Suliffiit ilinniarnerlu

Pisariaqartittuaannarpavut kajumissuseqartunik, piginnaassuseqartunik aammalu akisussaassuseqartunik suleqateqarnissarput, nunami silaannakkullu kiffartuussinissamut sullitatsinnut piareersimasunik. Suliffeqarfitsinni isumalluutaasut pingaarutillit ilagivaat sulisut.

Air Greenlandimi atorfimmik qinnuteqarnermi suliffissarsiortut Inuinnartut inuunerup eqqissisimatitaanissaanut politikki. Link 

Atorfiit inuttassarsiuussat

 

  • Atorfiit inuttassarsiuussat

  • Atorfinnut allatsinneq

Ilinniarfissat

 

Timmisartumi saqisoq, timmisartumik iluarsaasartoq, timmisartortartoq, angallannermi assistenti, nassiussalerinermi assistenti.

Uatsinni ilinniagaqarneq siunissamut ilinniarneruvoq.

 

  • Timmisartortartoq

    Pilotip ulluinnarni suliassara:

    - Angallavinni attartortitsillunilu timmisartuussisarnernik aaqqissuussineq ingerlatsinerlu.

    - Timmisartut tamakkiisumik timmisinnaanersut misissortarneri, taakkununnga timmisartuussinermut -ataatsimut ikummatissat naammannersut naatsorsuisarneq aammalu ilaasut ikinersut marloriarluni misissuisarneq ilanngullugit.

    - Sapinngisamik isumannaannerpaamik timmisartuussisarneq.

    Pilotit ulloq unnuarlu tamakkerlugu sulisinnaanissaminnut piareersimassapput.

    Ilinniartitaaneq:

    - Ukiunik marlunnik sivisussuseqarpoq aammalu Danmarkimi timmisartortartunngorniat ilinniarfianni ingerlanneqartarluni.

    - Atuagarsorneq timmisartortarnerlu ataatsimut ingerlanneqassapput, aammalu ilinniartitaanermi misilitsinnermilu atuagarsorneq, timmisartortarneq piviusuusaartitsivimmilu timmisartornermik -misiliisarneq ingerlanneqassallutik.

    - Immikkoortunut agguagaavoq, taakkulu tamarmik uppernarsaatinik assigiinngitsunik pissarsisarnermik naggaserneqartassapput, taakkulu ilaatigut tassaapput inuussutissarsiutigalugu timmisartuussusinnaanermut uppernarsaat, MCC-mut uppernarsaat kiisalu Dash 8-mut Type Rating.

    Piginnaaneqarfiit ilinniartitaanermullu piumasaqaatit:

    - Ilinniarnertuunngorniarfimmi tuluttut matematikimilu B-mik qaffasissusilimmik angusisimaneq aammalu ilinniakkani tamani immikkut minnerpaamik 7-imik angusisimaneq (nalileeriaatsimi nutaami).

    - Tassunga taarsiullugu minnerpaamik HF-imi ilinniakkani ataasiakkaani danskisut misilitsissimasinnaavutit, aammalu ilinniakkani tamani immikkut minnerpaamik 7-imik angusaqarlutit tuluttut matematikimilu B-mik qaffasissusilimmik angusisimasinnaallutit.

    - Pinerlussimannginnermut uppernarsaat

    - Ukiunut 35-it killigitinneqarput peqqissuseqarluassallutillu (timmisartortartunut nakorsamit uppernarsarneqassaaq).

    Aningaasaqarneq:

    - Pilotitut ilinniartut Kalaallit Nunaanni najugaqavikkunik, aammalu Namminersorlutik Oqartussat piumasaqaataannik naammassinnissimagunik Namminersorlutik Oqartussaniit ilinniagaqarnersiutisiaqarnissamut pisinnaatitaaffeqarput.

    Ilinnialernissamut misilitsinnissamut qinnuteqaat:

    - Qinnuteqaat kingusinnerpaamik marsip ulluisa aallaqqaataanni Københavnimi Kalaallit Illuutaannut nassiunneqassaaq.

    Nittartakkami uani annertunerusumik takusaqarit: http://www.sumut.dk/

    - Ilinnialernissamut misilitsinnermi poqissutsimut, tarnikkut eqaassutsimut tarnillu pissusaannut pinngitsoorani misilitsittoqassaaq.

    - Tamatuma saniatigut inuussutissarsiutigalugu timmisartuussisinnaanermut uppernarsaatitaarnissamut nakorsamiit nalunaarut (Mecical Class1 ) naammaginartoq pissarsiarineqassaaq.

    Ilinniarneq pillugu uani annertunerusumik takusaqarsinnaavutit: https://sunngu.gl/da/Videregaende/Saerlige-vilkaar/Fastvinge

     

    Pilotitut ilinnialernissamut misilitsinnissamut qinnuteqaat Københavnimi Kalaallit Illuutaannut nassiunneqassaaq, tamatumalu kingorna tassanngaanniit Air Greenland suleqatigalugu, ilinniartitaanermut piukkunnaateqarnerpaat toqqarneqarnissaat qulakkeerniarlugu pilotitut ilinnialertussat marluk toqqarneqassallutik.

     

     

  • Timmisartumi saqisoq

    Sulineq

    Air Greenlandimit timmisartuni saqisutut sulisut tassa ilaasut pitsaanerpaamik kiffartuunnissaat aammalu timmisartumik ingerlaarnermi isumanaatsuunissaq akisussaafigaatit.

