Air Greenlandi maanna Kalaallit Nunaata sanilianut qeqertamut kusanartumut Islandimut angalanissanik akikitsunik neqerooruteqarpoq.

Pinngortitaq kusanarluinnartoq, nerisassat pitsaasut mamarsaakkallu, akikitsumillu niuerniarsinnaanerit kajumerisannut ilaappat? Taamaappat maannakkut timmisartukkut bilitsinik akikitsunik Nuummiit Reykjavik-imut (Keflavik-ip mittarfianut) pisisinnaalerputit.

Sap.ak. ataasiarluni Reykjavik-iliartarneq

Angallannerpaaffiup nalaani Air Greenlandi Nuummiit Reykjavikimut sap.ak. ataasiarluni angalanissanik neqerooruteqarpoq. Angallannerpaaffiullu avataatigut sap.ak. marloriarluni angallassisarpoq.

Air Greenlandip Reykjavikimut bilitsit akikitsut neqeroorutaai atorlugit nunatsinniit nunanut allanut ingerlaqqinnissaq, uteqqinnissarlu,  ajornannginnerulerpoq.

Oqaluttuat itsarnitsat, pinngortitaq aammalu islandimiut neqeroorutaat assigiinngitsut

Islandimi pinngortitap ilaa ukiut 1100-t matuma siornagut Leif iluanaarajooq (Leif den Lykkelige) inunngormalli allanngorsimanngilaq. Piffinnili allani ersittorsuarmik allanngorarneq piuarpoq. Islandimut angalanissamik inniminniigit, oqaluttuaatillu itsarnitsat sukumiisumik atuarlugit. Pinngortitaq avatangiisillu allanngorartut innermik anitsisartoqarfiit, sermeq aajuitsoq, qorlortut qerinikut, arsarnerit kusanartut minnerunngitsumillu Blå Lagune – peqqissinartumik nalunnguartarfik. Ullorlu naggaserlugu isikkivigissumit islandimiut immikkut nerisassaataannik, soorlu aalisakkamik savaaqqamilluunniit, unnukkorsiuteqarlutit.

Islandimiut aningaasaataat nalikeqaaq Islandimiut aningaasaata nalikinnerat peqqutaalluni pisiassat allallu aatsaat taama akikitsigaat, taamaammat qaa aallarniarit. Niuerniarlutit, kulturi immikkut ittoq misigalugu allallu neqeroorutit Islandimut bilitsisinermit ammaanneqartut atukkit.

Islandiliaruit pissutsit qanganitsat ullutsinnilu illoqarfissuaq misigissallugit periarfissaqarputit.

	Uani 'Puilasut kissalaartut, sinnattut nuannersut,Islandimi uffarnerit ilorrisimaarnerillu' alakkaruk
	Uani 'Qaqqat akornatigut sisamanik assakaasulinnik' alakkaruk
	Uani 'Reykjavikimi pisiniarfilerineq' alakkaruk
	Uani 'Amerikkanut aqqut sivikinaaruk' alakkaruk

Air Greenland Islandimut aqqummik ammaavoq