Tapiisarnerit

Air Greenland Kalaallit Nunaata attavilersugaanerani pingaaruteqarluinnartutut inissisimavoq, taamallu inissisimaneq inuiaqatigiinni tulluusimaarnartuullunilu akisussaafferujussuuvoq. Air Greenlandip oqaluttuassartaa kingumut qiviaraanni Air Greenland – inuiaqatigiinni ataqatigiissitsinerinnarmut tunniussaqartuunngilaq – aammali peqataaffigisarlugit nunatsinni ingrlanneqartut inuiaqatigiinnullu sunniuteqarluartut assigiinngitsut. Tamannalu tulluusimaarutigeqaarput. Tunuliaqutsiilluta tapersersuisarnitsinnut aaliangiisuusarput, uatsinnut soqutiginartuuneeri, aammalu Air Greenlandimut inuiaqatigiinnullu naleqartumik pilersitsisinnaaneri. Taamaattumik aaliangiunnikuuarput amerlanerusunik sivisunerusumillu atuuttussanik isumaqatigiissuteqartarnerit aallaavigisarnissaat. 

 

Ullumikkut inuit ataasiakkaat Air Greenlandimit tunuliaqutserneqarnissamik saaffiginnissinnaajunnaarnikuupput.

Tassami tunuliaqutsiisarnitta siammasissumik iluaqusiinissaa angujumallugu, aaliangersimavarput kattuffinnik, peqatigiiffinnik aammalu nunatsinni piorsarsimassutsimut tunngaveqartumik suliaqarfinnut amerlanerusunut taamaallaat suleqatigiissusiortar-nissarput.  

Isumaqatigiissusiaareersimasullu suusut, qulaani allatani atuarsinnaavatit.


Qanoq iliorlunga imaluunniit iliorluta Air Greenland aaliangersimasumik tunuliaqutsiisarnissaanik isumaqatigiissuteqarfigisinnaavarput?

Air Greenland aaliangersimasumik tunuliaqutsiisartoriumallugu eqqarsaateqaruit, taava siullermik isummersorfigeqquarput, illit peqataaffigisavit ataani piumasarineqartut qanoq naapertuutsigisumik malinnerai: 

  • Qanoq isorartutigisumik tunngaveqartumik isumaqatigiissuteqarniarneq ilusilerniarneqarpa? Soorlu assersuutigalugu Nuummiinnaq, Diskobugtimi, Kujataani, Avannaani, Tunumi il.il. 

  • Isumaqatigiissuteqartoqassappat nunatsinnut tamarmiusumut qanoq nuannaarutaatigisinnaava? 

  • Isumaqatigiissuteqartoqassappat tamananna nunatsinni takornariaqarnerup ineriartortinnissaanut sunniuteqassava?

  • Isumaqatigiissuteqartoqassappat taava anguneqassava amerlanerit akikinnerusumik angalasinnaalernissaat? 

  • Ajornanngila ukiunut arlaqartunut atuussinnaasumik isumaqatigiissusiornissaq? 

  • Isumaqatigiissuteqartoqassappat tamanna Air Greenlandip ilisimaneqarneranut qanoq iluaqutaassava?

 

Taakkartorneqartut eqqarsaatigilluareerukkit, taava matumunnga qinnuteqarnissamut tikilluaqqusaavutit: sponsor@airgreenland.gl. 

Sapinngisarput naapertorlugu saaffiginnissutit tamaasa akiniartassavagut.

Qinnuteqaatippit atuarnissaa qilanaarivarput.  

Takornariaqarneq

Visit Greenland (Kalaallit Nunaanni takornarialerinermut siunnersuisarfik) aaliangersimasumik suleqatigiinnissamik isumaqatigiissuteqarfigivarput, anguniarlugu nunatta takornarianit amerlanerusunit tikinneqartalernissaa. Tamannalu uagut niuernitsinni siunertarisatsinnut naapeertuulluarpoq, aammalu inuiaqatigiinnut takornarialerinermullu iluaqusiisussaalluni.

