Tasiilaq

Air Greenlandip Tasiilamup tikilluaqquvaatit

Tasiilaq illoqarfinni annersaavoq tunup sineriaani, inissisimalluni kusanartumi qaqqap sivingarnani kangerluup iluliallip tungaanut.Illoqarfiup allaanerussutigaa, kitaani illoqarfinnut amerlasuunut naleqqiullugu, portusuunik amerlasuunillu quleriinnik inissiaqannginnini, kisiannili akerlianik  qisummik sanaanit illoqarami qalipaatigissaartunik. Imaakkami – kommuunimi nunaqarfipparsuarmisulli – piniartunik innuttaqarami – taakku piniartarlutik puisinik, qilalukkanik, qernertanik, aarrut, nannullu. Qanga inooriaatsit amerlasuut suli tassani ingerlanneqarput. Assersuutigalugu nannuttup nannup amia pisinnaanngilaa kisiannili nannumik takunneqqaartup pisarlugu.
 
Tassani kalaallit eqqumiitsuliaat kusanartut nassaarisinnaavatit
Ukiut  140-t qaangiupput Europamiut siulliit tunumut tikeqqaarmata, imaassinnaavoq tamanna peqqutit ilagigaat, inooriaatsit qangarnissat amerlasuut suli tassani pigineqarmata.Kalaallit eqqumiitsuliaasa ilisimaneqarluartut ilaat tupilaapput. Nalimi nutaajunerusumi aatsaat tupilaat eqqumiitsuliaralugit sananeqartalerput qisunnik, saanernik, kigutinik kiisalu tuttut nassuinik. Qanga tamakku anersaavaqqatut isikkullit sananeqartarput nutsanik, ammit ilaannik, avalequtinik imaluunniit arlaannik nassaarisinnaasanik. Tasiilami eqqumiitsuliortut aamma tusaamasaassutigivaat ukkusissamik eqqumiitsuliatik aammalu kiinarpaliatik qisummik sanaat.

Ukioq naallugu pinngortitaq inuulluutigiuk
Tasiilami aassakkut pisulluni periarfissaqarpoq nunami naggorissumi , qaqqat portusuut ilisarnaatigalugit, appariartornernik taarserneqarlutik, kuut qorlortullit kiisalu tatsit tulleriiaat. Periarfissaqarpoq aqqutaani unnuiffisamik illuaqqani aammalu periarfissat allattorsimalluarlutik pisulluni kortini aammalu pisuttunut ilitsersuutini. Periarfissat ilagivaat nunaqarfimmut angalanissaq umiatsiarluni. Immaqa mallit aallaqqaammut ingasaginassagaluarput kisianni sungiutissavatit isikkivillu inuulluutigilerlugu, umiatsiap sangujoraarluni sikut akornisigut ingerlaartillugu. Kangerlui sikuppata nunalu qaqortuinnanngorpat taava qimussernissaq tulliuppoq. Tasiilami ullut marluk ingerlanerani qimussernissamut pikkorissarsinnaavutit – kingornagullu uterlutik qimussernissamut allagartaqarlutit qimmit arfineq pingasut qimuttorisinnaallugit.

Tasiilaq (AGM)

Qulimiguulinnik tikinneqartarpoq
Aallarfissat & tikiffissat >>

Air Greenland
Tlf. +299 98 16 89

Hotel Angmagssalik
Tlf.: +299 98 12 93
Fax: +299 98 13 93
Send e-mail

Travellodgde Greenland
Tlf.: +299 25 17 46
Send e-mail

Hotel The Red House
Tlf.: +299 98 16 50
Fax: +299 98 10 24
Send e-mail

Destination East Greenland / Ammassalik Office
Tlf.: +299 98 22 43
Fax: +299 98 12 43
Send e-mail

Taxa
Tlf.: +299 49 65 22 / +299 59 83 13 / +299 59 82 22