Ilulissat

Sermip uukkartarfiata eqqaaniilluni iluliarsuit ataqqinarpasillutik sarsuasut isiginnaarlugit inuuneq pitsaanerpaaffissaminut qaffatsinneqartutut ilisarpoq. Ilulissat kangerluat tupinnanngitsumik Unesco-p nunarsuatsinni eriagisassatut kingornussat nalunaarsuiffiannut ilanngunneqarnera tunngavissaqarluarpoq.

Pissusiviusut
  • Kalaallit Nunaanni illoqarfiit annerit: pingajuat
  • Inuttaassusaa 4.600
  • Sisamanik nunaqarfeqarpoq
  • Tunngavilerneqartoq: 1741

Ilulissat pillugu

Ilulissat pinnissusaat timimut tarnimullu sunniuttarpoq. Avannaani kulturikkut, angallannikkut ingerlatsinikkullu qitiusumik inissisimasoq, eqeersimaarfiusoq, kajungernartoq, ileqqutoqqanik attassisoq nutaaliorfiusorlu. Tamannalu pinngortitami angalatoorsuarnik allaat tupigutsatitsisinnaavoq. Kangiata sermia iigartartoq tamatumunnga patsisaasut ilagaat. Tassannga ukiut tamaasa ilulissat 35 kubikkilometerinik annertussusillit, pinngortitamit namminermit ilusilersukkat, minnerit, akunnattut, annerillu- allaallu 100 meterit pallillugit portussusillit- kangerlummut aniatinneqartarput. Kigaatsumik kangerluup paavanut ingerlaartarput sangoriarlutillu imaanut naggataamik ingerlaafissaminnut aallartarlutik.

Illoqarfiup qaamarna

Ilulissat iluliarpassuaqarfiunini illoqarfittut ateqaatigaa - sikut, ilulissat kangerlullu illoqarfiup ilisarnaatigai. Qaqqorissut tupinnaannartumik annertuut immikkut ittumik puigugassarinngisassinnillu qaamaneqalersitsipput. Illoqarfik alianaallunilu pisoqarfiuvoq. Katersugaasiviit, umiarsualivimmi avatangiisit, oqaluffik illoqarfimmi inuuneq kaffisorniartarfik, neriniartarfiit diskotekilu- rytmilimmik timigissarumasuni.   

Issittumi ilisimassassarsiortoq Knud Rasmussen Ilulissani inunngorpoq tassanilu alliartorluni. Knud Rasmussen pillugu saqqummersitat alakkakkit, ilisimasassarsiornerillu navianartorsiorfiusartut ilisarnaataat sapiissuseqarneq piumassuseqarnerlu malussarfigikkit.

Nunaqarfiusimasumut Sermermiunut pisuttuarneq Knud Rasmussenillu eqqaassutissaanut unnukkut pisuttuarneq innersuussutigaaguttaaq. Tassanngaanniit kusanarluinnartumik kangerliumanermut Qeqertarsuup tungaanut 75 km-isut isorartutigisumut isikkiveqarpoq. Sila ersaritsillugu seqernup tarrilernera nalissaqanngitsoq ilanngullugu misigisinnaassavarsi.

Qimmit qamutillu

Qimmit qiluppalullu Ilulissaniinnermi nipisiassanut ilaapput. Aasami qimmit ukiorluni apilluni issillualernissaanut ulapaalernissamullu nukissaminnik katersisutullusooq uninnggaartarput. Taamaasigaangat qimmit qimussersiminnik piniariartarfiliaassinissamut imal. tikeraanik Ilulissat illoqarfiannik sammivinnit tamaniit takunninnianik nal. ak. marlunni, ulloq naallugu imal. ulluni arlalinni ilisimasassarsiornianik angallassinissamminnut pissatsittarput.

Ilisimaviuk?