 

Visit Greenland

 

Kissaatigigukku Kalaallit Nunaat tusagassiornikkut allatulluunniit tusagassiortutut sammerusullugu, tamatumunngalu atatillugu angalanissannut bilitsimik pisariqartitsillutit, taava aaliangiussimavarput Visit Greenland suleqatigissallugu, taannalu saaffigisinnaavat aqqutigalugu: http://corporate.greenland.com/en/press-pr/

 

Corporate Social Responsibility (CSR)

Tulluusimaarutigalugu nalunaarutigisinnaavarput, Fonden for Entreprenørskab-imut aningaasaliinissamut isumaqatigiissuterput ukiunik marlunnik sivitsoqqissinnaagatsigu. Meeqqat atuarfiinit aamma ilinniartitsisunut meeqqat atuarfiinut attuumassuteqarlutik angalasunut aningaasaliisarput, tamatumani allannguinissarput piumagatsigu.

Fonden for Entreprenørskab nunatsinni qitiusumik ilisimasaqarfiuvoq, aammalu ilinniartitaanerni tamani sanaartugassalerinermik ineriartortitsineq pillugu ilinniartitsinermut aallaaviulluni. Kalaallit Nunaanni ilinniartitaanerit iluanni CSR-imut suliniutitsinnut tamanna tapertaalluarpoq.

Taamaattumik 2019 – 2021-mi CSR-imut aningaasaliissutissagut tamarmik Fonden for Entreprenørskab-imut tutsinneqassapput.

 

Fonden for Entreprenørskab pillugu annertunerusumik atuagaqarit, uani

Ilik Peqatigiiffinnut angalaneq

Nunatsinni peqatigiiffinnik angalasussanik tapersersuisarpugut, soorlu nunatsinni pissartanngorniuunnernik ingerlatsisoqassatillugu, isiginnaartitsisutut saqqummersitsisutulluunniit allarpassuarnillumi tunngaveqartunik angalasoqartussaatillugu.

Ilik aqqutigalugu bilitsinik pissarsisinnaassagaanni, pisortatigoortumik peqatigiiffiunissaq, timersoqatigiinnut peqatigiiffiunissaq, atuarfiunissaq imal. ilinniartoqarfiunissaq pisariaqartutut piumasarisaavoq.

Qinnuteqarfigisassaq tassaavoq Ilik Skole- og Foreningsrejse

Ilik Skole- eller Foreningsrejse-mut qinnuteqarniartut mailikkut saaffigissavaat:  group@airgreenland.gl. Makkulu ilisimatitsissutitut ilanngunneqassapput: 

  • Angalaniartut amerlassusiat

  • Angalaqataaniartut tamarmiusut atii

  • Ulloq aallarfiginiagaq ullorlu tikiffiginiagaq

  • Angallavigerusutat

  • Inuup attaveqarfigisassatta aqqa oqarasuaataatalu normua

 

Maluginiaruk taamaallaat Ilik Skole- og Foreningsrejser aqqutigalugu angalassutissat tunniunneqartarmata Air Greenlandip immineq angallassivigisartagaanni pisussaappata,  piffissalli makku iluiniinngitsuni:   

  • Påskip sapaataata tungaanut sapaatip akunnera sioqqullugu ullullu taaneqartup kingorna sapaatip akunnera ataaseq

  • Piffissami  15. junimiit 14. septemberimut (ullut taaneqartut ilanngullugit)

  • Piffisaami 17. december - 8. januar (ullut taaneqartut ilanngullugit)

Qinnuteqaativit nalilersuiffiginissaa qilanaarivarput. 

Timersorneq

Artic Circle Race-imik pingaarnertut tapersersuisutut tulluusimaarutigaarput, immineq kajumissutsimik sulisunik piukkunnartunillu ineriatortitsinermik tapersersuinerput, taamallu tunniussaqarfigalugit inuit nunatsinnik nunarsuup sinneranut nittarsaassinermik ingerlataqartut. Aamma Ilik aqqutigalugu nunatsinni siammasissumik timersorneq tapersersugaraarput, sammineqarmata peqqinnartut minnerungitsumik inuussunnerusunut sammisuusut. Taamaattumik timersornermik unammisarnernillu tapersersuinigut imminnut tasiortutut ipput inuiaqatigiinnilu akisussaaqataanerput tunngavigalugu (SCR) sulinitsinnut naapertuulluartuullutik, pineqarluinnarmatami inuussuttunik ineriartortitsineq ilinniartitsinerlu.