    Taamaammat ilaasut ataasiakkaat akuersorlugillu naleqquttumik sullinnissaannut nalequssarsinnaaneq annertuumik pingaaruteqarpoq. Tassungalu ilutigitillugu aamma qulakkiigassaraat timmisartumi ilaasut isumannaatsuunissaat aammalu timmisartorneq tamaat toqqissisimanissaat.

    Atlantikoq qulaallugu timmisartuussivinni aamma nunatta iluani timmisartuussiviit ilaanni nerisassanik imeruersaaritinillu sassaalliisoqartarpoq, kiisalu Atlantikoq qulaallugu ingerlaarnermi akitsussigaanngitsunik tuniniaaneq ingerlanneqartarluni.

    Timmisartuni saqisut maannakkorpiaq angerlarsimaffeqarfigalugiit aallaavigaat illoqarfiit uku: Nuuk, Ilulissat aamma København.

    Ilinniarnermut tunngasoq

    Tunngaviusumik ilinniartitaaneq pikkorissarluni atuagarsorneruvoq Kalaallit Nunaanni sap. ak. pingasunik Københavnimilu sap.ak. sisamanik sivisussusilik. Pikkorissarneq angusiffigalugu naammassineqarpat timmisartumi saqisutut (Cabin Crew Member) ilinniarnerup naammassinissaata tungaanut ikorfartuisumit nakkutigineqarluni timminerit aallatissapput.

    Malugeqquneqarpoq ilinniarnermi atuakkat amerlanersaat tuluttuujummata.

    Ilinniarnermi ilaatigut makku pikkorissarfigineqartarput:

    • Ilaasunik pitsaanerpaamik kiffartuussilluni sullissinissamut najoqqutassat, suleriutsit assigiinngitsut, il.il.
    • Ikuallattoqalerpat/putsumilluunniit malussartoqarnerani iliuusissat sungiusarneri
    • Annaassiniarnissamut sungiusarnerit
    • Nakorsaatinut tunngasut ikiueqqaarnerlu
    • Ilaasunik qanoq sullissinissaq
    • Attaveqariaatsit
    • Ileqqorissaarneq aamma akisussaaffiit
    • Sulisut sulinissaannik aqutsineq
    • Nassatat ulorianartut
    • Silaannakkut angallassinermut atatillugu sillimanissamut tunngasut

    Ilinniarnerup nalaani akissarsiaqarneq atorneqanngilaq, ilaatigulli ullormusiaqartoqartarpoq.

    Piginnaasaqarfigisassatit

    Inuttut isikkuminarlutillu takujuminartuussaatit. Inussiarnersuullutit saaffigiumiarlutillu isumassuerusussuseqarlutillu. Eqaatsumik suleriuseqarlutit, qujungulaartuullutit quujanarsinnaasunullu qanillutit ammasuullutit inunnillu soqutigisaqartuullutit.

    Taakku saniatigut ulaperuluffinni paatsiveerutiasuunak eqqissisimasumik pissuseqassaatit, suliallu assigiinngitsut ataatsikkut ingerlassinnaallugit. Aamma ullup unnualluunniit qanoq ilinera apeqqutaatinnagu sulisarnissaq piareersimaffigissavat.

    Inunnik kiffartuussinermik sulinermit misilittagaqaruit iluassaaq, soorlu napparsimasunik paarsisutut, napparsimasunik paarsisumut ikiortitut, peqqissaasutut, akunnittarfinni neriniartarfinniluunniit sulisutut, angallannermik ingerlatsisuni sulisutut il.il.

    Oqaatsitigut piginnaasassat

    Kalaallit Nunaanni sulisut kalaallisut, qallunaatut tuluttullu oqalussinnaallutillu paasisinnaassapput.

    Københavnimit aallaveqarluni sulisut qallunaatut, tuluttullu oqalussinnaallutillu paasinnaassapput, ajornanngippallu kalaallisut nunanilu avannarlerni oqaatsit aamma atorsinnaassallugit.

    Piumasaqaatit allat makkuupput:

    • Qinnuteqarfimmi 18-nik ukioqalereersimaneq – saqisutut uppernarsaammik tunniussinermi oqartussanit piumasaqaataavoq, tassa timmiartumi sulilersinnani pigeqqaagassaq uppernarsaat.

    Maluginiagassat: 18-ileereersimasut piumaneqarnerupput inersimasutullu pissuseqarneq misilittagaqarnerlu pingaartinneqarlutik.

    • Atuarfimmi imaluunniit allatut ilinniagaqarnermik naammassinnissimaneq
    • Nalinginnaasumik tappissuseqarneq (isaruaqarneq/kontaktlinseqarneq akuerisaapput)
    • Inuttut tarnikkukku peqqissuuneq (timmisartortartut nakorsaannit uppernarsarneqassaaq)
    • Minnerpaamik 200 meterinik nalussinnaaneq (ilinniarnerup nalaani misilitsittoqassaaq)
    • Pillagaasimannginnermut uppernarsaat
    • 160 cm-nit sinnerlugit angissuseqarneq tassungalu naleqquttumik oqimaassuseqarneq
    • IT-mut tunngasunik ilisimasaqarneq

    Paasissutissat annertunerusut

    Atorfimmut aamma ilinniarnermut tunngasunik paasisaqarnerunissaq kissaatigigukku uunga paasiniaasinnaavutit: Air Greenland oqarasuaatikkut +299 34 34 34 imaluunniit job@airgreenland.gl

    Qinnuteqarnissamut killiliussaqanngilaq, upernaakkulli ilinniartut nutaat aallartinneqartarnerat nalinginnaavoq.

