Immamut aqqarneq

Sila kiattorsuunngitsoq nassuerutigisinnaavarput akerlianilli immap naqqanut allanit pallinneqanngisaannangajattumut aqqarluni angalasinnaaneq neriorsuutigisinnaavarput

Immamut aqqarsimaarujoorit

Aqqarlutit qeeqqat, nipisaat, saarulliit uukkallu, qeqquarpassuit meterikkaanik angissusilinnik pilutallit akornanniittut qanillikkit. Aalisakkat inalugalinnut eqqaanartut aappallarissut kissavaasallu ilalersussavaasi. Avaanngunarunarpa? Kalaallit Nunaata eqqaani imaq nillertoq tupinnaannartorlu, maannamut allanit aqqarfigineqanngisaannangajattuuvoq.

Sunngiffimmi immap naqqanut aqqartarneq nutaajuvoq, angalatitsiviillu ikittuinnaat neqeroorutigaat. Sirius Greenland Sisimiut Ilulissallu eqqaanni umiiarnerit ilulissallu ikkarlissimasut eqqaanni aqqarnissamik neqerooruteqarpoq.

Angalammi ineqartitsilluni ulluni arlalinni angalatitsisoqartarpoq. Angallatit soorunami Imarsiornermi Aqutsisoqarfimmit akurerisaapput, sillimaniarnerlu pingaartinneqaqaaq. Immap isertugaatai misissukkit. Immap nillertup itisuullu naqqani pinngortitami qalipaatigeqisumi, sarfartumi imal allarluinnarmi aqqarfissaq utaqqivoq.

ILISIMAVIUK?

  • Aqqarnermi imaq 0 gradit 4 gardikku akornannimmat – taamaammallu misilittagaqarfiginissaa piumasaqaataammat,
  • Atortut pisariaqartitat aaqqissuisunit attartorneqarsinnaasut.