Arctic Circle Race

1997-imiilli Arctic Circle Race-imik tunuliaqutsiilluta tapersersuisalerpugut, tassa siullermeersumik ujakkaartitsinermik unammisitsisarneq aaqqissuisiorneqarmalli. Sisimiuni aaqqissuisut peqatigalugit peqataasussat isumannaatsumik Sisimiunut ingerlattarpagut, allanillu aaqqitassanik isumaginneeqataasarluta.

 

Leifi Iluanaarajuup Marathon-ianik taasami peqataanerput

Tapersersorpaput nunatta kujataani takornarialerineq ineriartortitseqataaffigiumallugu, 2019-imi Liif Iluanaarajooq Marathonilu ukiuni pingasuni atuuttussamik isumaqatgiissusiorpugut.

Kulturi

KNQK-mik (Nunatta Qimussersua), Nunatsinni Isiginnaartitsisartunik, Akisuanerit Festivalimik, Katuaq-millu, sumiiffinni aaqqissuisunik suleqateqarluni piorsarsimassutsimut sammisutigut suleqatigiinnerini pingaarnertut tunuliaqutsiilluta tapersersuisuunerput aqqutigalugu, peqataaffigaarput piorsarsimassutsimik suliaqartorpassuit nunatsinni takutitsinnaasarnerat. Ukiullu ingerlanerini aamma tapersersortarpagut piorsarsimassutsimut sammisunik ingerlanneqartut arlaqaqisut, nalinginnaanerusumik ingerlanneqartut siammasissumik soqutiginaateqartut. 

 

Nunatta Isiginnaartitsisarfia

Nunatta Isiginnaartitsisarfia ukiuni pingasuni atuuttumik isumaqatigiissuteqarfiginikuuarput. Taanna 2019-imi pilersinneqarpoq.

 

Akisuanerit Festival

Air Greenland Akisuanerit Festival aallartimmalli suleqataalersimavoq. 2018-imilu suleqatigiinnerput ukiunik qulinngortorsiorparput. 2019-imilu ukiuni pingasuni atuuttussamik isumaqatigiissuteqarnerput sivitsorparput.

 

Katuaq

Katuaq tassaavoq Kalaallit Nunaata tamarmi kulturikkut illorsua, isiginnaartartut atuisullu pitsaanerpaamik kulturimut tunngasutigut misigisaqarnissaannik siunertalik, pingaarnerpaatullu sullissilluarnermik aallussisoq. Katuami kulturikkut neqeroorutinut ilaapput tusarnaartitsinerit assigiinngitsut annertuut annertunngitsullu, meeqqanut inersimasunullu isiginnaartitsineq, eqqumiitsulianik saqqummersitsineq, meeqqanut, inuusuttunut inersimasunullu filmertitsinerit, oqalugiartitsinerit allarpassuillu.

Air Greenland Katuarlu, nuannaarutigisatsinnik, ukiunut arlalinnut atuuttumik tapiisarnissamut isumaqatigiissuteqarput.

Taseralik 

2019-mi Air Greenlandi Sisimiunilu kulturikkut illorsuaq Taseralik tapiisarnissamik isumaqatigiissusiorput. Siunertaalluni Sisimiuni tassungalu atasuni kulturikkut pisoqartillugu tapiisarnissaq.

KNQK

 Air Greenlandi tulluussimaarutigisaminik Avannaata Qimussersuanut ukiut 20-t sinnerlugit tapiissuteqartartutut inissisimavoq. Ukiut tamaasa qimmit qamutillu illoqarfimmut unammersuarfissamut timmisartukkut assartornerinut ikiuuttarpugut.