    Atorfiit inuttassarsiuunneqartunik neqerooruteqarutta qinnuteqaammik nassiussisinnaavutit nittartakkatsinni www.airgreenland.gl

  • Timmisartunik iluarsaasartoq

    Timmisartuni mekanikerip ulluinnarni suliassai tassaapput:

    - Misissuinernik aalajangersarneqareersunik suliaqarneq.

    - Pinaveersaartitsiviusumik aserfallatsaaliuinernik suliaqarneq, taakkununnga timmisartuni/qulimiguulinni ajoqutinik ujarlertarne iluarsaassisarnerlu.

    - Atortunik taarsersuisarneq.

    - Timmisartuni suluusalinni qulimiguulinnilu nakkutilliissutit elektroniskiusut mekaniskiusullu atorsinnaassusiinik misileraasarneq.

    - Suliassat amerlanersaat hangarini suliarineqartarput, kisiannili aamma silami ingerlanneqarsinnaallutik.

    - Sulisut suliallu naammassineqartut isumannaassusissaat annertuumik pingaartinneqarput.

    Ilinniartitaaneq suliffimilu misiliisarnerit:

    - Ukiunik sisamanik affarmillu, tunngaviusumik ilinniartitaaneq ilanngullugu sivisussuseqarpoq, tassanilu Air Greenlandimi sulilluni misiliinerit aammalu TEC-mi Hvidovre-miittumi ilinniarfimmiinnerit imminnut taarseraapput.

    - Ilinniartitaaneq aallartillugu Nuummi sapaatit akunneranni ataatsimi aallarniutaasumik pikkorissartitsisoqassaaq, tamatumalu kingorna sapaatit akunnerini 20-ni TEC-mi Hvidovre-miittumi tunngaviusumik ilinniartoqassalluni. Tamatuma kingorna ilinniarfimmiinnerit sapaatit akunnerinik qulinik sivisussusillit arfinillit, sapaatit akunnerinik arfineq marlunnik sivisussusilik ataaseq, sapaatit akunnerinik arfineq pingasunik sivisussusilik ataaseq aamma sapaatit akunnerinik qulingiluanik sivisussusillit tallimat, tamarmik misilitsinnernik naggaserneqartussat aqqusaarneqassapput.

    - Ilinniarfimmi ilinniagassat: Ilaatigut Aerodynamik, motoorit, timmisartut ilusaat timmisartullu atortui. Aamma danskisut, tuluttut, fysik, matematik elektronikkilu ilinniarfigissavatit.

    - Piffissat suliffimmi misiliiffiusut sulisut piginnaaneqarluartut aqutsisoralugit Air Greenlandip hangariini, atortussanut sannaviani, motoorinut sannaviani, elektronikkinut sannaviani pladinillu sannaviani ingerlanneqassapput.

    Piginnaaneqarfiit ilinniartitaanermullu piumasaqaatit:

    - GU-mi naammaginartumik angusaqarfiusumik naammassinnissimaneq, imaluunniit nammineerluni TEC-mi tunngaviusumik ilinniartitaanermik naammassinnissimaneq.

    - Pinerlussimannginnermut uppernarsaat.

    Aningasaqarneq:

    - Timmisartuni mekanikeritut ilinniartut Air Greenlandimi akit atuuttut naapertorlugit ilinniartutut akissarsiaqartinneqassapput.

    Qinnuteqaat:

    Ilinniartunngorsinnaassaguit qinnuteqarnermut immersugassaq, kommunit ilinniartitaanernut siunnersorteqarfiani/Majoriami nassaarisinnaasat kingusinnerpaamik marsip ulluisa aallaqqaataani nassiutissavat. Aamma ilinnialernissamut misilitsinneq immikkut ittoq, Air Greenlandimit aaqqissuunneqartoq angusiffigisimassavat. Ilinniartitaaneq augustip ulluisa aallaqqaataanni aallartissaaq.

    Ilinniartitaaneq pillugu linki una aqqutigalugu annertunerusumik paasisaqarsinnaavutit: https://www.tec.dk/erhvervsuddannelser/vaelg-erhvervsuddannelse/flyteknikeruddannelsen/hvad-laver-en-flytekniker/

    Ilinniartitaaneq pillugu annertunerusumik tusagaqarusukkuit Air Greenland +299 34 34 34-mut imaluunniit job@airgreenland.gl aqqutigalugu saaffigiuk, IMALUUNNIIT ilinnialernissamut qinnuteqarnissaq pillugu annertunerusumik paasisaqarniaruit illoqarfimmi najukkanni Majoriaq attaveqarfigiuk.

    https://www.majoriaq.gl/kl-GL 

  • Angalanermi assistentit

    Traffikassistentip ulluinnarni suliassai tassaapput:

    - Sulllitanut timmisartornissaq sioqqullugu kingornalu toqqissisimatitsiviusumik pitsaalluinnartumik sullinneqarnermik misigititsissamut akisussaaffeqarneq.

