Aliikkutaralugu aalisarneq

Aalisaatit, qarsorsat  aalisakkallu qanorluunniit atsigisut pilerinarpat? Aalisarneq -ukioq naallugu inunnut kuunni tatsinilu pisaqarniarusuttunut -aliikkutaavoq. 

Fly fishing on the Erfalik river in Greenland. Photo: Mads Pihl, Visit Greenland

Fly fishing on the Erfalik river in Greenland. Photo: Mads Pihl, Visit Greenland

Aalisagaguppit?

Aalisariarnerit piumasaqaatit naapertorlugit immikkut aaqqissuussat imal. iluarisarsuutit unnukkut nerisassaqarnissamik qulakkeerisut. 

Pualasuunik kusanartunillu eqalunnissarsi aasaq naallugu periarfissaraarsi. Juunip qaammataani kuunniit tatsiniillu kangerlunnut neriartorlutik aniasarput aggustillu ingerlanerani utertarlutik. Sinerissami aalisarnermi qarsorsat kaavittut qillertullu atussavasi, kuunni kaavittut niviugaasiallu atussavasi. Sumi tamaani aamma

Kangerlussuarmi Maniitsumilu aalisarianut tammaarsimaafinni eqaloqarfeqarpoq.
Eqaluit neriniarfiginnerusumiittarnerat avaleqqat takuneqarsinnaajunnaarlugit itissusilimmi sarfarpallaanngitsumiittarnerat nalinginnaasuusoq oqaatigineqarsinnaavoq. Saarullik qeqertat akornini, sarfartulinni kangerluillu paanni sarfamut oqumilluni utaqqisarpoq.

Immami itisuumi

Imaq aalisakkanik ulikkaarpoq. Angallammut ilaallutit immamut 100 meterit 300 meterillu akornanni itissusilimmut aallaannaqiit. Nataarnap, qalerallip, suluppaakkap imal. qeeqqap angallatip quleruaagut qaqinnera oqaluttuariuminaatsoq misigiuk. Kalaallit Nunaata imartaani suluppaakkat angisoorsuusinnaasarput. Meteri ataaseq pallillugu angissuseqalersinnaasarput 15 kg-nillu oqimaassuseqalersinnaasarlutik. Suluppaakkat ataatsimoorajuttuummata pisarisaq arlalinnik tullilerneqarsinnaasarpoq.   

Kalaallit Nunaata eqalussuaa kangerluit qinnguiniittoq tonsimik ataatsimik oqimaassuseqalersinnaavoq meterillu sisamat sinnerlugit takissuseqalersinnaalluni. Ilaanneeriarluni puisarpoq. Suluppaakatullu eqalussuarmik ataatsimik takugaanni pinngitsoorani eqqaani arlalinnik peqassaaq. 

Sikukkut aalisarneq -  ilissi nammineq imal. kalaallip aalisartup - sikup ataani immap itinersaaniit qaleralimmik qaqitsinersi- immikkorluinnaq misigisaqarnarpoq. Aalisartoq ilagalugu sikup issusuup ataani aalisarneq misiliguk.

ILISIMAVIUK?

  • Kalaallit pisarnerattut aalisagaq paarnaqutinik pujoorsinnaagakku imal. killunut iga ikkullugu qalassinnaagakku, qalappallu qaarsumut kuillugu assannik nerisinnaagakku,
  • Kalaallit Nunaanni ukioq naallugu aliikkutaralugu aalisartoqarsinnaammat,
  • Suleqaterput World Of Greenland - Arctic Circle (WOGAC) pisariaqartitsinersi naapertorlugu aalisariarnissanik aaqqissuussisarmat,
  • Aamma Kangerlussuarmi Ilulissanilu sikukkut aalisariartitsisoqartarmat, 
  • Aalisarsinnaanermut akuersissutit najukkami allakkerivimmit imal. takornariartitsivimmit pissarsiarineqarsinnaammata.