Norsaq angalaqqilerpoq

Norsaq pilersaarutaasumik aserfallatsaaliorneqareerluni ullumi angalaqqilerpoq, siunissamilu Imarpik qulaallugu angalanermi misigisassat allaanerulaalissapput. Timmisartup iluata nalinginnaasumik aserfallatsaaliorneqarnermi saniatigut isikkoqissaqqinneqarpoq, Norsaq-p Kalaallit Nunaannut attuumassuteqarneranut ersarissaasunik.


Sullitarpassuagut angerlarnerminnik misigisarnerat Norsaq-miit aallartittartoq oqaluttuartarput – tamannalu tulluusimaarutigisorujussuuarput – taamaattumillu timmisartumi nunatsinnik maluginnittarnerput annertusarusupparput. Tamatuma saniatigut aamma ilaasugut allat, Kalaallit Nunaannut tikeraartut, nunamut immikkorluinnaq ittumut ingerlaarlutik misigisartussaapput.” Niuernermut pisortaq Maliina Abelsen oqaluttuarpoq.

 

Isinut siutinullu nutaarsiassat

Timmisartup initaanut iseruit iikkat kalaallit oqalualaavinik pinnersarsimasut takusinnaavatit. Ilusiliinerit Kalaallit Nunaanni titartagaliortartoq siulleq Christian Rex suleqatigalugu ineriartortitaapput, taannalu aamma kalaallit oqalualaavinit titartakkanik filmilianik, Air Greenlandip Facebook-imut nittartagaani takuneqarsinnaasunik titartaasuuvoq.

Oqalualaat saniatigut qaammaqqutit nutaat ikinermilu erinniaq nutaaq, illuikkiamiinnermik misigititsisussaq ikkunneqarput. Qaammaqqutini unnuap seqernata qaamarna sungaartoq aappalungusersoq aamma sermip qalipaatai tungujortoq qorsorpaluttorlu tungujuartoq akuleriissinneqarput.

Aamma 2018-ip ingerlanerani timmisartup initaani tamarmiusumi aliikkutassianut atortut nutarterneqartussaapput.

 

Mamartutugassat nutaat

Aamma nerisassat allanngortinneqarput, tassalu qaammatini marlunni tulliuttuni nerisassat nutaat misilerarneqassapput, tassanilu sanwich, naatitaq aamma muslibar aammalu kaffisornissamut kaagi sassaalliutigineqartassapput. Nerisassat nutaat puussianut ikillugit sassaalliutigineqartassapput, taamaalillunilu ilaasut namminneerlutik qaqugu nerissanerlutik aalajangertalissavaat. Tamatuma saniatigut sassaallernerup ingerlanerani angalaarnissaq ajornannginnerulissaaq, bakkit peerneqartussaammata.


Nerisassanik nutaanik atuilernerup saniatigut aamma iffiat tamulugassat panertut, kuanninik Kalaallit Nunaanni pinngortitameersunik akullit pretzel-inut maanna atorneqartunut taartigineqqassapput. Aamma nunap iluani timmisartuussinermi sukkuaqqat sukkuaqqanik allanik, kuanninik akulinnik taarserneqassapput, taakkulu aamma Norsaq-mi akitsuuteqanngitsunut ilagitillugit pisiarineqarsinnaassapput.


Ullumikkut nerisassat – sullitatta angalanerminni misigisassaannut tamarmiusunut pingaaruteqartorujussuit – pillugit saaffigineqangaatsiartarpugut. Taamaattumik nerisassanik nutaanik sassaallerluta misilissavarput, aammalu sullitavut naliliisissallugit. Misissuinermi paasinarsippat, atuisutta sassaalliutigineqartutoqqat piumanerugaat, taakku uterfigeqqissavagut.

Maliina Abelsen oqaluttuarpoq.


Atuisut una aqqutigalugu taasisinnaapput: www.airgreenland.gl/nerisassat.