Qajartorneq

Kalaallit Nunaanni immami qajartorneq misilittagalinnut, immamilu ilulissanik avatangiisilimmi nipaatsumik angalanermik nuannarisalinnut naleqquttuuvoq. 

ayakers on a coffee break among icebergs in the Disko Bay in Greenland. Photo: Mads Pihl, Visit Greenland

ayakers on a coffee break among icebergs in the Disko Bay in Greenland. Photo: Mads Pihl, Visit Greenland

Piffissaq unitsilaarlugu

Kinngusaqattaarneq misiliguk –imal. kinngunaveersaarit.
Takornarissat nuannersunik misigisaqarumatuut sammisaqarusuttullu qajartorneq immikkorluinnaq misigisaqarnartoq misilissinnaavaat. Periarfissat assissaqanngillat. Qajaq immap qaanut qatsungasumut ilassuutsillugu nipaassuseq timinnut sunniutsiguk. Ilulissat seqernup saqqagaanik assigiinngitsunik qalipaatinititsertut isiginnaarsigik. 

Avannaani piniartut immami qatsungasumi naalillugit puisinniarnerminni qajaq atortarpaat. Puisimik naalinnermi qajaq kinngoqqajaanngisaannarpoq. Kalaallit qaannap oqariartuutimigut eqaassutsikkullu tunniussinaasai, ukiuni tuusintilinni angallammik nipaqanngitsumik tamatuminnga atuinikkut piigassaajunnaarsimavoq. Avannaani Avanersuarmilu qajaq - qilalugarniarnermissaaq piniutitut suli atorpoq.

Kalaallit Nunaanni sinerissap qeqertarpaasa akornat qaannamik sungiussisimasunut piukkunnartuuvoq. Illoqarfiit ilaanni nunap assinginik annikitsortaanik ilanngussivigineqarsimasunik- angallavissatut innersuussanik tuperfissanillu nalunaarsuivigineqarsimasunik- pisisinnaavusi.

Najukkani takornarissanik sullissiviit isorartunngitsumi isorartunerusumiluunniit qajartornissamut, qaannamik attartornissamut ikiuuttarput. Takornarissanik sullissiviit arlallit sap. ak. arlalinni qaannamik angalanernik aaqqisuussisarput. aaqqissuussinerni taamaattuni, aasami seqernup ulloq unnuarlu kaaviinnarfiani arferit puisillu qanillinerpaaneqarsinaapput.

ILISIMAVIUK?

  • Kalaallit Nunaanni qajartorneq qajartulerlaanut naleqqutinngimmat,
  • Aasiaat eqqaanni qeqertarpaat akorni qaannamik angalanissamut piukkunnarluinnartuusut, Kujataanissaaq illoqarfinni immammi qajartornissamut periarfissanik assigiinngitsunik neqerooruteqartoq,
  • Qaannap saarna qissianik qilersukkanik sanaajusoq puisillu amianik erisaamik orsumik tanitamik qalligaasoq, ullumikkut qaannat plastikkimik imal. glasfiberimik sanaajusut.