    - Ilaasussanik check in-erisarneq aammalu ilaasut angalatillutik mittarfimmiinnerini kiffartuussineq, tassanilu ilaatigut angalasussat ikiartortinneqarnerinik tikinnerinilu tikilluaqqusinermik isumagisaqarneq.

    - Timmisartut angallannerinut atatillugu nassatanik nassiussanillu isumagisaqarneq.

    - Allaffissornermi suliassanik suliaqarneq.

    - Ullup unnuallu ingerlanerani piffissani tamani sulisinnaanissamut piareersimaneq.

    Ilinniartitaaneq sullivinnilu misiliineq:

    - Septembarip ulluisa aallaqqaataani aallartittoqassaaq, taannalu qaammatinik aqqaneq marlunnik sivisussuseqarpoq, aallartinnermilu sapaatit akunnerini arfinillit Nuummi aallarniisoqassaaq, atuagarsorfiusumik, ilinniarnerullu ingerlaqqissinnaassappat taanna angusiffiussaaq.

    - Aallarniutaasumik pikkorissartitsineq angusaqarfiuppat, mittarfeqarfinnut assigiinngitsunut marlunnut aallartitsisoqassaaq, taakkunani ’on-the-job-training’, mittarfinni, allaffinni nassiussalerinermullu terminalini sanileqarluni ilinniartitaaneq ingerlanneqassallutik.

    - Ilinniagassat naammassineqartussat: Kiffartuussineq, suliffeqarfinnik ilisimasaqarneq, inniminniissutit, nassatanik ujarlernermut atortut, isumannaassuseq isumannaallisaanerlu, nassatani nassiussanilu akuutissat ulorianartut, ikiueqqaarneq, tunngaviusumik radiukkut attaveqaqatigiinneq, karsilerineq.

    - Augustip naanerani misilitsinnermik naggaserneqassaaq.

    Piginnaaneqarfiit ilinniartitaanermullu piumasaqaatit:

    - Atuarfimmi, ajornanngippallu GU-mi ilinniartitaanermi pisinnaasat naammaginartut, ajornanngippallu inuussutissarsiornermik misilittagaqarnermik tapertaqartinneqartut.

    - Ilakkuminartuunissaq, peqqissuunissaq isumagissaartuunissarlu pingaaruteqarput.

    - Kalaallisut danskisullu allassinnaanissaq oqalussinnaanissarlu aammalu tuluttut oqalussinnaanissaq-

    - Kalaallit Nunaanni nunaqavissuusariaqarpoq aammalu Namminersorlutik Oqartussat ilinniagaqarnersiutisiaqarnissamut piumasaqaatai naammassineqarsimasariaqarlutik.

    - Pinerlussimannginnermut uppernarsaat.

    Aningaasaqarneq:

    - Air Greenlandimi akit atuuttut malillugit ilinniartutut akissarsiaqartitsisoqassaaq.

    Qinnuteqaat:

    - Ilinniartitaaneq septembarip aallaqqaataani aallartissaaq.

    - Qinnuteqarnissamut killissarititaq: Maajip ullui 15-iat. Ilinniartitaaneq septembarip ulluisa aallaqqaataanni aallartissaaq.

    - Qinnuteqaat nittartakkatsinni atorfinnut allagarsiivitsigut nassiunneqassaaq, tassuunalu aamma CV-t (ukiunut tallimanut kingumut) pinerlussimannginnermullu uppernarsaat nassiunneqassapput.

    Soraarummeernermut uppernarsaatit, pinerlussimannginnermut uppernarsaat, CV (ukiunut tallimanut kingumut) aamma passip assilinera, kiisalu oqaaseqaataasinnaasut kuisinnermullu allagartaq, kiisalu namminerisamik qinnuteqaatit, atuarnermi tunuliaquttannik, inuussutissarsiornermi misilittagarisimasinnaasannik, sunngiffimmi soqutigisannik allanillu oqaluttuarfigisat kakkiutissavat imaluunniit ilanngutissallugu. Nittartakkatsinni, www.airgreenland.gl, atorfimmut allagarsiussamik saqqummiusseriarutta qinnuteqaammik nassiussigit, qinnuteqarnissamut maajip ulluisa 15-iat killigitinneqarpoq.

     

    Ilinniartitaaneq pillugu annertunerusumik tusagaqarusukkuit Air Greenland +299 34 34 34-mut imaluunniit job@airgreenland.gl aqqutigalugu saaffigiuk.

  • Assartugalerisoq

    Terminalilerisup suliassai tassaapput:

    - Matuma kinguliani immikkoortumi Sullivimmi misilitsinneq-mi allassimasut takukkit.

    Ilinniartitaaneq:

    - Inuussutissarsiutinut ilinniartitaaneruvoq ukiunillu pingasunik sivisussuseqarluni.

    - Najukkani inuussutissarsiutinut ilinniarfimmi, tassalu Nuummi Saviminilerinermik ilinniarfimmi (KTI) ilinniarnerit aamma Air Greenlandip stationiini IMALUUNNIIT nassiussalerinermi terminaliani usilersuisartutut sulinerit paarlakaatissapput:

    - Ilinniagassat: Sullivimmi avatangiisit, tunisassianik ineriartortitsineq, tunisassiorneq kiffartuussinerlu, ikiueqqaarneq aamma nalinginnaasumik ikuallattunik qatserisarneq, paasissutissiisarnermut teknologi, angallannermik ilinniagassat aallarniutaasut, qamutit assakaasullit ilusiligaanerat, aserfallatsaaliuineq motoorilerinermillu ilinniarneq, sullitanik kiffartuussineq, ingerlasussanik piareersaaneq aaqqissuussinerlu aamma toqqorsiveqarneq il.il.

