Piniarneq

Tuttumit umimmammillu tammajuitsunnannissaq aallaaniap kissaataanut ilaavoq. Angusassarlumi Qallunaat Nunaannit nal. ak. tallimat missaannaannik ungasissuseqarpoq.

A collection of reindeer antlers outside a house in Qeqertarsuatsiaat south of Nuuk in Greenland. Photo: Mads Pihl, Visit Greenland

A collection of reindeer antlers outside a house in Qeqertarsuatsiaat south of Nuuk in Greenland. Photo: Mads Pihl, Visit Greenland

Tammajuitsussannik angerlaassigit

Kalaallit Nunaat aallaanianit najugaqarfigineqarpoq. Manna tikillugu ukiuni untritilikkaani, pinngortitaq mianeralugu aalisarneq piniarnerlu ingerlanneqarput. Pinngortitap piumasaqaatai tunngavigalugit, piniartut uumasut inuunerat malittaraat. 

Umimmaat, tuttut, teriannissat, timmissat puisillu piniariaqataasunit piniarneqarsinnaapput. Piniariaqataanermi uumasunik anginngitsunik piniartoqasinnaavoq, tammajuitsussarsiniarlunilu angalanermi umimmattoqarsinnaalluni. 

Kangerlussuarmi Maniitsumilu tammajuitsussarsiniarluni immikkut ilisimasalinnik ilisimasortalikkanik, pisaqarnermiit tammajuitsussap eqqiarlugu poortornissaa ilanngullugu, isumaginnittunik angalatitsisoqartarpoq.

Sermissuup eqqaani qooqquni kangerluullu eqqaani angutikuluut neriniarfianni umimmanniartoqarajunnerusarpoq. Tuttut qanillattorniarnerat ajornakusoortuusinnaasarpoq. Taakku arlalissuullutik qeriuaannartup narsarsuini angalaartarput.

ILISIMAVIUK?

  • Marsip aallaqqaataata missaaniit maajip aallaqqaataanut, aggustimiillu septembarimut aallaaniartoqarsinnaasoq,
  • Upernaakkut puisinniartoqarajunnerusartoq,
  • Aasami ukiumilu tammajuitsissarsiniarluni umimmanniartoqartartoq, umimmaat aalajangersimasumik killilersuineq tunngavigalugu piniarneqartartut,
    tammajuitsunnanniarluni piniagassat immikkut uumasoqatigiinnullu artukkiinngitsumik pisassiissutaasartut,
  • Kalaallit Nunaanni takornarissat nammineerlutik piniarsinnaanngitsut, aaqqissuussamilli piniariaqataasinnaasut,
  • World of Greenland - Arctic Circle (WOGAC) sumiiffinni aallaanianik pikkorissunik attaveqartoq.