Reykjavik

Qeqertaq innermik anitsiviusartoq kissartunik puilasulik, tissaluttulik, sermimik iigartartulik qorlortorsualillu. Illoqarfik Reykjavik ulloq unnuarlu pisoqarfiusaqaaq.

Reykjavik

Illoqarfiit pingaarnersaat ukioq qanoq iligaluarpalluunniit eqeersimaarfiusoq. Illoqarfissuarmi ilorrisimaarneq, unnuami pisoqarfik inuunerissarfillu – Reykjavik Islandimi nuannarineqarnerpaaq.

Oqaluttualianisut puilasunut kissartunut, serminut iigartartunut aalartunut, innermik anitsisartunut aamaarusaartunut angalanernut ilaagit, aap tamatuma eqqaani qimusserneq aamma periarfissaavoq. Suli piffissaqarussi arfernik takunninniarneq pinngortitamilu tupinnartumi islandimiut hestiini akusaanngitsuni alutornartuni hesterneq innersuussutigaarput.

Reykjavik-imi aasaq immiikkorluinnaq ittuuvoq uummaarillunilu. Seqineq kaaviinnangajattuuvoq islanimiullu tamatuminnga pimoorussillutik inuupput. Inuuneq tamakkiisumik ilorrisimaarfiussaaq. Unnuaanerani nikiffissat nutaaliat, ullukkullu sininnianngikkussi kikkunnulluunniit soqutiginaateqarsinnaasunik katersugaasiveqarpoq.

Pingaarnersiorlugit oqaatigineqarsinnaasut allat tassaapput puaasartumi uffarneq, inuunerissarneq, puilasullu kissartut. Den Blå Lagune taratsut qeqqussallu timip piumaqisai - timimut tarnimullu ilorrisimaarnartut.

Nunarsuup sinneranut ingerlaqqinneq

Reykjavik immikkorluinnaq ittuuvoq. Nunarsuup sinneranut ingerlaqqitsinnak ullut marlussuit qasuersaarit, imal. Air Greenland-imut ilaallutit Nuummiit toqqaannartumik Keflavik-imi mittarfimmut nunanut allanut ingerlaqqiffiusartumukarit. Tassanngaanniit nunarsuup sinneranut- USA-mut, Asiamut Europamullu isaaffissuaq ammavoq.

Ilisimaviuk?

  • Reykjavik kangerliumanermik pujoortumik isumaqarmat.
  • Nunarsuarmi inatsisartut pisoqaanersaat Thingvellir Islandimiimmat. Taanna qanga Islandimi vikingit katersuuttarfigigaat.
  • Tjörnin immap timmiaasa piaqqiorfiisa annerit ilaat illoqarfiup qeqqaniimmat.
  • Sermeq iigartartoq tusaamasaq Snæfellsnes-gletsjer, Jules Verne-p nunarsuup iluanut angalanialernermini aallarfiatut ilisimaneqarmat.
  • Eqqumiitsulianik soqutigisaliugussi, Center for Icelandic Art alakkarsiuk. Tassani videoliat islandimiullu ullutsinni eqqumiitsuliortuisa suliaat pitsaanerpaat saqqummersinneqarput.

Transportation and Hotels in Reykjavik

Qanoq isillunga Keflavik-imut pissaanga?

Ukioq kaajallallugu Nuummiit Keflavik-imut toqqarnartumik angalasarpugut. Taamatuttaarlu aasakkut juni-miit aggusti ilanngullugu Ililissaniit Keflavik-imut angalasarluta.

Where to sleep?

Book your hotel in Reykjavik with our partner Booking.com. They are the leading hotel search engine, with more than 30 million unique visitors a month. They offer global hotel accomodation for leisure and business.

Book or read more at Booking.com

In partnership with: Booking.com

Qanoq isillunga angalasinnaavunga?

Island-ip iluani Keflavik-iminngaanniit angalavissat assigiinngitsupput, aammalu nunarsuarmut. Mittarfimminngaanniit ingerlaartoqartuaannarpoq Reykjavik illoqarfik pingaarnermut 40 kilomiiterinik ungasissusilik avannaap tungaanut.