Sinerissap avaataani suliassat

Air Greenland atorukku pissarsiatit assartuinerinnaassanngillat. Maleruagassat malittarisassallu aammalu piffinni piumasaqaataasinnaasut tamaasa nalunngilagut, attaveqarfigisartakkagullu amerlaqaat - sullitarpullu arlaatigut ajornartuussagaluarpat, Kalaallit Nunaanni kikkunnut tamanut oqarasuaatit normui ilisimavagut.

Sinerissap avaataani suliassat


Air Greenland piffissami sivisuumi sinerissap avataani sulialinnut sullissisareerpoq. 1970-kunniilli qulimiguuliutitta immami Nordsømi uuliasiornerni uuliamillu qalluinerni suleqataasarsimapput, ullumilu Kalaallit Nunaata eqqaani sinerissap avataani misissueqqissaartunut kiffartuussinissamut piareersimavugut. 

Silap pissusaani ilaatigut peqqarniissinnaasuni suliaqarneq sungiusimavarput, attaveqaateqarnikkullu qajannarsinnaasumut sulinissamut pikkunnarsagaalluta. Kalaallit Nunaanni attartortitsinermut aallaaviit, iluarsaasarfit kingoraartissaasiviillu piginerisigut issittumi unammilligassaasinnaasut tamaasa piareersimaffigaavut. 

Tuniniakkat