    Sullivinni misiliinerit:

    Sullivimmi misiliiffissap aappaa tassaavoq Nassiussalerinermut terminali, tassanilu suliassat uku suliarineqarsinnaapput;

    - Allakkanik nassiussanillu tigooqqaaneq/nassiussisarneq.

    - Timmisartunut aallartussanut piareersaaneq/palletinut ilioraaneq.

    - Nassiussanik tikittunik immikkoortiterisarneq aamma nassiussanik/allakkanik uninngasunik aqutsineq.

    Sullivimmi misiliiffissap aappaa Usilersuisartutut ingerlasinnaavoq, tassanilu suliassat ukuusinnaapput;

     

    - Timmisartunik usingiaaneq/usilersuineq.

    - Timmisartunut aallartussanut usinik nassatanillu piareersaaneq.

    - Nassiussanik/nassatanik tikittunik immikkoortiterineq.

    - Timmisartunut atortunik ilioraaneq/piiaaneq.

    - Timmisartunut aallartussanut/tikittunut ussersorluni ilitsersuinermut aallaavik.

     

    Piginnaaneqarfiit aamma Air Greenlandimi ilinnialernissamut sullivimmilu misiliinissamut piumasaqaatit:

    - Meeqqat atuarfianni inaarutaasumik misilitsinnermi (FSA) naammaginartumik angusaqarfiusumik naammassinnissimaneq aamma STI-mi ilinniartitaanermut akuerisaasimaneq.

    - Minnerpaamik 17-inik ukioqalersimaneq, ajornanngippallu inuussutissarsiornermik misilittagaqarneq, 100%-imik suliartortarsinnaaneq piumasaqaataalluinnarmat.

    - Ilakkuminartuuneq kiffartuussinissamillu ilisimaarinninneq.

    - Air Greenlandimi sullivimmi misiliinissamut pinerlussimannginnermut uppernarsaateqarnissaq (ukiunut qulinut kingumut) piumasarineqarpoq.

    - Kalaallit Nunaanni nunaqavissuusariaqarpoq aammalu Namminersorlutik Oqartussat ilinniagaqarnersiutisiaqarnissamut piumasaqaatai naammassineqarsimasariaqarlutik.

    Aningasaqarneq:

    - Terminalilerisutut ilinniartut Namminersorlutik Oqartussani akit naapertorlugit ilinniartutut akissarsiaqassapput.

    Ilinnialernissamut qinnuteqaat:

    - Ilinniartitaaneq aallarnerlugu sap. 3-mi imaluunniit sap. ak. 40-mi ilinniarfimmiittoqassaaq. Qinnuteqarnissamut immersugassaq, kommunip ilinniartitaanermut siunnersuisarfiani/Majoriami nassaarisinnaasat nassiutissavat. Aamma ilinniartitaaneq Air Greenlandimi suliffimmi misiliinermik, augustip ulluisa aallaqqaataani aallartittussamik aallarniuteqartissinnaavat.

    - (Uatsinni suliffimmi misiliissaguit, ilinnialernissamut misiliineq immikkut ittoq, Air Greenlandimit aaqqissuunneqartoq angusaqarfigisimassavat. Qinnuteqaat (CV) kingusinnerpaamik maajip ulluisa 15-ianni Air Greenlandimut nassiutissavat.

    Linki matuma kingulianiittoq aqqutigalugu qinnuteqartarneq annertunerusumik paasisaqarfigerusukkukku illoqarfimmi najukkanni Majoriaq attaveqarfigiuk: https://www.majoriaq.gl/kl-GL

    Aamma ilinniartitaaneq pillugu KTI-p nittartagaa aqqutigalugu annertunerusunik paasisaqarsinnaavutit:

    https://www.kti.gl/da/uddannelser/jern-og-metal/transport-logistik/terminalarbejder

  • Nassiussalerinermi assistenti

    Nassiussalerinermut assistentip suliassai tassaapput:

    - Sullitanut pitsaalluinnartumik sullinneqarnermik misigititsinissaq

    - Allakkanik nassiussanillu tigooqqaaneq nassiussinerlu

    - Sullitanik suleqatinillu sullissineq

    - Timmisartunut aallartussanut pilersaarusiorneq

    - Timmisartunit tikittunit tigooqqaaneq

    - IT aqqutigalugit suliassanik suliaqarneq

    Ilinniartitaaneq:

    - Ilinniartunut ilinniartitaaneq ukiunik marlunnik sivisussuseqarpoq, tassanilu sanileqarluni ilinniartitaaneq tunngavigineqarpoq, aammalu atuagarsorfiusumik pikkorissartitsisoqartarluni.

    - Immikkoortortaqarfinni assigiinngitsuniinnerit ilaapput, aammalu piffissani sivikitsuni aallartitaasoqarsinnaavoq.

    - Ilinniagassat: Kiffartuussineq, suliffeqarfinnik ilisimanninneq, nassiussalereriaatsit, isumannaassuseq isumannaallisaanerlu, nassiussani akuutissat ulorianartut, ikiueqqaarneq, karsilerineq, truckinut pikkorissarneq il.il.

