Cimber Sterling Matuvoq

Cimber Sterlingimik Danmarkip iluani ingerlaqqinnissaq

Ullumikkumiit Cimber Sterlingikkut matuneraniit Danmarkip iluani ingerlaqqinnissami pisattanik tunniussineq Københavnimuinnaq atuuppoq. Ilaasussat Cimber Sterlingimut bilitseqareersut angalatitsivik pisiffigisartik attaveqarfigissavaat.

Air Greenland ukiumut pitsaasumik angusaqarpoq

Suliffeqarfissuaq Air Greenland 2011-mi akileraarutit piinnginnerini 75 million koruuninik sinneqartoorpoq. Akileraarutit peereerlugit 51,3 million koruuniusunik.Ukiumut siulianut sanilliullugit qaffariaataallutik 12,5 aamma 10,2 million koruunit.

Air Greenland aasaanerani Canada-mut timmisartuussisalissaaq

Aasaq manna timmisartukkut Kalaallit Nunaanniit Canadamut toqqaannartumik angalasoqarsinnaalissaaq. Air Greenland sapaatip akunneri 11- juunip 18-aniit septembarip pingajuta 2012 tungaanut Nuummiit Iqalunnut sapaatip akunneranut marloriarluni- ataasinngornermi tallimanngornermilu timmisartuussisalissaaq.

Nassatat qallunaat nunaata iluani ornitanut aqqutaa tamaat ingerlatittarneri

Nassatat qallunaat nunaata iluani ornitanut aqqutaa tamaat ingerlatittarneri Air Greenlandip Cimber Sterling-illu atuutilerseqqippaa

Air Greenlandimut ilaallutik nunatta Danmarkillu akornanni angalasut Cimber Sterling-imullu ilaallutik Aalborg-imut, Århus-imut, Billund-imut, Karup-imut Rønne-mut aamma Sønderborg-imut taakkunaniillu bilitseqartut, sisamanngorpat septembarip aallaqqaataaniit nassataat aqqutaa tamaat ingerlatinneqarsinnaanngorput. Timmisartulli tikinneraniit tullianilu ilaaffissap aallarnissaanut sivikinnerpaamik 45 minutsiussapput.

Air Greenland facebook-imi iluatsitsilluarpoq

Martsi qaammat Air Greenlandip suliffeqarfini facebook-imiitilerpaa. Maannamullu quppernermik ’iluarinnittut’ 3384-iupput, ingerlatsiviullu attaveqarnermut atortakkaminut allanut ilanngullugu aamma facebook tusagassiutitut atulerpaa

Air Greenland facebook-imi

Ataasinngornermi martsip 14-aniit Air Greenland uani uani www.facebook.com.airgreenland facebookimiilissaaq. Tassuunalu nuannarinnittut siunissami unammisitsinerni peqataanissamut periarfissaqassapput aammalu piseqqusaaruternerni nalunaarutisisassallutik.