Club Timmisammi apeqqutit akissutillu

Club Timmisa tassaavoq Air Greenlandimi atuisut klubbiat, ilaasortanut assigiinngitsunik arlalissuarnik iluaqutissaqartitsisoq.

Club Timmisa app’ikkut imaluunniit nittartakkatsigut ilaasortanngussaatit.

imaluunniit Air Greenlandip sullitanut kiffartuussivianut saaffiginnillutit. Club Timmisamut ilaasortanngorninni ilaasortatut ilisarnaammik pilersitsissaatit, paasissutissat uku allallugit:

  • Atit
  • E-mailit
  • Illoqarfiup normua, Nuna aamma illoqarfik

 

Immikkut malugeqquarput atit allatat, angalanissanik inniminniinermi atip atortakkavit assigeqqissaassammagu. Ilaasortanngornermi ilaasortaanermi maleruagassat akuerinissaat piumasarineqartarpoq. Club Timmisamut ilaasortanngorsinnaavutit 18-leereersimaguit immikkullu nakkutigisaanak.

Club Timmisap app’ia App Storemi imaluunniit Google Playmi aasinnaavat.

Ilaasortaanermi maleruagassatit uani atuarsinnaavatit

E-mailadressit Club Timmisami allaqqasoq allanngortissagukku uunga saaffiginnissaatit clubtimmisa@airgreenland.gl

Club Timmisami ilaasortaaneq akeqanngilaq.

Club Timmisa app’ikkut imaluunniit nittartagaq aqqutigalugu, e-mailadressit aamma oqaseq nammineq isissutissatut toqqakkat atorlugit isissaatit.

Ilaasortaanermut illit ilisarnaatinnut iseruit, angalanitit nalunaarsukkat takusinnaavatit, tassanilu aamma ilinnut attaveqarnissamut paasissutissat allanngortissinnaavatit.

Club Timmisami ilaasortanut arlalissuarnik iluaqutissaqarpoq.

Makku qilanaarisinnaavatit:

  • Siulliit ilaattut makku, ilaatigut ilaasortaannarnut atuuttut, paasisassavatit, akit pitsaasut timmisartukkullu angalanissanut immikkut neqeroorutit.
  • Timmisartukkut angalanissat nalunaarsorukku, angalaninni piffissat tamakkiisumik takoriaannanngorlugit
  • Club Timmisa app’ikkut toqqaannaq aviisit atuagassiallu atuarsinnaavatit.
  • Timmisartuussinissat takusinnaallugit, timmisartup ingerlaarnera malinnaaffigalugu, allanngortoqassappallu allannguutit toqqaannaq paasillugit.
  • Angalanissamut allagartamik 3.000 kr.-nik nalilimmik qaammatit pingasut qaangiukkaangata makitsinitsinni peqataaneq
  • Kiffartuussinerit assigiinngitsut immikkut ilaasortanut neqeroorutit, soorlu hotelini ineqarnermut akikillisaavigineqarnerit, nassatanik Københavnimi aallerneq Valizo atorlugu, Pisiffiup nittartagaani immikkut neqeroorutit aammalu Flightseeing.
  • Aallarfissaq nal.ak. 24-it sioqqullugu mobilikkut nassatanik tunniussisinnaaneq, check-in.
  • Club Timmisap ilaasortaanuinnaq immikkut aaqqissuussinernut peqataaneq
  • Pisussanut assigiinngitsunut bilitsinik makitsinermut peqataasinnaaneq.

Club Timmisap mobilapp’ia Apple Store-mi aamma Google Play-imi aasinnaavat. Club Timmisa ujariarlugu app’i download-issavat.

Taava Club Timmisa aammalu angalanitit, angalanissatillu ingerlaannaq takusinnaajuassavatit.

Ilaana! Angalanerit Club Timmisap mobilapp’ianut iserlutit nalunaarsorsinnaavat. Toqqagassani ’Angalanissaq’ tooriarlugu tassani angalanissannut inniminniinermut normut allassavat.

Inniminniinermut normu kisitsinik naqinnernillu assigiinngitsunik arfinilinnik imaqarpoq.

Eqqaamallu una tuussagakku ’ilannguguk’.

Angalanerit nalunaarsoriikkatit uani takusinnaavatit ’Angalanikka

Angalanermik ikkussiniarninni ajortoqassappat, taava angalanissamut inniminniikkap normua eqqortuunersoq misissorluaruk, tassanilu atip allassimasup Club Timmisami allaqqasoq assigineraa qulakkeerlugu. Assigiinngissuteqarunik imminnut ’nassaarisinnaanngillat’.

Angalanissavit nalunaarsorniarnera suli ajornartorsiutigigukku, uunga attavigisigut clubtimmisa@airgreenland.gl

Aap, angalanitit ’Angalanikka’-mut ikkutiinnassavatit.

Malugiuk timmisartukkut angalanerit inniminniininnut atatillugu isumamineersumik nalunaarsimanngippat ilaasortatut profilikkut nalunaarsinnaavat.

Timmisartukkut angalanerup pineraniit qaammatit 12-it kingorna nalunaarsinnaavat, aammalu timmisartukkut angalanerit eqqortumik nalunaarneqarnissaat illit nammineq akisussaaffigivat. Timmisartukkut angalanermik nalunaassaguit atip tamakkiisup e-mailip kiisalu illit pillutit Club Timmisami nalunaarsukkat angalanermut atasut allassimanissaat piumasaqaataavoq. Angalanerit Club Timmisap 2019-imi 4. marsimi saqqummersinneqarnerata kingorna pisiat nalunaarutigineqarsinnaapput. Angalanerit taamaallaat 4. marsip kingorna pisiat taamaallaat eqquiniaasitsinermut piumasaqaatit naapertorlugit pisiarineqarsimasut makitsissutissartaqarput eqquiniutitaqarput. 

