Arfersiorneq

Imaq arferpassuaqarpoq. Immap miluumasorsui qanimut isiginnaarlugit tupigusunnerup pianik oqaasissaarunnarpoq.

Whale diving in the fjord. Photo: Malik Milfeldt, Visit Greenland

Whale diving in the fjord. Photo: Malik Milfeldt, Visit Greenland

ARFERIT QANILLILLUGIT

Puigunngisaannagassannik arfernik takunnigit.
Kalaallit Nunaata sineriaani imartaq arferpassuaqarpoq- tikaagulliit, tikaagulliusaat qipoqqaallu. Isiginnaartuulluni arfersuit immap qaani pinnguartutut pissusilersoriarlutik, timersuatik tonsinik oqimaassusillit serpalittaarujussuariarlutik itinersuarmut aqqaraangata, isiginnaarlugit oqaasissaarunnarpoq.

Aasap qiterarneraniit ukiaq ilanngullugu Paamiut-, Nuup-, Aasiaat-, Qeqertarsuup Tunua Uummannarlu  tamatigorluinnangajak arfersivissaasarput. Arferilli namminneq angallavissartik aalajangertarmassuk, qulakkeerivinnissaq ajornartarpoq.

Arfersiornerulli akiminut naleqquttuunera qulakkeersinnaavarput, Kalaallit Nunaannullu takornariarnermi pinngitsuugassaanani. Angallatip naalagaa piginnaasaqarluartuuvoq arferpassuarnillu takusarsimagami, qanoq isilluni isumannaatsumik, kigaatsumik eqqissisimasumillu qanillattuinissaq ilisimavaa.

Kalerriippat ilaasut tamarmik pissangaqalutik angallatip quleruaanukaasarput. Sinnera qinnguserluni, assiliivilerluni annertuumillu naammagittassuseqarluni misigisassaavoq. Iluatitsilluassagussi arferit assigiinngitsut pingasut sisamalluunniit ataatsikkut takusinnaassavasi.

Ilusissat akornini arferit

Arlaannik pitsaanerusutut naliliinissaq ajornakusoorpoq. Taamaakkaluaq Qeqertarsuup Tunuani arfersiorneq misigisaavoq immikkorluinnaq ittoq. Iluliarsuit akimarpasissut akornini angallammi, arferit avammut ingerlaafissamittut toqqakkaminni ingerlaartut takorlooriarsigik. Taanna nammineq oqaluttualiatut misinnartarpoq, killingusaamili imal. meterit untritialuit siuninni sarpimmik arlalinnilluunniit tassanngaannaq nuisoqaraangat, uummat immikkut tilleriarsinnaasarpoq.

ILISIMAVIUK?

  • Arfivik 18 meterit pallillugit takissuseqalersinnaasoq 100 tonsinillu oqimaassuseqalersinnaasoq,
  • Arferit nunarsuaq tamakkerlugu pisassiissutissatut aalajangersakkat tunngavigalugit piniarneqarsinnaasut, arferillu arlallit Kalaallit Nunaanni piniaqusaanngitsut,
  • Ilulissani World of Greenland (WOC) nal. ak. tallimani arfersiornissamik neqerooruteqartoq,
  • Nuummit nal. ak. sisamat angallassisoqartartoq, Illoqarfinni allani takornariartitsiviit arfersiornissanik aaqqissuussinermi ikiuuttarput.