Qulimiguulimmik qullarterneq
Kissaatigisarsi naapertorlugu qulimiguullip qaqqap qaanut ingerlattarsinnaavaasi. Maniitsoq qulimiguulimmut ilaalluni sisorariarfissat nunarsuarmi pitsaanersaraat- pikkunartoq, sapiisernartoq, uerinartorlu.
Two skiers in the sunset descending towards the fjord near Kuummiut in East Greenland. Photo: Mads Pihl, Visit Greenland
Qulimiguulimmut ilaalluni sisorariarneq
Timmissunneqarlutit qaqqap qaanut pigit sisoraaserlutillu snowboard-ilerlutilluunniit ammut sisugit.
Maniitsoq qulimiguulimmut ilaalluni sisorariartarfiit nunarsuarmi pitsaanerpaat ilagaat. Tatsinut sermimik iigartartulinnut Davids Strædimullu isikkivik tupinnaqaaq. 1990-ikkut qiteqqunneranni inuuniutigalugu sisorartartut filmiliortarfiillu nunamut qaallorissumut alianaaqisumullu aqqut nassaaraat. Tamatuma kingorna pinngortitamik nuannarinnittut arlalissuit takornariartitsiviup - immikkut ilisimasaqarfigalugu ilisimasortaasut peqatigalugit aaqqissugaat - atorpaat.
Tamaani kivittaateqaranilu neeqquluttunik issiavittalinnik majuartaateqanngilaq. Air Greenland-ip qulimiguuliinik qaqqap qaanukaassisoqartarpoq. Timersuummut unammilligassartalimmut aallarniutitut qummuinnaq ingerlanneqarneq, tillernik qaffatitsisoq, paasinnilersitsisoq isikkiviliisorlu.
Qaqqap qaaniit sissamut
Tamaani sisorarfissat annersaanni sermit iigartartut arlallit kitaata sineriaanut atasuupput. Nuna allanit tikinneqarsimanngitsoq sisoraatinik snowboard-inilluunniit sisorarnermik sungiussilaarsimasunut sungiussilluarsimasunullu kajungernartuuvoq. Ajornavissuusaraluaq- tassalu qaqqanit km-inik arlalinnik portussusilinnit sissap tungaanut sisuneq- Maniitsumi ajornanngilaq.
Qaqqarpassuit
Maniitsoq qulimiguulimmut ilaalluni sisorariartarfiit pitsaanersaattut, immikkut paasisimasalinnit nalilerneqarpoq. Unammillertseqarporli, Air Greenland-immi qulimiguulii Kalaallit Nunaat tamakkerlugu qaqqat qaavinut angallassisarput. Uummannaq, Sisimiut Nuullu apussarinnersanik, seqinnarimmik qilammillu tungutsorissumik neqeroorutissaqarputtaaq.
ILISIMAVIUK?
- Qaqqaq Kangerlussuatsiamiilluni km-inik marlunnik portussuseqarmat, qaqqat portussusaat 700 meteriniit 1500 meterinut nikerarmata,
- Marsimiit juunip aallaqqaataa tikillugu sisorarfiusarmat,
- Apriilip naaneraniit seqernup tarrissaarfiani ulloq kaajallallugu aput iluarusuutigineqarsinnaammat.