Mamaq

Kalaallit Nunaanni ilaquttatit ikinngutitillu kalaaliminernik nassiussivigikkit.

Mamaq

Mamaq aqqutigalugu nassiussinnaavatit:

  • Aalisakkat
  • Neqit
  • Nunaammi tunisassiat

Mamaq aqqutigalugu timmisartukkut nassiussat tassaasinnaapput qerisut nillataartullu, mittarfimmut toqqaannartumik tunniunneqartut.

Akit aalajangersimasut
Matumani illoqarfik nassiussiviusoq apuussivissarlu apeqqutaatinnagit akit aalajangersimasut pineqarput.
Tunniussinermi tamatigut aningaasanngorlugit akiliisoqartassaaq.

  • 10 kg-t tikillugit nassiussat 300 koruuneqarput
  • 11 aamma 20 kg-t akornanni nassiussat 500 koruuneqarput

MAMAQ akikitsuliaavoq, taamaammallu usinik pingaarnersiuilluni tulleriiaarinermi kingullertut inissisimalluni. Taamaammat ilaatigooriarluni apuuffissamut ingerlanera sivisusarsinnaavoq.

Nassiussat killeqarnerat
Mittarfiit assigiinngitsut qerisunik/nillataartunik tigusisinnaanerat killeqarsinnaavoq.
Taamaattumik nassiussavit timmisartup ilaanissaata tungaanut mittarfik inissaqartitsisinnaanersoq imaluunniit qaqugu tunniussiguit pitsaanerpaassanersoq paasiniaqqaassallugu isumatusaarnerussaaq.

Poortuisarneq
Mamaq atorlugu nassiussat tamatigut qajannaatsumik poortorsimassapput. Tassa ilaatigut poortuutit naammaginartumik qajannaatsuussapput ussissuussallutillu, taamaalillutillu tipiliussanngillat seerisoqassanatillu. Tamatuma saniatigut nassiussat soorunami eqqortumik poortuinermut piumasaqaatinik naammassinniffiussapput.

Mamaq ornigassat
Ornigassanit ukunannga aammalu taakkununnga Mamaq atorlugu nassiussisinnaavutit:

  • Qaanaaq
  • Upernavik
  • Qaarsut
  • Uummannaq
  • Ilulissat
  • Aasiaat
  • Sisimiut
  • Kangerlussuaq
  • Maniitsoq
  • Nuuk
  • Paamiut
  • Narsarsuaq
  • Kulusuk
  • Tasiilaq