Air Greenland suliamut, inuusuttut ilinniarnissaannut kaammattuutaasumut tapersiivoq

Qalipaatit, assit, eqqumiitsuliornerit qalipakkallu aqqutigalugit paasinarsivoq, illoqarfimmi iikkat angisuut eqqumiitsulianik suliaqarfigineqartarnerat toqqissisimalersitsisartoq. Aammalu najugaqartut najukkanilu inuiaqatigiit sulianut akuutinneqartarnerat annertusiartortillugu, qalipakkanik najugaqarfimminnillu piginnittutut misigisimanerat annertusiartortarpoq.

 

Suliaq Kalaallit Iikkani Qalipagaat 2018-imi apriilimi Qaqortumi aallartippoq, tssanilu inuusuttut 30-t missaanniittut assassorluni suliassanik assigiinngitsunik misiliitinneqarput. Pingaartumik inuusuttut qalipaanermik suliaqassapput, kisiannili aamma qisuk, assit, tusagassiorneq igasuunerlu misilissallugit. Inuusuttut assassorluni suliassanut ilinnialersinnissaat siunertarineqarpoq.

 

Umiarsualivimmi eqqumiitsuliat

Jyske Bank suliamik aallartitsisuuvoq, aammalu Kalaallit Nunaanni suliaq naammassippat inuusuttut umiarsualivimmi iigarujussuarmi, Royal Arctic Line-mit pigineqartumi eqqumiitsuliaat naammassisimassaaq. Iikkani Qalipakkat soorunami sumiiffimmik illoqarfimmi innuttaasunut pilerinarnerulersitseqataassaaq.

Suleqatit pingaarutillit

Suliaq Kalaallit  Iikkani Qalipagaat aamma suliassanut suleqataasut ataasiakkaarlutik naammassisinnaanngisaannut inuussutissarsiutinik ingerlataqartut, aningaasaateqarfiit pisortallu suleqatigiillutik naammassinnissinnaanerannut assersuutissaavoq. Suliamut Kalaallit Iikkani Qalipagaat-nut aamma Air Greenland tapersersuisunut ilaavoq.

Air Greenlandimiit pisortaanerup Jacob Nitter Sørensenip suliap Kalaallit Iikkani Qalipagaat piviusunngorsinnaammat piviusunngorsinnaasimanera nuannaarutigaa.

Suliaq taanna Air Greenlandimi CSR-imut politikkimut naleqquppoq, tassanilu ilinniartitaanerup qaffasissusaanik kivitsinissarput siunertaraarput. Taamaattumik suliamut tassunga tapersersuinerput pissusissamisoorluinnarpoq, inuusuttut kalaallit akornanni ilinniarnissaq piginnaasaqarfinnillu ineriartortitsinissaq aallunneqarmat”.