    Piginnaaneqarfiit aammalu ilinnialernissamut Air Greenlandimilu ilinniartunngornissamut piumasaqaatit:

    - Kalaallisut, danskisut tuluttullu piginnaaneqartoqartariaqarpoq – aamma allattariarsornermik.

    - Atuarfimmi – ajornanngippallu GU-mi ilinniarnermi – pisinnaasat naammaginartut imaluunniit sullivimmi misilittagaqarneq.

    - Naatsorsuisinnaassuseqarluarneq aamma Edb-mik atuisinnaaneq.

    - Kalaallit Nunaanni nunaqavissuusariaqarpoq aammalu Namminersorlutik Oqartussat ilinniagaqarnersiutisiaqarnissamut piumasaqaatai naammassineqarsimasariaqarlutik.

    - Aalajangiisinnaassuseqarluarnissaq, eqaatsumik aaqqiisinnaaneq, akisussaaffinnik ilisimaarinninneq peqqilluartuunissarlu piumasarineqarput.

    - Pinerlussimannginnermut uppernarsaat.

    Aningasaqarneq:

    - Nassiussalerinermut ilinniartoq ilinniarnini tamakkerlugu ilinniartutut akissarsiaqassaaq.

    Ilinniarnissamut qinnuteqaat:

    - Ilinniartitaaneq septembarip ulluisa aallaqqaataanni aallartissaaq. Qinnuteqarnissamut maajip ulluisa 15-iat killigitinneqarpoq.

    - Qinnuteqaat nittartakkatsinni atorfinnut allagarsiivitsigut nassiunneqassaaq, tassuunalu aamma CV-t (ukiunut tallimanut kingumut), aammalu passivit kuisinnermullu allagartavit assilineri nassiutissavatit.

    Ilinniartitaaneq pillugu annertunerusumik tusagaqarusukkuit Air Greenland +299 34 34 34-mut imaluunniit job@airgreenland.gl aqqutigalugu saaffigiuk.

      

  • Qaffasinnerusumik ilisimatusarneq (AU)

    Nunani tamalaani niuerneq aamma pilerisaarineq kiisalu aningaasaqarneq aamma pigisanik nalilinnik aqutsineq AU-mi ilinniartunut, ilinniarnermut atatillugu sulinissamik Air Greenlandi neqerooruteqarpoq.

    AU-mi ilinniartutut suliassaqarfiit assigiinngitsut arlallit ilisimaqarfigilissavatit kiisalu annertuumik akisussaaffiliisoq suliffigissallugu.

    Ilinniarnermut atatillugu sulineq ilaatigut makkuninnga imaqarpoq:

    • Allaffissornikkut suliassat
    • Sullitanik sullissineq
    • IT-qarnikkut systeminut atortunik assigiinngitsunik suliaqarneq

    Ilinniarneq

    Qaffasinnerusumik ilisimatusarneq (AU) ukiunik marlunnik sivisussuseqartumik niuernermut tunngasunik ilinniaqqiffiuvoq, ilinniartoq paarlakaattumik ilinniarfimmiillunilu ilinniarnerminut atatillugu sulisassalluni.

    Ilinniakkamik toqqaaneq pissaaq uku aallaavigalugit:

    • Nunani tamalaani niuerneq aamma pilerisaarineq
    • Aningaasaqarneq aamma pigisanik nalilinnik aqutsineq

    Qaffasinnerusumik ilisimatusarneq (AU) immikkut naammassisassatut ilisimatusarneruvoq, taakkununnga marlunnut atuagarsornermut ilinniarnermullu atatillugu sulinermi (ilinniarnermut atatillugu katersorneqartut) tamarmik immikkut 60 ECTS pointit tunniunneqartarlutik, taamaalilluni qaffasinnerusumik ilisimatusarnermi (AU-mi) ukiuni katillugit 120 ECTS pointit tunniunneqartarlutik

    Taamaattumi ilinniarfik ilinniarnermullu atatillugu suliffik imminnut ataqatigiilluarput.

    Nunani tamalaani niuerneq aamma pilerisaarineq

    Ilinniakkami tassani ukiumi siullermi fagit pingitoorani ingerlanneqartartut makkuupput: Tunisaqarnermut pilerisaarusiorneq, suliffeqarfik aamma sulinermi tarnikkut atugassarititat, pilerisaarineq kiisalu inuussutissarsiornermut inatsisit. Ukiup aappaanni fagit pinngitsoorani ingerlanneqartartut tassaapput: Nunat tamalaat akornanni pilerisaarineq aamma misissueqqissaarneq kiisalu Isumaqatigiissuteqarniarneq. Ilinniarneq naammassissutissamik suliaqarnermik inaarneqassaaq.

    Aningaasaqarneq aamma pigisanik nalilinnik aqutsineq

    Ilinniakkami tassani ukioq siullermi fagit pinngitsoorani ingerlanneqartussat makkuupput: Inuussutissarsiornermi aningaasaqarneq, kisitsisit atorlugit nassuiaasiorneq kiisalu suliffeqarfik aamma sulinermi tarnikkut atugassarititat. Ukiup aappaanni fagit pinngitsoorani ingerlanneqartussat tassaapput: Piviusumi aningaasaqarnikkut aqutsineq kiisalu naatsorsuutinik misissueqqissaarneq aamma ukiumoortumik naatsorsuutit. Ilinniarneq naammassissutissamik suliaqarnermik inaarneqassaq.

