Sineriak tamakkerlugu nalliuttorsiornermi akit

Nalliuttorsiornermut atatillugu bilitsit akikikitsut piumaneqaqaat, bilitsillu taakku atorlugit angalasinnaaneq oktobarip 31-annut sivitsorparput. Taamaattumillu ukiunik 50-inngortorsiornitsinnut atatillugu akikitsumik angalanissamut ilaasut 1000-t sinnillit timmisartuutitsinnut tikilluaqqusinnaavagut.

Bilitsit taakku aggustusip naaneraniit oktobarip 31-ata tungaanut amerlanerupput, maajimili ilaatigut ataasiakkaanik suli pisiassaqarpoq.

Imaappormi: Inniminniiaaraanni akikinnerpaamik angalanissaq periarfissaqarneruvoq!

Nalliuttorsiornermi akit uani takukkit. Oktobarimi angalanissanut akiusut uani takutinneqartumiit DKK 104-nik akikinnerupput, mittarfinnut akiliut annikillissammat.

Bilitsissannik massakkut inniminniigit – akillu nalliuttorsiorpalaartut atorlugit angalallutit!