Puilasut kissartut

Kujataani qeqertami Uunartumi imermi 38 gradinik kissassusilimmi inuunerissarnissamut periarfissaqarpusi. Imeq puilasunit pingasuneersuusoq tatsimut ujaqqanik sapusiukkamut kuuppoq.

A family swimming in the Uunartoq hot springs in South Greenland. Photo: Mads Pihl, Visit Greenland

A family swimming in the Uunartoq hot springs in South Greenland. Photo: Mads Pihl, Visit Greenland

Allanartumik inuunerissaarneq

Puilasut kissartut Kalaallit Nunaanni pinngortitamit tamanut tamaanga siammartigaapput. Kujataani qeqertami Uunartumi ujaqqanik sapusiukkamik puilasut pingasut erngisa katersuuffiannik naluttarfeqarpoq. Tassani qaqqarsuit inngittuut avatangiisiliullugit ilulissallu sarsuasut isiginnaarlugit, 38 gradinik kissassusilimmi kininneq, nunami maaniisorinanngitsutut allanartatullu timimut tarnimullu misinnarpoq. Inuunerissarfik nalissaqanngitsoq.

Qeqertarsuarmissaaq taamaattoqarpoq

Qeqertarsuaq tuusintinik arlalinnik kissartunik puilasoqarpoq, Tunumili puilasut untritillit arlaqanngitsuinnaapput. Taakkuli suli kissarnerullutik 50 gradit 60 gradillu pallillugit kissassuseqarput.  

Ilisimaviuk?

  • Island-imi puilasut kissartut innernik anitsisartuneersuusut,
  • Kalaallit Nunaanni puilasut kissartut nunarsuup qalipaani quppat imminnut tagiunneranni pinngortartut,  
  • Puilasut kissartut tassaasut ukioq kaajallallugu kissassutsimik ataatsimik kissassuseqartut najukkamilu kiassutsimit kissarnerusut.