Qaqqasiorneq

Qaqqat misigisassarpassuallit qaniniagassaqqissuupput. Tamaani qaqqasiornissassinnut naapertuuttunik portusuunik pukkitsunillu qaqqaqarpoq.

Qaqqap innai qallorfigeriaannaapput

Kalaallit Nunaanni qaqqanik allanit qaqineqarsimanngisaannartunik unammilligassarpassuaqarpoq. Kangerluk annertunngitsoq qaqqanit piginnaassutsikkut timikkullu unammilligassartalinnik ungaluneqarsimasoq- sisorarfissat Kujataaniipput Tunumiillutillu- periarfissaqarluarporlu.

Tasermiuni qaqqat qutaarluit km-ikkaanik portussusillit qaqqasiorfissatut innersuussutissatta ilagaat. Qaqqasiortartut nunarsuarmit tamarmeersut pissutissaqarluarlutik tassunngartarput.
Qaqqat innaat qutaarlooqisut nunarsuarmi qaqqasiorfiit ajornakusoornersaannut ilaapput, nuuilu pallinneqanngisaannartut arlaliullutik.

Qaqqasiorfissat unammillernartut allat tassaapput Ammassalimmi Fox Jaw, Ittuarmiit/Skjoldungen kiisalu Staunings Alper.

Qaqqasiornermik soqutigisaqarussi periarfissat aamakku. Qaqqat portunerpaajunngikkaluarlutik sumi tamaaniipput. Ajornannginnerpaamik pallinneqarsinnaasunik qaqqasiorfissaqqissunillu nassaarsinnaaneq piginnaasaqarfiusariaqarpoq.

Kalaallit Nunaanni pinngortitaq alianaalluinnartuuvoq, ernga nunarsuarmi pitsaanerpaat ilagaat periarfissallu suugaluit paasiuminartuullutik. 

ILISIMAVIUK?

  • Piffissami sivisunerusumi qaqqasiorniaraanni immikkut akuersissummik pissarsinissaq immikkullu sillimmasernissaq piumasaqaataasut, sermersuarmik qarsutsinianut piumasaqaatit aamma taakkuusut,
  • Gunnbjørn Fjeld Kalaallit Nunaanni qaqqat portunersarigaat, taanna 3700 meterinik portussuseqartoq Kalaallit Nunaatalu avannaata kangiani sermersuarmi nunataalluni, Gunnbjørn Fjeld 1935-36-mi qallunaat tuluillu ilisimasassarsiortuinit siullermik qaqineqartoq,
  • Tasermiut kangerluanni qaqqarsuaq Tasermiut 2000-meterit sinnerlugit portussuseqartoq 1400 meterinillu portussusilimmik ataannartumik piukkunnartumik innartorfissaqartoq,
  • Nanortalimmi takornariartitsivik qaqqasiornissamut sillimaniarnermullu tunngasutigut ukiorpanni misilittagaqarfiusoq.