Aap! Club Timmisap mobilapp’ianut iserlutit mobilikkut check-in-ersinnaavutit. ’Check-in’ tooruk tassanilu iliuusissatut allaqqasut malillugit.

Eqqaamajuk inniminniikkavit normua imaluunniit e-billetnormu piareeqqatissagakkit.

Aap! Club Timmisap mobilapp’ianut iserlutit timmisartuussinerit malinnaaffigisinnaavatit. Takussutissiami ’Tikittussat aallartussallu’ tooruk.

Tassani Air Greenlandip timmisartuussinerini aallarfissat tikiffissallu tamaasa takusinnaavatit, aamma timmisartup aalajangersimasup normua ujarsinnaavat, imaluunniit allanngortoqassagaluarpat, timmisartup ingerlaarnera toqqaannartumik malinnaaffigalugu.

Club Timmisami ilaasortatut qaammatit pingasut qaangiunnerini angalanissamut allagartamik 3.000 kr-nik nalilimmik makitsinermi toqqaannaq peqataassaatit.

Angalanermut allagartaq nittartakkatsigut angalanissamik pisinermi atorneqassaaq. 

Angalanermut allagartaq aningaasanngortinneqarsinnaanngilaq, tigusisussamullu nassiunneqarneranit ukiup ataatsip iluani atugassaalluni.

Club Timmisami ilaasortatut qaammatit tamaasa makitsissutissamik ataatsimik toqqaannaq pissarsisassaatit. Taassumalu saniatigut angalanissamik nalunaarsuillutillu angalaguit, tullianik makitsinissamut makitsissutissamik aamma pissarsissaatit.

Malugiuk!... e-billetnormumi ataatsimi timmisartukkut angalanerit, tassa timmisartornerit arlaliuppata (soorlu aallarneq uternerlu imaluunniit timmisartornermi akunninnerit) angalaneq ataasiinnartut isigineqassaaq, taammaattumillu angalaneq nalunaarsorneqareerluni aamma pereerpat  makitsissutissaq ataaseq pissarsiarineqassaaq.

Makitsissutissaativit qassiuneri ’Paasissutissat’–mi takusinnaavatit. Tassani aamma takusinnaavat makitsinissaq tulleq qaqugu pissanersoq.

Kingullermik makitsinermiit qaammatit pingasut qaangiunnerini ilaasortat tamarmik akornanni makitsineq pisarpoq. Makitsereernermi makitsissutit atorunnaartarput, tullianilu makitsinissap tungaanut makitsissutissat pissarsiat nutaat akornanni makitsineqartarpoq.

Naamik. Ilaasortaanerit ilinnuinnaq atuuppoq, allanullu tunngasinnaanani.

Qaqugukkulluunniit Club Timmisamut ilaasortaajunnaarsinnaavutit, Air Greenlandimut uunga saaffiginnillutit:

clubtimmisa@airgreenland.gl

Club Timmisamit ilaasortaajunnaarnerit, malittarisassanik akuersaarninnik utertitsinertut Air Greenlandimiit isigineqassaaq.

Club Timmisap app’ianiittumi tuugassap ’Paasissutissat’ ataani ilinnut attaveqarnissamut paasissutissat allanngortissinnaavatit, imaluunniit nittartakkatsinni

Aap, taamaasiorsinnaavutit. Club Timmisamit nutaarsiassamik ammagaqaruit, quppernerup taassuma iluaniittoq ”Club Timmisa-miit email-isisarneq unitseqqujuk” tuussavat.

Nutaarsiassat pisarunnaarukkit, Club Timmisamit nutaarsiassat kingulliit, neqeroorutit, unammisitsinerit il.il. pissarsiarisarunnaassavatit.

Isummat allanngortillugu nutaarsiassanik pisaleqqikkusussaguit, uunga saaffiginneriaannaavutit

clubtimmisa@airgreenland.gl

Oqaaseq isissutit puigorukku, app-imi ’Isissutissat puigorsimagukku’ tuussavat. Allaffissamilu e-mailadressit allakkukku, mailikkut uppernarsaatitut oqaaseq ilinnut nassiunneqassaaq.

E-mailit uppernarsineqareerpat, oqaaseq isissut nutaaq atugassat ikkutissavat.

Oqaaseq isissutissat naqinnerit 8-t 64-illu akornanni takissuseqassaaq, minnerpaamillu ataaniittut pingasut imarissallugit:

  • Naqinnerit mikisut
  • Naqinnerit angisuut
  • Kisitsisit
  • Ilisarnaat - (symbol)

MALUGIUK:Mobilit atorlugu oqaatsimik isissummik nutaamik pilersitsiniaruit, maili uppernarsaammik imalik aamma mobilinni ammassavat, qulaanilu malitassatut allaqqasut mobilinni suliaralugit. Qarasaasiakkut oqaatsimik nutaamik isissummik pilersitsiniaruit aamma tamanna atuuppoq, tassa maili uppernarsaammik imalik qarasaasiakkut ammassavat, malitassallu malillugit qarasaasiakkut suliaralugit.

Mobili qarasaasiarlu atorlugit isissummik nutaamik pilersitsiniaraluaruit, kukkuneqarneranik nalunaarutisissaatit.

Suli apeqqutissaqarpit? 

Qulaani apeqqutit akissutillu atuareersimagukkit, sulilu Club Timmisamut ilaasortaanermut apeqqutissaqaruit clubtimmisa@airgreenland.gl-mut saaffiginnissinnaavutit. 

Angalanissannut tunngasumik apeqqutissaqaruit Sullitanut kiffartuusivik attavigiuk websupport@airgreenland.gl