Visit Greenland’ip Air Greenland’illu suleqatigiinnertik annertusivaat

Visit Greenland’ip Air Greenland’illu ukioq kingulleq oqaluttuaraat angallannikkut rekortiliisoqartoq, angallaffiunerpaami takornariat 5000-t sinnerlugit amerlanerusut takornariarsimallutik – ineriartorneq pitsaasoq tamanna attatiinnarniarlugu annertusaqqinniarlugulu suleqatigiinneq maanna aamma annertusineqarpoq. 

Kalaallit Nunaanni takornariaqarneq siuarsarniarlugu Visit Greenland’i aamma Air Greenland’i ukiorpassuarni suleqatigiipput. Ukioq manna suleqatigiinnissamik isumaqatigiissut suleqatigiilluni suliniuteqarfissanik aalajangersimasunik ilaneqarpoq. 

”Takornariaqarnikkut naatsorsuutigineqartut eqqortinneqassappata pingaaruteqarpoq nunatsinni maani tuniniaanikkut suliniutit siammarternis-saannut, ataqatigiissarnissaannut aamma pimoorussamik suliarinissaannut suleqatigiinnerulernissarput. Ilutigitilluguttaaq isumalluutit sapinngisamik annerpaamik sunniutilimmik atorneqarnissaat qulakkiissavarput. Taamaat-tumik niuerfinni pingaarnerni ataasiakkaani suliniutit aallunneqar-nissaat pingaaruteqarpoq -  suut tamaasa suliaqarfigilaarnissaannut sanilliullugu. Tamanna tunngavigalugu Air Greenland’imik suleqateqarnissamik isuma-qatigiissut ukiunut aggersunut  annertusineqarpoq”, Anders Stenbakken, Visit Greenland’imi pisortaq oqaluttuarpoq. 

Takornariat amerlanerusut Kalaallit Nunaaliartalernissaasa suleqatiissuti-ginissaa pingaarnertut isumaqatigiissummi siunertarineqarpoq. Tamanna ataatsimoorussamik niueqateqarfigisani isumalluutit ataatsimoortinneqar-nerisigut pissaaq, ilaatigut Tyskland’imi, Tuluit Nunaanni aamma USA’mi, 2015-imi siuariaateqarfiusut. 

”Takornariaqarnikkut eqeersimaartumik suleqataanissaq Air Greenland’ip periusissiaani pingaartillugu anguniarneqarpoq. Kalaallit Nunaata nunani allani takoqqusaarutiginerata suliarinera ukiut marluk matuma siorna annertusivarput, aammalu tamatuma kinguneqarluarnera 2015-imi angallaffiunerpaaq aallartilaaginnartoq takusinnaalerparput, juunip qaammataani ilaasut amerlassusaat rekortiliiffiulluni. Taamaattumik Visit Greenland’i peqatigalugu ataatsimoorussamik ataqatigiissaakkamik piseqqusaarinermik suliaqarnissaq pissusissamisoortutut isigaarput”, Michael Højgaard, Air Greenland’imi pisortaaneq ilassuteqarluni oqarpoq. 

Suleqatigiissutigineqartut tassaapput tusagassiuuteqarnermut tunngasutigut suleqatigiinneq, takornariarfiusinnaasunik pilerisaarineq, niuerfinnik misissuineq aamma Kalaallit Nunaata internettikkut inissisimaffianik siuarsaaneq.

Suliffeqarfiittaaq taakku marluullutik isumaqatigiissutigivaat Kalaallit Nunaanni takornariaqarnikkut ataatsimoorussamik suliaqarnissamik kaammattuinissamik sulissutiginninnissartik.