Arsarnerit

Upperisatoqqat oqaluttuallu piviusuutitat ersarissumik oqaluttuarput; arsarnerit ersituunut naatsorsuussaanngillat.

Northern Lights over Mt. Sermitsiaq near Nuuk. Photo: Mads Pihl, Visit Greenland

Northern Lights over Mt. Sermitsiaq near Nuuk. Photo: Mads Pihl, Visit Greenland

Nunarsuarmi isiginnaartitsinerit annersaat

Upperisatoqqat naapertorlugit toqoreersut tarningi aarrup niaquanik arsalerlutik arsaatileraangata arsarnerit qilammi saqqummersarput. Qilammi tupinnartup pinngortitap isiginnaartitsivissuani qaninnerpaamiit isiginnaarnerani, nassuiaatissartaa puigorluinnarneqartarpoq. Qaamarngit qorsunnik assigiinngiiaanik qalipaatillit qilammi saqqummersarput takusarlu immikkooruteqarluinnartuuvoq.

Ilisimatuussutsikkut paasisat naapertorlugit arsarnerit tassaapput seqernup sananeqaatit minnerit pinngoqaataasa sarfaliortut nunarsuup silaannartaani 100 km-isut qutitsigisumiittumi molekylinik atominillu naapitsinerat. Taakku saagut sungaartunik, qorsunnik ilaatigullu aappalaartunik anoraannguamit aalataartinneqarlutik alanngialasutut takorloorneqarsinnaasunik kinguneqartitsisarput. 

Unnuit taartut

Isiginnaagassaq allakkajaajullunilu tupinnartoq, Kalaallit Nunaat tamakkerlugu allaaqqissumi unnukkut unnuakkullu takuneqarsinnaavoq. Taamaattumik misigisaqassagaanni avannarparterujussuartariaqarsorinarsinnaavoq. Taamaanngilarli. Sisimiuni Kangerlussuarmilu putsinngisaannangajattuuvoq. WOGAC –ip ukiuunerani arsarnernik isiginnaarluni silamit matumannga pisuunngitsutut misigiffiusinnaasuni angallassineq neqeroorutigaa.

ILISIMAVIUK?

  • Upperisatoqqattaaq naapertorlugit arsarnerit uinngiartarlugit qanillisinneqarsinnaasut- arsarnerilli uinngiarsortumik aallarussisarmata mianersortarialik- qimmitulli qilukkaanni ungasillisinneqarsinnaasut,  
  • Arsarnernik isiginnaariareernermi kalaallit kaffiat kissassaataalluartartoq, immiartorfimmut kalaallit kaffiannik sananissamut ilitsersuut:
    2 cl whisky, 2 cl Kahlua, 2 cl Grand Marnier, 1 dl kaffi kissartoq, flødeskummimik qallerlugu. Grand Marnier arsarnertut ikuallatillugu naggataagut kuineqassaaq.