  • Ilulissat illoqarfiat Kalaallit Nunaanni takornariartitsinermi qitiusumik inissisimasoq umiarsuarsuillu takornariartaatit taliffigissallugu kajungerigaat,
  • Air Greenlandip suleqataa  ’World of Greenland’ angalanissanik assigiinngitsunik arlalissuarnik neqerooruteqartoq,
  • Ilulissat kangerluanni sermeq iigartartoq qulaallugu qulimiguulimmik angalaneq, seqernup kaaviinnalernerani unnuami immakkut angallammik angalaneq Eqimilu iigartartumik sermilimmi illuaqami unnuineq aasaanerani alianaannerpaanut ilaasut,
  • Kulturikkut illorsuaq Sermermiut filmertafeqarlunilu isiginnaatitsisarfeqartoq. Akulikitsunik nunatsinneersunik nunanilu allaneersunik isiginnaartitsisoqartartoq,
  • Akunnittarfik pitsaassusaa sisamanik ullorialigaq Hotel Arctic  - ataatsimeersuartitsinissamilu periarfissanut immikkut ullorialigaq – nunarsuarlu tamakkerlugu politikerinit-, niuertunit-, ilisimatusartunillu naapeqatigiiffittut iluarineqartoq,
  • Schweizimio illussanik titartaasartoq tusaamasaq Peter Zumthor Ilulissat kangerluani takornariarfissamik titartaalluni unammisitsinermi ajugaasuusoq,
  • Nakkaavimmik oqaluttuatoqqat naapertorlugit pissaaleqinerup nalaani utoqqaat ilaqutariinnut artukkiiumanatik qunnermut imminnut igittarsimasut,
  • Sungiussisimasunik arppatitsisoqartartoq. Arctic Midnight Orienteering Ilulissat kangerluannut qanittumi juuni qaammat ingerlanneqartartoq,
  • Innaallagissiorfik erngup nukinganik ingerlatilik Ilulissani atulersinneqartoq. Innaallagissiorfiit sisamat illoqarfinni tallimani Nuummi, Tasiilami, Qaqortoq, Narsami Sisimiunilu innaallagissamik pilersuisuusut. Kalaallit Nunaanni innaallagissamik atuinerup 70 %-ingajaata CO2 mik aniatitsiviunnginnera, erngup nukinganik atuinermik patsiseqartoq.
  • Nunaqarfii: 4.
  • Qeqertarsuup tunuata qeqqani illoqarfiit pingaarnersaat.

Ilulissani misigisassat

Sermip uukkartarfiata eqqaaniilluni iluliarsuit ataqqinarpasillutik sarsuasut isiginnaarlugit inuuneq pitsaanerpaaffissaminut qaffatsinneqartutut ilisarpoq. Ilulissat kangerluat tupinnanngitsumik Unesco-p nunarsuatsinni eriagisassatut kingornussat nalunaarsuiffiannut ilanngunneqarnera tunngavissaqarluarpoq.

Ingerlassineq

Qanoq isillunga tassunga pissaanga ?

Suluusalinnit qulimiguulinnillu angallavigineqarpoq                                                      

Air Greenland ullut tamakkingajallugit Kangerlussuarmiit toqqaannarluni Ilulissanut timmisartuussisarpoq. Timmisartuussinerni ataasiakkaani Aasiaat aqqusaarneqartarput. Aasaanerani Qallunaat Nunaannit/Europamiit Kangerlussuarmut sap. ak. arfinileriarluni ukiuuneranilu sap. ak. sisamariarluni timmisartuussisoqartarpoq. 

Qanoq isillunga angallavigissavakka?

Bussit taxallu illoqarfik tamakkerlugu angallavigaat. Hotel Arctic akunnittarfimmut angallassisarpoq. Pisullutit Ilulissat illoqarfiat tamakkiusarlugu misigisassarsiorfigisinnaavat. Immakkut angallammut ilaallutit nunaqarfinnut angalagit imal. asimukassaguit kamippaat pisuutit atikkit. Ukiukkut qimusserneq  snescooterimillu angalaneq nuannarineqarluartuupput.

Arctic Umiaq Line-ip sinersortaataa, avannaani Ilulissaniit kujataani Qaqortoq tikillugu ilaasunik angallassissut ilaaffigalugu aamma angalasinnaavutit. Umiarsuaq maajip naalerneraniit aggustip naalerneranut sapaatip akunneranut ataasiarluni talittarpoq.