaat kuillu tulaffigisarpaai. Eqqaamallugu qummut qiviassagavit ilaannikkummi tassani nattoraleqartarpoq.

Pisuinnarluni angalarusuttunut
Narsap qeqertaasaa  pisuinnarluni angalafissaalluarpoq, kikkunnulluunniit timersorsinnaasunut tulluartoq. Amerlasuut savaaateqarfiit unnuiffissanik neqerooruteqartarput, periarfissaqarpoq savaateqarfimmiik savaateqarfimmut allamut aqqusinikkut pisunnissaanut,  immaqalumi ullut arlallit uninngasarluni, inuuneq savaateqarfinni misilillugu aamma aalisarluni.

Narsaq (JNS)

Qulimiguulimmik ingerlassinertalik
Aallarfissat & tikiffissat >>

Air Greenland
Tlf. 299 661488
Fax +299 661089

Hotel Perlen
Tlf +299 661313
Fax +299 661333

Hotel Narsaq
Tlf. 299 661290
Fax +299 661890
E-mail-imik nassitsigit

Narsaq Tourist Office
Tlf. +299 661325
Fax +299 661394
E-mail-imik nassitsigit

Taxa
Tlf. +99 572050