Issittumi timmisartuussinerit

Air Greenland suleqatigalugu piginnaanngorsassaatit, nalunaaquttap akunnerinik timmiffiusussanik atuilluassaatit Kalaallit Nunaannilu inuiaqatigiinnut attuumassuteqarlualerlutit.

Issittumi timmisartuussinerit


Air Greenland Charterimik atuisutut suliassaatitit timmisartunik qulimiguulinnillu tamatigoortunik taakkulu aquttuinik sullissilluartunik isumagineqassapput. Issittumi sullissinermik ukiut 50-it sinnerlugit misilittagaqarpugut.
 
Nunap ilaani inuilaarsuarmi angallaffiuallaanngitsumilu silap imaannaanngiffigisinnaasartagaani sullissinerit unamminartut uagut sungiusimaannarpagut. Issittormi uagut sungiusimalluarlugu suliffigisarparput. 

Nunatsinni aqqutit imminnut ungasippallaaratik aalajaakannersumik ingerlatsiviusutut taaneqarsinnaaput. Air Greenlandi nunatsinni illoqarfinni amerlanerpaani timmisartoqarfeqarpoq, timmisartunut eqqussiveqarpoq, timmisartunik iluarsaasartoqarluni allanillu sulisoqarluni, Nuummilu pingaarnertut iluarsaasarfitsinni kingoraartissaasiveqarpugut. Taamaammallu timmisartut uninngasariaqaleraluaraangata sukkasuumik iluarsineqartarput – aasamilu naatsumi ilissi ulapaarfissinni unillatsiarsinnaanerit akisusinnaasut taamaasillutik pinngitsoortinneqartarput.

Uagutsinnut ilisimasaqarneq aammalu ilisarisimanninneq ilinnut iluaqutaasumik imminnut ataqatigiipput: Ajornartorsiuleriataarnermimi  Kalaallit Nunaani tamakkiisumik kikkut attaviginissaat ilisimalluarparput.

Suliassaatitit Air Greenlandimut isumagitikkukkit Kalaallit Nunaanni inuiaqatigiinni sullissilluartumik toqqaassaatit. Timmisartuutitta  aappaluttut suliffissaqarneq, ilinniarfissaqarneq kaaviiaattitsinerlu ersersippaat – tassa Kalaallit Nunaannut iluaqutissatut aammalu illit Kalaallit Nunaanni siunissannut.

Aamma illit ingerlatsivippit ileqqorissaarnermut avatangiisinullu mingutsitsinnginnissamut naatsorsuutaani uagutsinnik attartornissamik toqqaaneq pitsaaquteqassaaq. Air Greenland FN-ip inuiaqatigiinni akisussaassuseqarnermut (Corporate Social Responsibility) tunngaviinik malinninnissamut atsioqataavoq. 2010-mi Kalaallit Nunaanni suliffeqarfinnit siullersaalluta FN-ip Global Compact-ia akueraarput, inuttut pisinnaatitaaffitsigut, avatangiisitigut, sulisunut atugassaritatigut aammalu pinerluffigineqannginnissamut pisussaaffiliisoq.  Aningaasaliineruvoq – aamma illit Kalaallit Nunaanni siunissannut.

Tuniniakkat