alert-black.png Ajoraluartumik ullumikkut timmisartuusinermut pilersaarutit allanngortinneqarput teknik peqqutigalugu. Paasissutissat kingulliit uani malinnaavigineqarsinnaapput www.airgreenland.gl

SAR-imut neqerooruteqartitsinermi ajugaavugut

Air Greenlandip SAR-imut neqerooruteqartitsinermi suliassaqarfiup ilaanut Air Greenland ajugaasoq nalunaarutigineqaqqammerpoq. Tassaavoq LOT1, 2019-imut aamma 2020-mut atuuttussaq.

”Nutaarsiassaq nuannerluinnarpoq. 2019-imi aamma 2020-mi SAR-imut upalungaarsimaneq ullumikkutut suliarineqassaaq. Issittumi SAR-imut upalungaarsimaneq pitsaalluinnartuuvoq, Kalaallit Nunaanni ukiorpassuit misilittakkat malillugit ineriartortinneqarsimasoq. Taamaattumik timmisartortartut, amooruserisartut mekanikerillu sulisugut, ulluinnarni SAR-imik suliaqarnerup pitsaassusianik qulakkeerisartut nersualaarujussuarpagut.” Pisortaaneq Jacob Nitter Sørensen oqarpoq.

Ullumikkut SAR-imik suliaqarnermi qulimiguulik S61, Kangerlussuarmit aallaaveqartoq aamma Bell 212, Qaqortumit aallaaveqartoq atorneqarput. Air Greenland suliassanut timmisartortartunik mekanikerinik amoorutilerisunillu atorfeqartitaqarpoq.

Ingerlatsivittut niuerfik uatsinnut pingaaruteqartorujussuuvoq. SAR-imut sullissinitsinni sulisugut suliassanut piginnaanngorsagaapput, aammalu isumaqatigiissutip pissarsiarineratigut taakku pigiinnarnissaat niuerfiullu ineriartortinneqarnerata ingerlaannarnissaa angusinnaalerparput.” Jacob Nitter Sørensen naggasiivoq.