Pituffik

Pituffik immaqa ilisimaneqarneruvoq Thule Air Base – mik taaguuserlugu. Ameerikkarmiut sakkutuunut mittarfigaat taamaammat mittarfimmi sulisut imaluunniit immikkut qaaqqusat kisimik tikissinnaavaat.

Suna pisariaqartinneqarpa?
Thule Air Base aqqusaarlugu Qaanaamut tassanngaannillu angalasut pinngitsooratik aqqusaarnissamut akuersissummik atuuttumik nassataqassapput. Tamanna minutsit arlaqanngitsut uninngassagaluaraanniluunniit atuuppoq. 

Aqqusaarnissamut akuersissut suua?
Kalaallit Nunaanni nunap ilaani illersornissamut tunngassutilinnut angallanneq 2006-mi nalunaarummi naleqqussarneqarpoq, taannalu malillugu sivikitsumik sivisunerusumilluunniit Thule Air Base-miittussat aqqusaarnissamut akuersissummik atuuttumik nassassapput. 

Qanoq ililluni aqqusaarnissamut akuersissut pissarsiarineqartarpa?
Kalaallit Nunaanni innuttaasut (qallunaatut innuttaassusillit) uunga qinnuteqassapput, Rigsombudsmanden i Grønland, Indaleeqqap Aqq. 3, Nuuk, oqar. +299 321001, www.rigsombudsmanden.gl

Innuttaasut Danmarkimi nunaniluunniit allani najugallit uunga qinnuteqassapput, Udenrigsministeriet, Asiatisk Plads 2, København, oqar.: +45 33 92 01 70, www.um.dk

Uku pineqannillat
Ataani taaneqartut aqqusaarnissamut akuersissummik peqartariaqanngillat:

·        Innuttaasut Qaanaap kommuniusimasumi najugaqartutut inuit allattorsimaffianni allaqqasut

·        NATO-mi sakkutuunut ilaasortat, taakkuku ilaqutaat

·        Inuinnaat USA-mit aallartitat sulinerminnut tunngatillugu sakkutooqarfimmiittut taakkulu ilaqutaat

·        Danskit qallunaallu pisortatigoortumik aallartitat

·        Inuit dansit naalagaaffiannit immikkut ittumik pisinnaatitaaffeqartut

·        Inuit amerikami naalakkersuisunit immikut pisinnaatitaaffeqartut

Kiap akisussaaffigaa?
Aqqusaarnissamut akuersissumik piniarnissaq aallariartornermilu nassarnissaa ilaasut namminneq akisussaaffigaat. Ilaasut aqqusaarnissamut akuersissummik nassataqanngitsut tiguneqarsinnaanngillat timmisartuussinissamullu ilaasinnaanatik. Aammalu ilaasut aqqusaarnissamut/najugaqarnissamut akuersissummik atuuttumik peqanngitsut akiliisinneqassapput.

Pituffik (THU)

Qulimiguulimmik  timmineqarpoq
Aallarfiit & Tikiffiit >>

Attaviit normut atorneqarsinnasut
Air Greenland
Tlf. +299 976577
Fax +299 976574