Radiokkut atortorissaarutit Kangerlussuarmut Kangerlussuarmiillu timmisartuussinerit akuttussusaannut killiliiuarsinnarput

Kangerlussuarmi radiokkut atortorissaarutitigut ajornartorsiutip aaqqiissuteqarfiginissaa Mittarfeqarfiit suli sulissutigaat – aaqinneqarnissaasa tungaanut Kangerlussuarmiit Kangerlussuarmullu timmisartuussinerit killilimmik ingerlanneqartariaqarput. Taamaammat Air Greenland-ip angallannermut pilersaarutini ataasinngorneq ilanngullugu allangortikkallartariaqarpai.

Air Greenlandip atuisunik kiffartuussinermi pisortaa Helle Pedersen ima nassuiaavoq

Kangerlussuarmut Kangerlussuarmiillu timmisartuussinerit killeqarput. Tamanna ajornartorsiut aaqqiiviginiarlugu timmisartuussinissanut pilersaarutitta ulloq naallugu sivitsortariaqarneranik isumaqarpoq. Timmisartuussinissanut pilersaarutitsinnik ataasinngorneq ilanngullugu nalimmassaaneq aallartereerparput. Tamannali ilaasutta arlallit ajoraluartumik aallarnissaasa kinguartittariaqarneranik misigitinneqarnissaannik kinguneqassaq. Ilaasussat pineqartut allannguutit pillugit sms-isikkut mailikkulluunniit nalunaarfigineqassapput. Tamatuma peqatigisaanik app-imik akeqanngitsumik CheckMyTrip-imik - atornissaa ajornanngitsumik- nammineq- immaqalu angalaqatissat angalanissamut inniminniinerannik paasilertortitsisinnaasumik aallernissaq innersuussutigissavara. CheckMyTrip angalanissat allanguuteqarpata smartphonimut nalunaartarpoq.