    Piginnaasaqarfigisassat

    Minnerpaamik inuussutissarsiutigalugu ilisimatusarnertut qaffasitsigisumik akuerineqarnissannut naleqquttumik ilinniagaqarsimassaatit, inersimasunut tunngaviusumik ilinniartitaaneq naleqquttoq (GVU), imaluunniit ilinniarnertuutut ilinniarsimanissaq.

    Aammattaaq ilinnialernissannut akuersissummik pissarsisimassaatit.

    Qinnuteqarnermi immersugassaq Nuummi Niuernermik Ilinniarfimmut saaffiginninnikkut pissarsiarineqarsinnaavoq imaluunnit najukkanni Majoriami.

    Qinnuteqarnissamut killigititaq paasissutissallu allat

    Malittarisassat atuuttut malillugit ilinniartoq ilinniarnerminut atatillugu sulinermi akissarsiaqassaaq, ilinniarfimmiinnerullu nalaani malittarisassat atuuttut ilinniartoq ilinniarnermusiaqartinneqassalluni, ilinniartoq ilinniarnerminut atatillugu piffissani pineqartuni akissarsiaqanngippat.

    Eqqaamajuk Kingusinnerpaamik qinnuteqarfissaammat 1. marsi, ilinniarnerlu 1 aggusti missaani aallartissammat.

    Paasissutissanik allanik pissarsiniarlutit nittartagaq alakkarteruk www.ninuuk.gl imaluunnit saaffiginnigit Niuernermik ilinniarfimmut oqarasuaat +299 32 30 99

    Atorfiit inuttassarsiuunneqartunik neqerooruteqarutta qinnuteqaammik nassiussisinnaavutit nittartakkatsinni www.airgreenland.gl

  • Cater- aamma kantineassistenti

    Cater- aamma kantineassistentimi ilinniartunut, ilinniarnermut atatillugu sulinermi Air Greenland neqerooruteqarpoq, nerisassiornermut kantinamilu sassaalliutaasartut ilinniarneqartarlutik. Sulinermi pingaaruteqarnerpaat ilagaat nerisassanik katiterineq aamma ilinniakkamut attuumassutilimmik ilinniartinneqarneq.

    Ilinniartitaaneq

    Ilinniagaq ukiut 2 qaammatillu 6. paarlakaattumik ilinniarnermut atatillugu suliffimmik misiliineq Air Greenland allaffeqarfiani Nuummiittumi aamma  atuagarsorneq Inuili Narsami.

    Ilinniartitaanerup aaqqissuussaanerani aallartissutaasarpoq gastronomassistentitut ilinniaqqaarnissaa, tunngaviusumik ilinniarneq avinneqarluni piffissanik marlunnik sap. akunneri 10 ingerlanneqartartumik aamma pigaarnersaanni ilinniarneq sap. akunneri 12 ingerlanneqartarluni, taamaasilluni cater- aamma kantineassistentitut iliniagaq qaammatini arfinilinni ingerlanneqartarluni, sap. akunneri pingasuni atuagarsornermi allagartaq naammassissutitut tiguneqartarpoq.

    Ilinniarnermi ilinniartitsissutigineqartartut tassaasut inuussutissat peqqinnartut aamma nerisassiorneq. Nerisassanik katiterineq pisinnaalissavatit aamma imeruersaatinut tunngasunik ilisimasaqarnerulissaatit. Sullissinermut tunngasumik ilinniartinneqassaatit, suleqatigiinnerullu iluani peqatigiissinnaanermut.

    Ilinniarfinni makkuninnga ilinniassaatit

    • Tuluttoorneq
    • Tuniniaaneq kiffartuussinerlu
    • Ineriartortitsineq aallartitsinerlu
    • Inuussutissalioriaatsit
    • Iggavinni sulineq
    • Akiligassat naatsorsuinerlu
    • Pisiassat pillugit ilisimasassat
    • Suliffigissaarneq
    • Tunisassianik ineriartortitsineq
    • Nerisitsinerni periutsit
    • Nerrivilioriaatsit
    • Nerisitsinerni sanariaaseq najugassallu 

    Suliffimmi

    Cater- aamma kantineassistentimi ilinniartoq ilisimatinneqassaaq iggavimmi atortussanillu aammalu kiffartuussinermut ilisimasaqarnerulernissaq. Ilinniartoq ilinniassavaa suliarilluakkanik naliliisinnaaneq, nioqqutissiassat, piareersaaneq nerisassallu aalajangersimasut sassaalliutigineqartut kantinami. Pingaartumillu ilinniartoq eqqiluisaarluni naliginnaasunik eqqiaasinnaassalluni.

    Pisinnaasat piumasaqaatillu

    Tunngaviusumik ilinniarneq allartinniaraanni, piumasaqaatigineqartut meeqqat atuarfiani naammassinikuusimanissaq, imaluunniit assigusumik tamatuma kingorna ilinniagaqarsimaguit 
    10. klassimiit assingusumilluunniit soraarummeerninni Kalaallisut, Danskisut matimatikkimilu soraarummeernermi minnerpaamik agguaqatigiisillugu E/02 angunikuusimassavat.

