Isortoq-mut angalanissat nassaariuk
Isortoq pillugu
Isortoq Tunumi Tasiilamit 100 km-it missaannik kippasinnerusumiippoq Ammassallillu nunaqarfiinit minnersaallunilu kujasinnersaavoq. Sermersuarmik qarsutsisunut Isortoq immikkooruteqarluinnartuuvoq. 600 km-it sermersuarmi naalliuperaareerluni kitaanit aggeraanni, Isortoq inoqarfiit siullersaattut tikitassaavoq. Isortoq sermersuarmut qanittuummat sermersuarmi ilisimasassarsiorniat aallarfiginngikkunikku tikiffigigajuttuuaat. Isortoq immap isorneranut ateqaataavoq. Imaq isungaarmat qajartortup paatimi immamut mangunnera takusinnasarsimanngikkaa, qangaanerusoq oqaatigineqartarpoq.
Misigisassat Isortoq
Maattusuunut
Isortumiit sermersuarmut qutaarluusumut, imaannaanngitsumut pissanganartumullu km-it tallimaannaapput. Tamaani illunut mikisunut anorimut silapilummullu oqqiffiusinnaasunik qaqqarsuaqanngilaq, inuillu nunami issittumi naakkitaassinnaasartumi inuunerminni unammilligasaat sakkortuumik ersersinneqarput. Innuttaasulli tassungarpiaq nunalissimanerannut patsisissaqarluarpoq, tamaanimi piniagassarpassuaqarpoq. Qeqertarpassuit, kangerluit kangerliumanerillu sikorsuarpassuarnik saatsersunik iluliarsuarnillu akullit, puisinut uumasunullu nujuartanut allanut nunami pillualereerfiuvoq. Nunaqarfik piniartunik maattunerpaat ilaannik qimussillammannillu peruisoq, qanimut misigisaqarfigiuk. Taamanersuaq maannalumi unammilligassanit aniguissagaanni atugassarititaasut taamaapput.
Paasissutissat
- Tasiilap nunaqarfiisa mikinersaat
- Sermersuarmut 5 km-miiterinik ungasissuseqarpoq
- 70-it missaanni inuttussuseqarpoq
Ingerlassineq
- Kangerlussuarmiit Nuummut taavalu Kulusummut. Kulusummiit, Qulimiguulimmik timmisartuussisoqartarpoq sap.ak. marloriarluni.
- Nunaqavissut ilgalugit immakkut nunakkullu. Ukiakkut upernaakkullu, qimussimik.