Upernavik

Air Greenlandip Upernavik –mut tikilluaqquvaatit

Upernaviup inissisimanerata  avannaarsuarmi kinguneraa, ukiuusarami taartuinnaaluni  qaammatini sisamangajanni, kisiannili qujanartumik akerlianik seqineq kaaviinnalertarluni taamatut aamma sivisutigisumik, tassa majimiik augusti ilanngllugu. Eqqaa uumasorpassuaqarpoq, soorlu nunarsuarmi qaqqaq timmissat najortagaat anginerpaalluni, aammalumi uumasut illoqarfiup innuttaanut aningaasarsiortsisuulluni kiisalu kommuunimi nunaqarfiit quliusut ilanngullugit. Qaleralik ukioq kaajallallugu pisarineqartarpoq ningittakkanik, puisit pisarineqartarput, kiisalu aarrit mikinerit suli qaannamiik pisarineqartarlutik. Tassani periarfissaqarputit qanillissallugu qanga piniartut inooriaasiat. 

Umiatsiakkut angalagit kangerlummi sikulikkut
Umiatsiarneq ingerlassaaq ikkaneqarfikkut kangimut kangerluup qinnguanut, tassani sermit nakkartartut akulikillutit aammalu pinngortitisarlutik sikorsuarnik angingaartunik. Aqqutaani naapissavagut umiatsiat mikisut aalisariutit aammalumi umiatsiaaqqat, taakkua qaqittarlugit qalerallit amerlasuunngorlugit. Aamma takornarianik naapitaqarsinnaavutit, qajartorlutik ingerlaartunik. Upernaviup eqqaa ukiuni kingusinnerusuni ornigarneqartalerpoq qajartornermut sungiusimasunik nunarsuaq tamakkingajallugu – qularnanngilaq inissisimanerata avissaarsimanera peqqutaanerulluni kiisalu aamma pinngortitap kusanarnera. Angerlamut uninngalaassaasi nunaqarfiit arlaanni. Nunaqarfiit aamma illit tikeraarsinnaavatit nammineerlutit assartuutaatigautit ilaasortaatit atorlugit, taakku nunaqarfiit tamaasa tikittarpaat akuttunngitsumik.

Sivisuumik piniariarluni angalanerit nalinginnaasuupput
Sapaatip akunnera immikkoortissinnaagukku, periarfissaqarputit piniartoq ilagalugu qimussimik avannamut piniariarlusi. Upernavik killeqarpoq Melvillebugtimut, taanna toqqaneqarnikuuvoq nunaa allanngutsaaliugassatut, taamaallaat piniartut illoqarfimmi nunaqarfiinilu kisimiillutik tassani piniarsinnaatitaalutik. Unnuinissaq pissaq tupermi qamutinut qilersugaq, taavalu primusi nipiliussaaq unnuaq naalugu nilleq iseqqunagu. Piniartut qimmitik pituttorsimavaat tupeq kaajallalluu kiisalu aallaat piareersimalluni toqqup ammanerata saniani, tassami nannut unnuakkut uninnganeq ajoramik, sikumi naamaniarlutik angalaaramik puisit piaraannik pisaqarniarsaralutik. Taamatut misigisassat nassaarisinnaangilatit sumiluunniit

Upernavik (JUV)

DASH-7-nik tikinneqartarpoq
Aallarfissat & tikiffissat >>

Air Greenland
Tlf. +299 961148
Fax +299 961132
Aallartussat tikitussallu +299 961288
Trafikoplysning +299 961688

Upernavik Tourist Service
Tlf. +299 961700
Fax +299 262096
E-mail-imik nassitsigit