Umimmannik marseriarneq

Nunap qeriuaannartup narsarsuanut umimmaat 27-it Tunup avannaanit nuunneqartuneersut qulinik tuusintillinnit amerlanerit ungasianiit qimerluukkit.

Aerial shot of musk oxen near Kangerlussuaq in Greenland. Photo: Mads Pihl, Visit Greenland

Aerial shot of musk oxen near Kangerlussuaq in Greenland. Photo: Mads Pihl, Visit Greenland

Siunitsinni Umimmaat

Isumannaatsumik qanillikkit. Umimmannik takuniaaneq issittumi misigisassat ilagaat. Kangerlussuup narsarsuini umimmaat qulinik tuusintillit uumasuupput.

Uumasut nujuartat nunarsuarmi uumaffimminni sumiluunniit angalasinnaapput. Uumasorsuit taakku qaasuppasigatik nunamut ilassuuttumik qalipaateqarput.

Umimmaalli pattalaagassaanngillat; taamaammat 50 meterit inorlugit uumasut nujuartat taakku pallinnianngisaannakkit.

Nuna alianaatsoq aqqutigalugu bussimik umimmannik takuniaatitsisoqartarpoq, angallassisullu umimmaat qanoq isillutik Kangerlussuarmut pisimanerat oqaluttuarisarpaa. Aqqutaani tuttunik aamma takussaasi – juullimmi inuata nunaaniippusi. 

Uumasut qulaaniit isiginnaakkit

Assakaasulimmut ilaanermut taarsiullugu qulimiguulimmut ilaalluni qattorngit qooqqullu aqqusaartuallugit uumasunik takuniaasoqarsinnaavoq. Qulaaniit uumasorsuit kajortunik meqqullit qaqornersallit nunami eqqissivillutik angalaarusaartut – immaqalu piaqqaminnik ilaqartut akornuteqanngitsumik isiginnaarneqarsinnaapput.

ILISIMAVIUK?

  • Kalaallit Nunaanni umimmaat 1960-ikkunni Tunup avannaaniit umimmannit 27-init nuunneqartunit aallaaveqartut, 1989-imi umimmanniartoqarsinnaanngortoq,
  • Umimmaap neqaa mamarlunilu pikkunartuusoq,
  • Umimmak Kalaallit Nunaanni nunami uumasut miluumasut annersaat 400 kg-nik oqimaassuseqalersinnaasoq, 40 gradinik ississusilimmi uumasuusinnaasoq,
  • Qallunaatut aqqa moskusokse ussinnut eqqaanaraluaq, umimmak savanut savaasanullu qaninnerusoq,
  • World of Greenland Arctic Circle (WOGAC)-ip nunakkut silaannakkullu uumasunik takuniaasitsinernik aaqqissuussisartoq.