    Matumuuna ilinniartuunissamut iluaqutigalugu pisinnaasaqarfigissavatit:

    • Ulapaarfiusuni aaqqissuussillaqqittuussaatit
    • Eqqiluisaarneq
    • Nammineerlutit allallu suleqatigalugit sulisinnaassaatit
    • Piffissamik eqquisinnaanissaq
    • Pitsaassutsit sumininnguanullu tappissuseqarneq
    • Kiffartuusserusunneq
    • Ujartuillaqqinneq

    Qinnuteqarneq

     

    Eqqaamajuk Kingusinnerpaamik qinnuteqarfissaammat 1. marsi, ilinniarnerlu 1 aggusti missaani aallartissammat.

    Qinnuteqarnermi immersugassaq illoqarfigisanni majoriami saaffiginninnikkut piniarneqarsinnaavoq. Paasissutissat allat nittartgaq alakkaruk uani www.inuili.gl

    Atorfiit inuttassarsiuunneqartunik neqerooruteqarutta qinnuteqaammik nassiussisinnaavutit nittartakkatsinni www.airgreenland.gl

  • It-supporteri

    It-systemimut tunngasut allaffissornikkut atorneqartartut tungaatigut ilinniassavatit. Assersuutigalugu oqarasuaatit, qarasaasiaq kopimaskiinallu, ajoquteqalersimappata ujarlerfiginissaannut ilinniassavatit, iluarsaannissaannut aamma it-mi atortut ikkussornissaannut ilinniarneqassallutik. Suliassatit tassaasut ineriartortitseqataaneq aserfallatsaaliuinerlu it- systemimut. Teknikkit nutaajunersaat ilisimaarilluassallugit pisinnaasaqarfigilluarnissallugillu pingaaruteqarpoq.

    Ilinniartitaaneq

    Ilinniarfigisanni it annertuunik ilisimasaqarfigilissavatit, kukkunernut ujarlersinnaalissaatit aamma takusinnaalissavatit systemit ataqatigiissuserfiisa assigiinngissusaat, nutaanik ilaartuisinnaaneq, qarasaasianik aserfallatsaaliuineq aammalu qarasaasiat atassusilersorlugit.

    Ilinniartitaanerup aaqqissuussaanerani aallartissutaasarpoq pingaarnertut nalunaarsuutit aamma attaveqaqatigiinneq ilinniaqqaarnissaa.

    Tunngaviusumik ilinniarnerit marlunnik avinneqartut, siulleq sivisussusia sapaatit akunneri 20, tullianilu ingerlanniagaq ilinniarnerup sinner ingerlanneqartarluni.

    Ilinniagaq ukiuni marlunni qaammatillu arfinilinni sivisussuseqarpoq.

    Ilinniarnissaanut pingaaruteqarpoq uku pisinnaanissaat:

    • It aamma teknik suliarinissaanut kajumissuseqarneq
    • Ilitsersuutit atuakkallu najoqqutassiat tuluttoortut atuarsinnaanissaat
    • Sullissilluarsinnaanissaq, ikiuilluarsinnaanissaq ilitsersuussisinnaanissarlu
    • Pitsaassutsit sumininnguanullu tappissuseqarneq
    • Nammineerlutit allallu suleqatigalugit sulisinnaassaatit

    Suliffimmi

    It-supporteritut sulinerni ajoqutit ujarlernerillu kisimiillutit iluarsaavigisinnaanngilatit –Atuisut nassuiaassinnaassavatit paasitinniarsarisassallugillu suna ajornartorsiutaanersoq, imaluunniit ajornatorsiutit kukkunerillu pinaveersaarteqqinnginnissaannut, nammineq aaqqissinnaalersillugit.

    Ilinniakkap ingerlanerani suliarineqartartut annertuumik ilisimasaqarfiligassatit aamma nalaarsinnaaligassatit ajornartorsiutit arlallit teoriinut kattunneqarneri:

    • Ingerlatsineq aamma it-systeminut aserfallatsaaliuineq
    • Ujarleneq aamma iluarsaassineq it-mut attuumassutilimmik atortunillu
    • Ikkussuinerit ataatsimullu inissiinerit qarasaasianut, programmit assigiinngitsullu it-mut tunngassutillit.
    • Atuisunut ilitsersuussinerit
    • Attavilersuinerit qarasaasianut, printerinut, routerinut serverinullu il. il.
    • Qarasaasiami programmit najoqquttallu inississorneri, pingaarnertut Microsoft programmit.

    Qinnuteqarnissamut piumasaqaatit

    10. klassimiit assingusumilluunniit soraarummeerninni Danskisut matimatikkimilu soraarummeernermi minnerpaamik agguaqatigiisillugu E/02 angunikuusimassavat.

    Tunngaviusumik ilinniarnermi danskisut, matimatikki tuluttullu angusiffigineqarsimassapput E/02 minnerpaamik – tassa imaappoq minnerpaaq taakkunani fagini E/02 pissarsiarineqassasoq tunngaviusumik ilinniarneq aappaanni, tassanngaanniillu pingaarnertut ilinniagaq ingerlaqqiffigineqarsinnaalluni, qaffasissutsit assigiinngitsut aqqusaarneqassallutik.

     Atorfiit inuttassarsiuunneqartunik neqerooruteqarutta qinnuteqaammik nassiussisinnaavutit nittartakkatsinni www.airgreenland.gl