Air Greenlandip Nuummut tikilluaqquaatit

Nuuk kalaallit Nunaanni illoqarfinni pingaarnersaavoq, maanilu inuiaat tamaasa sisamaraarterutaa najugaqarput. Illoqarfinnut allanut sanilliullugit inuuneq maani ulapaarfiunerusinnaasarpoq biileqarluarlunilu, bussit, pisiniarfiit cafellu taavalu alliartupiloornerani illuliorfiit nutaat. Kisiat illoqarfik immikkut ittumik ilisarnaateqarpoq: Pisuttarit illoqarfitoqqami illutoqqallu 1700-nisat qimerloorlugit najorlugit. Imaluunniit aneernerit nangiguk Myggedalen-imut qisummik sanaanik illorpassualik, qalipaatigeqisut, sivinganinnguamittut kangerluup tunganut. Puigussanngilat Katuamut alakkaassagavit, Kalaallit katersortariat, isiginnaagassianik, nipilersornernit, takutitsinernit misigisaqarsinnaagavit aammalu cafemi Café Latte-orlutit mamassaatitut.

Nuuk illoqarfiinnaq sassaalliutiginngilaa
Inissisimanera nunarsuarmi kangerluit annersaat ilaasa nuuanittumi, pinngitsunngivilluni umiatsiamik angalanissaq, neqeroorutigineqartaqisumi, misigisassaavoq. Aasap aallartilaarneraniik, ukialernerup nalaanut arferit eqqaani takussaajuarput, ilaannilu nunamut qanilliivittarlutik. Periarfissaqarluarpoq (pukkelhvaler)nik takussalluni, telerorsuarminik qaffatsitsisartut itinersuarmut apparsarianginermi. Kisiat aamma (vågehvaler)rit eqqaani amerlapput, ataasiakkaat eqimattakkaallu. Arfermik safarissalluni kisiartaanngilaq periiarfissatut- umiatsiarlutit nunaqarfinnukarsinnaavutit, nunaqarfitoqqanut imaluunniit sermesuup kangerluanut kangerluppassuit allat iluaniittumi.

Sisoraatit imaluunnit qamuteralaat?
Ukiukkut aammalu upernalernerani periarfissat ammasarput. Eqqaani mittarfiup tunuani kalaallit nunaata majuartaataa takinersaat 1000 meterimik takissusilik allalu 300 meterinik takissusilik nassaarineqarsinnnaapput. Qaqqap qaavaniik nuna qaquffaarissoq tungujortunik kangerlulik isikkivigissumik takuneqarsinnaapput- taavalu aatsaat tassa ammut sisorusukkaanni sisoraatinik imaluunniit snowboardinik. Nuummiut snescootererlutik angalaneq naliginnaasuuvoq. Periarfissat pillugit illoqarfiup angalatitsiviata ilaannut paasiniaagit. Misigiguit sukkaannerusumik misigisassarsiorniarlutit soorunami aamma arpaatertarfeqarpoq.

Nuuk nammineerlutit
Soorlu illoqarfissuarni allani, illoqarfik inuunerlu naliginnaasoq misigisaqarfigilluarneqarnerusarpoq bussinut ilaalluni. Nuummi taamaaliorit taavalu tulattarfik nutaaq ulapaarfioqisoq, illuliorfiillu ineriartupallapiloorneri, illoqarfiup qeqqa pisiniarfilik, neriniartarfilik allallu kullturisiorfiit- nunatta katersugaasiviat, eqqumiitsuliortut katersugaasiviat nunattalu atuakkanik atorniartarfia misigikkit. Aasakkut golfersinnaavutit immikkut ittumik golfertarfimmi illoqrfiup silataatungaaniittoq aammalu naluttarfik Malik, illutut kusanangaaqisoq, ukioq naallugu ammasarpoq.

Nuuk (GOH)

Timmisartuussineq Dash-7-mik aammalu qulimiguulimmik ingerlanneqartarpoq
Aallarfissat & tikiffissat >>

Air Greenland
Phone +299 343434
Fax +299 327288

Air Greenland Travel
Tel: +299 34 85 85
Fax: +299 32 33 69
E-mail-imik nassitsigit

Hotel Hans Egede
Tlf. +299 324222
Fax +299 324487
E-mail-imik nassitsigit

Sømandshjemmet
Tlf. +299 321029
Fax: +299 322104
E-mail-imik nassitsigit

Nuuk Tourism
Tlf. +299 322700
Fax +299 322710
E-mail-imik nassitsigit

Nuuk Taxa
Tlf. +299 363636
Tlf. +299 363600 (Mittarfik/Nuussuaq)