Air Greenland Islandimut aqqummik ammaavoq

Air Greenlandip 2010-mi angalatitsinissamut pilersaarutaani Kalaallit Nunaata Islandillu akornanni aqqutit nutaat, aammalu Kalaallit Nunaata iluani angalatitsinissamut pilersaarutit pitsanngortinneqarsimasut pingaarnerutinneqarput.

Juunip ulluisa 26-anniit septembarip ulluisa sisamaannut piffissami angallaffiunerpaami ingerlatseqatigiiffik Dash 8-200-t pisiariarineqaqqammersut atorlugit sapaatit akunnerannut ataasiarluni Nuup aamma Reykjavik-ip (Keflavik-ip mittarfiata) akornanni timmisartuussisassaaq.
Piffissaq angallaffiunerpaaq sioqqullugu tamatumalu kingorna, tassalu maajip ulluisa tallimaanniit juunip ulluisa 19-annut aammalu septembarip ulluisa aqqarnanniit 29-annut ingerlatseqatigiiffik Nuup, Reykjavik-ip, Narsarsuup aamma Nuup akornanni sapaatit akunnerannut ullormi ataatsimi timmisartuussisassaaq, aammalu Nuup, Narsarsuup, Reykjavik-ip aamma Nuup akornanni sapaatit akunnerannut ullormi allami timmisartuussisassalluni.

Air Greenlandip aqqummik nutaamik ammaanermigut, sullitami Keflavik-imi nunat tamat akornanni mittarfik aqqutigalugu Europamut Amerikamullu aqqutit arlalissuit akornanni amerlanerusunik qinigassaqalernissaat aqqutinillu pitsaanerusunik atuisinnaalernissaat kissaatigaa. Tamatuma saniatigut nunanit allanit tikeraanik amerlanerusunik Kalaallit Nunaanni tikisitsisinnaanissani ingerlatseqatigiiffiup soorunami neriuutigaa. Akit unammillerneqarsinnaasunik annertussusilerneqassapput.

Islandimut angallavimmut akit angalanissanullu pilersaarutit tallimanngornermi novembarip ulluisa 27-anni Air Greenlandip nittartagaani aamma angalatitsivinni takuneqarsinnaalissapput.